وصلو آل محمد البيت على الساعه 5 الفجر وتعباننين دخلو الحريم غرفتهم والعيال نامو بالمجلس وعطوها نومه الكهف
———————————————- صحت الجدة ع الساعه 11 وقومت الحريم الكبار يسوون الفطور وراحت ام تركي حصه تصحي البنات دخلت الغرفه وبااارده ثلج شغلت الانوار وطفت التبريد وفتحت الشباك اساس الشمس تدخل الغرفه نطقت:قوومو يلا الفطور شالت من البنات اللحاف وقامت ليان قالت م شبعت نوم حررام عليكم
ام تركي: قومي البنات لاتحنين
تأففت ليان وقومتهم
—————————-بعد فتره قامو كل البيت وتجمعو على السفره وسمو بالله وبدو يفطرون وهرج بعد ماخلصو الفطور قامو البنات يجهزون القهوه والحلا وجلسه الظهريه وسواليف وقامو العيال يلعبون بلاستيشن وسواليف الشيبان
انتبهت نجد لنظرات فيصل متدري ايش معاناتها شال عينه وكمل يهرج مع خالد ونجد تطقطق فجوالها دقتها ألماس وتغمز لها عشان نظراتها قالت نجد:شتقصدين خبله
ألماس:تبادل نظرات ها بينك انتي وفيصل
شمقت نجد وضحكت ألماس
قامت نجد تشرب لها مويه انتبه لها فيصل وقام وراها دخلت نجد المطبخ وراحت تصب لها مويه ودخل عليها فيصل ناظرت بطرف عينها وكان وراها شربت وكانت بتمشي مسكها وحطها ع الطاوله نطقت وهي معقده حواجبها:ابعد لو سمحت ظهري وجعني
فيصل بأبتسامه: جعله بضلوعي عنتس نجدي
نجد بصدمه: وخر عني لو سمحت ولا تمسكني م ااحل لك يحقير
فيصل ضحك: انا اقرب لتس من روحتس ليه الصياح
نجد هامت فيه ووخرت يدها بقوه وطلعت من المطبخ وصدرها يرتفع وينزل من توتره دخلت وجلست معهم وتفكيرها بضحكتته
—————————— بنص السوالف نطق سعود:انا بسافر لدوامي عندي اشغال والله بأذن الله راجع بعد شهرين عندي اشغال وتعرفون اشغالي
الجد: بالتوفيق يسعود الله يوفقك
الكل: ترجع بالسلام ان شاء الله
عند ألماس ضاقت شوي وتناظره م تبيه يروووح ابددا سعود حس فيها وجلس يناظرها وهزت راسها والدمعه بعيونها سعود مو عارف شفييها و وش ذي النظرات قامت ألماس وهي متضايقه حييل طلع بسرعه وراها سعود مسك يدها ودخلها غرفه محد يدخلها ألماس تناظره مصدومه
سعود: وش تقول النظرات
ألماس باستغباء:أي نظرات تتكلم عنها؟
سعود: دموعك فعيونك انطقي وشفيك
ألماس وهي خلاص بتنهار تعلقت فيه ماتبيه يبعد عنها بغصه: مافيني شيء ليش بتروح؟
سعود:وين اروح
ألماس:تسافر
سعود:دوامي طيب اجلس لتس عشان ألماس
ألماس بضحكه تسليك:روح احسن مو ميته عليه دفته وطلعت
سعود هاااااااام فغمازتها وراح يفكر هي طاحت فيه ولا
————————————————-رجعت ألماس تسولف وتتقهوى وتسولف مع اللي عندها والجوواء كانت احلى مافيها بنص السوالف دقت جارة ام عساف عليها وسلمت عليها وقالت لها اني جايتك عالمغرب
ام عساف : هلا ومسهلا ونورتي البيت
ام مطلق : يابعدي ويلا عالساعه ست وانا جايه قفلت ام عساف وعلمت اللي بالبيت واللي قامت تاخذ لها شور واللي قامت تجهز الحلى وفوووضى
عالساعه 6:30 جت ام مطلق وسلمو وجلسو والبنات كلهم موجودين ماعاد ألماس ونجد
————————————-عند نجد وألماس بالغرفه نطقت ألماس: افف نجد مو عاجبني شكلي مابي انزل
نجد بصدمه: بنت والله اننك موتٍ حمر اخ بس
تقدمت ألماس للمرايه الطويله وجلست تفكك الويفي كانت لابسه جمبسوت بيج كم واحد عريض والكم الثاني مافي وسيع وكعب شفاف وميكب سمووكي وحطت لمسسه خلت ملامحها تنحد روج احمر ووواااه يالمنظر
ألماس وهي مبتسمه: والله اني اهوول العقل
نجد: اخيرا امشي تاخرنا
اخذت الماس جوالها والباور بانك وطلعت من الغرفه بعد مانجد سبقتها
—————————-عند الحريم
ام عساف: كيف الاخبار ان شاء الله طيبه كيف العيال
ام مطلق: نحمد الله بخير الحمدلله كيفكم انتم
ام فيصل: والله بخير تو مانور البيت والله
قطع سواليفهم دخول نجد وألماس وهي تقفل الجوال ومبتسمه وسلمت ع جدتها وام مطلق ونجد بعد
ام مطلق: ماشاءالله منهم ذول
ام سعود : بنتي نجد وألماس بسم لله عليهم
ام مطلق: الله يحفظهم طبعا ام مطلق انعجبت باألماس جمال والكمال لله وسوالف
ام فيصل: ألماس قومي سوي الشاهي عشتي
ألماس:ابشري قامت وراحت للغرفه مشغله غرام اطفال رابح صقر ومندمجه وتسووي الشاهي ومكسرات بكل حُب جت ترف من وراها بدون صوت وصارخت ألماس صارخت صرخة قويه انفجعت
—————————عند الحريم
سمعو صوت ألماس تصارخ انفجعت ام فيصل واريام ونجد راحو حصلو ترف تضحك وألماس تهاوش
ألماس: مالك داعي ترف بزر انتي ! وش ذي الحركات بطليها تكفين
ام فيصل بخرعه: شفيكمم ليه تصصارخ ألماس
ترف: خوفتها بس مافيه شي روحو
ام فيصل : انتبهو
راحو اريام وام فيصل وجتهم نجد
نجد: بنات مارتحت لذي شسمها الشايبه
ترف بضحكه: نجد وش الشايبه خافي ربتس اسمها اام مطلق
نجد: اي شيء بس وضعها مُريب ياخي
ألماس وهي تحرك الشاهي: وش فيها يعني من وضع مُريب
نجد : كذا مااحسها وجه خير يعني وبعدين ماشفتي نظراتها لك يعني
ألماس تكت على طاوله المطبخ ولفت على نجد : وش تقول نظراتها يعني بتسحرني مثلا!
