الساعه 7 الصباح
صحت بطلتنا من النوم واخذت شور و سوت عنايتها ببشرتها وراحت تقوم البنات الي كانو غاطسين بالنوم فتحت الدرايش والنور ونطقت اريام : طفيي النور بنامم
الماس: مافيه نومم يلا الساعه عشررر يلا المخيمم(كانت تمزح عشان يصحون) فزت نجد :ايشش عشررر كلهم قامو الا جود نومها ثقيل راحت ألماس جابت مويه بارده حيل ورشتها على وجه جود فزت جود وهي تنهد جود بعصبيه: مهبولهه انتيي لوو متت لفت على ألماس الي ميته ضحك على وضعها نطقت ألماس وهي تضحك: قومي قومي بس يلا وراناا مخيم
جود وهي مو مستوعبه رجعت انسدحت بعد كم ثانيه نطقت ايشش مخيممم
ألماس: ايهه يلاااا قومي
قامت جود وراحت تاخذ لها شور
نزلت بطلتنا تحت وحصلت العيال يركبون اغراض المخيم راحت عند المرايه تضبط نقابها وخلصت وقالت لجدها اركب مع مين نطق سعود تعالي بسيارتي كل البنيت معي والكبار مع الباقين وشمقت له ألماس وركبت سيارته وركب وراها سعود وبعد كم دقيقه جو البنات وكل العائله حركو للمخيم
—————————————————وصلو آل محمد
ألماس بتعجب : الله هذا هو
جود:يقلع ام الفله
دخلو وحده من الخيام وبدو يرتبون اغراضهم وراحت الجدة ووحده من الامهات يضبطون الفطور
———
عند الرجال
الجد: ايه هذي الاجواء الزينه الا وين الباقين
سعود: توهم م وصلو كلمني فيصل يقول قريب
الجد:ايه خير ان شاء الله
قاطعتهم الجدة: يلا الفطور (يفطرون جماعه)
قعدو الرجال ع السفره ينتظرون الحريم
ألماس والبنات جو الماس : جوووعانه
سعود: بتاكلين لا تنفجرين علينا
شمقت له ألماس وسعود عصب شوي لانه طفش من تشمقاتها
جا الفطور وافطرو ودخلو الخيمه ع القهوه والشاهي والحلا يسولفون
فارس: نجد سمعينا صوتك
الجدة: تقهوى تقهوى
فارس: سمي
سعود كان يضغط فجواله ويبتسم وألماس ضرب فيها عرق الغيره
عند سعود فجواله
فهد:يولد تعال والله اشتقنا لك وطقطقتنا فالدوام
سعود: بجي بجي وارفع ضغطك
فهد: نكسر روس بعض تعال بس
سعود: بالله عاد كيف الدوام ان شاء الله زين
فهد:الحمدلله زين
سعود: الحمدلله يلا اكلمك عاد
فهد: لاتقطعنا
سعود: ابشر
قفل المكالمه
سعود كان ماخذ اجازه عشان اهله وبيجلس معهم ويرجع للدوام
رفع راسه سعود وجت عينه بعين ألماس شافها تناظره عقد حواجبه وشالت عينها منه وجلست تسولف مع اريام
———————————-
بعد فتره طلعت وراحت لبست جلبيه وحطت الطرحه ع راسها وراحت للمطبخ عشان تجدد القهوه
عند سعود لما طلعت ألماس طلع وراها بيعرف وش ذي النظرات شافها تدخل المطبخ دخل وراها
ألماس كانت تدندن وحست بنفس وراها لفت حصلت سعود وتنحت فيه بعد فتره نطق سعود: خلصتي تأملك؟
استوعبت ألماس وغطت وجها بطرحتها:شتبي انت ليه تلاحقني
سعود: وش قصدك بنظراتك قبل شوي
ألماس ب استغباء: أي نظرات شكلك فاضي انت ومشت بتطلع مسكها من يدها وسحبها وحطها ع الجدار سعود: نظراتك قبل شوي وانا ع الجوال
ألماس: كنت افكر وطالعت فيك بس واذا ناظرت فيك شتبي انت حاشر نفسك ؟؟
سعود ب ابتسامه : امشيها لتس طيب هالمره بس
ألماس شمقت له ولفت تسوي قهوتها وتكى سعود ع الباب يبي يحرها
