بقلم الكاتبة نغم حيدر
غيب وشوف روحك هم يحبونك؟
لو بس بالوجه كلهم يريدونك .
_________________________
هيلين
- ساجر ولك ساجر اكعد
باوعلي واردف بنتر
- شكو شتريدين
- ب 12 يلا كوم وديني
- وين اوديج
- لبيت الدكتور عبدالقادر
- شتسوين
- اليوم الصبح خابرني الاستاذ عبد القادر كلي ماسال حالتهة مو زينة ف اريد اروح اخذهة
كام راح للحمام واني طلعت من الغرفة رحت للمطبخ اسويلة اكل طلع حيدرة من غرفتة دخل المطبخ
- صباح الخير.
رفعت حاجبي اردفت وجاوبتة
- هذا ياصباح التحجي علية الساعة ب 12
- هسة شبيج عوفيج مني وين رايحة
هيلين: رايحة الماسال
حيدرة: ليش شبيهة
- مادري بس رايحة اجيبهة ومناك واديهة اليلين
طلع ساجر باوعلي واردف
- يلا امشينة
هزيت راسي اخذت الجنطة باوعت على حيدرة وكتلة
هيلين: حيدرة الاكل ب المايكرويف بس احمي
طلعت صعدت بالسيارة ومشة ضلينة ساكتين طول الطريق ساجر كلش هادئ وقليل الكلام بعد نص ساعة وصلنة كدام بيتهم نزلنة وكفنة كدام الحارس اول ماشافني دخلنة طلع ابن عبدالقادر ايهاب دكتور ويانة
ساجر: سلام عليكم
ايهاب: وعليكم السلام تفضلوا
دخلنة ولكيت ولد عبدالقادر كلهم موجودين حتى البنات وحدة منهن حاضنة ماسال سلم ساجر واني تقربت منهة
هيلين: ماسال
اول ماشافتني حضنتني تحجي بس السانهة ثكيل تحجي بدون وعي باوعتلهم واردفت
هيلين: شبيهة
ايهاب: صديقتج الذكية شاربة اربع حبايات منوم
شهكت باوعت عليهة عزا حجت وهية تبجي
ماسال: هيلين راح وعافني
عضيت شفتي حضنت وجهة بجفوفي واردفت
هيلين: ماسال حبيبتي تعالي وياي
ماسال:ما اريد اريد ابقة يم اسراء
حجة ساجر مبين ضايج
ساجر: ماسال لاتعاندين وتعالي ويانة
باوعت على ساجر عقجت وجهة وكالت
ماسال: هذا شجابة هنا
ساجر: للاسف انجبرت اجي علمود حضرتج
