بقلم الكاتبة نغم حيدر
جان وكت متروس
طيبة ومحنة شو هسة
كمنا نخاف حتى من أهلنا
________________
ماسال
كعدت من النوم على صوت اعياط اخوية ومرتة اخذت نفس وكمت غسلت وجهي ونزلت جوة قبل لا مرت اخوية تسويلي هوسة نزلت دخلت المطبخ طلعت الطاوة خليتهة على الطباخ ودخلت مرت اخوية
ريام:ها عيني صح النوم
استغفرت ماهتميت الهة طلعت البيض من الثلاجة وطكيتة وسويت البيض طلعت الاجبان والزيتون خليتهن على الطاوله رحت صحت الإخواني اجوي كعدوا على السفرة صبيتلهم جاي وكعدت حجة اخوية الجبير حازم
حازم: سارة ميار شلونة شغلجن حبيباتي
ابتسمت سارة واردفت
سارة : الحمدلله زين
ماسال: حازم اني هم اريد اشتغل
ريام: وليش تريدين تشتغلين اشو اخوانج ما مقصرين وياج بشي
اخذت نفس احاول اهدي نفسي
ماسال: اي اعرف اخواني مامقصرين بشي والحمدالله بس اني عاجبني اشتغل
ريام: عاجبج لو علمود تشوفين حبيبج
شهكت من كالت هيج باوعلي حازم واردف بصرامة
حازم: شهل حجي ريام
ريام : واللة حبيبي البارحة من مريت من غرفة ماسال سمعتهة تحجي بالتليفون وتكول حبيبي باجر اقنع اخوية علمود اشتغل ولمة اروح للشغل نتقابل
باوعتلهة بصدمة شوكت هاي اصلاً ماعندي هيج سوالف كام حازم جرني من شعري سحلني للصالة شمرني صاح بيه
حازم: التليفون وييين
بلعت ريكي واردفت بتلعثم
ماسال: ف..فو..فوك
حازم: ميار روحي جيبي
راحت ميار دقايق ونزلت ميار اخذ التليفون فتحة ضل يدور بي ثواني بس ثواني ونكلب وجهة صارت ملامحة تخوف من العصبية ركع التليفون بالكاع تكسر صار قطع اصغار باوعلي واردف
حازم: حلو حلو تلعبين من وراية
ماحسيت الى على راشدي ودفرني عتني من شعري سحلني ليفوك ذبني بالغرفة وقفل الباب كمت للباب ادك بي واصيح
- حازم ابوس ايدك طلعني منا حازم واللة ماسويت هيج
احجي اعيط ماكو فايده كعدت بالكاع منهار اصلاً شلون اجة رقم شاب التليفوني ضليت كاعدة هيج لحد العصر انفتح الباب ودخل حازم وبيدة أوراق وقفل وراة
حازم: اي عيني احجيلي شلون بدت علاقتج انتي وحبيبج
ماسال: حازم واللة العظيم وروح ابويه ماكو هيج شي