ألماس: خلاص اطلع وش تنتظر تراني م احل لك والله ل اجمعهم عليك اطلع
سعود: جميعهم يلا
ألماس بصراخ: ننننجج..... قاطعها سعود وهو يحط يده ع فمها وسكر الباب مهبوله انتي ؟ ألماس وهي تشيل يده عن فمها ايه ايه مهبوله اطلع يلا
طلع سعود وهي كملت تسوي قهوتها وتذكرت ابتسامته وابتسمت وخلصت من القهوه وحطتها ف الثلاجه حقتها وطلعت للخيمه
غيث : بدري لو طولتي شوي
ناظرته وشمقت نطق: وش يعني
تجاهلته ونطق الجد: وشعليكم فيها جلست جنبه تبوس يده وابتسم
ام فيصل: مدلعها زود ياعمي انت
الجد: اذا م دلعتها ادلع مينن
ضحكت ام فيصل
وجلسو يسولفون
جت الساعه 1:23 ونطق غيث: وش رايكم ع المغرب نلعب دبابات
الكل: تمم
ألماس:حتى انا ابي العب
فيصل:كم عندي ألماس
وغيث ناقد عليهم
——————-المغرب
جابو العيال دبابات للبنات وهم راحو يلعبون
سعود وهو راكب معه فيصل
فيصل:ييييلددد التطيععس
سعود :حييييكك
ابو فيصل:ابببك هدووو لاتجيبون لنا مصييبه
سعود: معليييك ي عم نعرف
ابو فيصل بنفسه:الله يحفظهم
وجلسو يلعبون
عند البنات
جود:يمهه م اعرفف له
الجوهره بضحك: حتى انا ابلشش
ألماس معليكم اعرف انا
وجلسو يتضاربون مين يركب مع ألماس
ألماس: تعالي نجدي ابتسمت نجد وركبت وطلعو برا يطعسون
شافهم سعود واحترررق عصب وقف فيصل:وشبك
سعود:مانيب لاعب العب لحالك خلاص تعبت
فيصل:بكيفك عاد
سعود طلع دخانه وجلس متكي ع الشجر ويطالع ف ألماس وألماس لمحته بس طنشت وجلست تطعس فيه
نجد:يمههه وقفيييي بنزلل ألماس ميته ضحك عليها وكملت والله ابكي نزلينيييي اخاففف بسرعه
ألماس وقفت شوي قريب من سعود وجلست تضحك عليها
ألماس: خوافه
نجد وجها احمرر وتبكي:انتي طايره وجع
جا سعود خوف ع نجد:وشبها
نجد:تسرع بالدباب وقلت لها وقفي ولا وقفت
ألماس وهي تضحك : م سمعتها
وراحت نجد
سعود:ماشاءالله وطالعه برا
ألماس شمقت له ومشت سحبها وقال التشميقات ذي لاعاد اشوفها طيب ولا بتشوفين شي م يعجبك
ألماس وهي تناظره والدمعه بعيونها لان م تحب ذا الاسلوب:لاتكفى ترا! يشيخ طير بس
سعود بدا يعصب وسحبها بعيد شوي عن المخيم:مسك فكها عدلي اسلوبك معي فاهمه
ألماس وهي ترجف: اتركني مو فاهمه ومشت وراحت
سعود عض شفايفه بقهر ومشى
جلسو يتقهون ويلعبون
جا وقت النوم ونامو كلهم
——————-وقت الرجعه
كانو يشيلون الاغراض الي شايل كرتون مويه والي شايل الفرش واللي يساعد جدته وركب سعود سيارته والي معه
ألماس-اريام-نجد-فيصل
والباقين بسيارات العيال و فيصل قال اطربنا وشغل
-لاماك ياصاحبي من ابسط حقوقي
شفني على ديرتك ربي معنيني ياديرتن
حبها من حب مخلوقي لو تعرفين الغلا
ماكان لمتيني جعل الغيت يسقيها دار
ساكن فيها من يطري على بالي قبل
يحل طاريها ياجعلي فدا كبده لا قبله
ولا بعده بين الخلق يحلالي ولف مانسى
وعده -
كاااان سعود طربان وألماس تتامله بنظرااات واريام لاحظت وتدقها وهمست لها اعجبك وغمزت وشمقت وضحكت اريام
عند فيصل كان يناظر نجد وانتبه لعيونها اللي تجذب الواحد انتبهت نجد لفيصل وبعد عيونه وتوترت نجد وجلست ع جوالها و م تدري وش سوت عيونها لفيصل بعدين سعود وقف الاغاني و كملو طريقهم
———