نجد: اوف ألماس احسن مافهميتني يعني نظراتها احسها مو مريحه بس بكيفك
ترف: يجمااااعه هدو هدو شفيكم انتم! وبعدين شتبون با هالضعّيفه
نجد: يوووه خذلك تقولتس ضعّيفه ياألماس وش ردتس
ألماس وهي تحط المكسرات بصحن وتعطي كل وحده صحن: والله كلام فاضي وامسكي وودها يلا ومسكتهم وطردتهم من المطبخ وحطت جوالها فصدرها وخذت الشاهي ومشت وقالت بنفسها قالك نظرات ها وضحكت
————————— عند العيال اللي اخذو غفوووه من بعد االفطور تحرك نياف بانزعاج وصحى وشاف الساعه طلعت 9:25 دف اللي جنبه وكان فارس
فارس: يولدد وخر عني ياخي
نياف:من انت قوم الفجر
فارس: ياخي وخر بنام ياخي الله يقلعك
نياف: طيب طيب
قام ولع الانوار وطفى المكيف وفتح الباب ومشى
تركي: يالييل البلشه وغطى نفسه
ومحد قام
رجع نياف بعد فتره وكان ماخذ شور ولابس فنيله وسروال الثوب والمنشفه براسه وقف عند الباب فاتح فمه
نياف: قومووو يشبابب الصلاه يرحم امكم قومو
فارس: الله يقلعك من ولد طففف النور
نياف: والله لااروح اعلم جدي طيب
فزو العيال جلد على نياف
نياف وهو يضحك ومو قادر: والله اسف خلاص
طلال: عودها مره ثانيه
نياف: يلا خلاص شطوريين صحيتو يلا يلا
____________________دخلو عند الحريم بعد مالبنات راحو الغرفه وبدلو بجامتهم وكانت بجامة ألماس قصيره واكمامها نحيفه كانت حرانه وقالت انو مافي احد الا البنات
قامت جود وسوت لهم قهوه سوداء يحبها قلبهم واللي تصور واللي تعزز وكانت الغرفه امتتع شيء
قامت ألماس وباست هذ جود وهي تستطعم القهوه: اخيييه هالقهوه تسلمم الايادي وجلست عالسرير
جود: عاافيه وعطتها بوسه عالطاير
ابتسمو البنات وشغلو اغنيه نبض قلبي وسمعت ألماس هالبارت :
أنتَ أنتَ نبض قلبي والله احلف
لك بربي وأنتَ وحدك بس حبي
وأنتَ لي الحياه في وجودك
مابقى لي غيرك أنتَ أي غالي
ماخذٍ عقلي وبالي وحبي لك
يامحلا هواك .
وتذكررت سعود وابتسامته وابتسمت قطعت الصمت رند يبنات ريحة ام مطلق افيييه الله يخساها بس
تجمعو البنات بنص الغرفه ومعهم قهوتهم وحلاهم
ترف: بس ولددها ماشاءلله عليه حليو يعني
نجد: وش علي بولدها ببناات نظراتها شر شر علينا والله هذاني حلفت
ألماس: انا ماشفت شي والله
رند: انتي بس ارقدي على سماعتك بس
ضحكت ألماس: شدعوه
بنص السواليف دق الباب
ترف : منهو
سعود: انا افتحو ابي اكلم اريام
ترف : افتح يعني ادخلك عندنا ولا شتبي
تركي: ايه نبي نتكي عندكم شرايكم!
سعود لف عليه: لحظه شتبي انت بكلم اختي يولد تقلع
تركي: سم
سعود: ذا اللي ناقص رجع للباب افتحوو
اريام :جيت جيت
سعود: سلحفاه حشى!
اريام فتحت الباب بقوه :خير خيير من متى جبت الخير
سعود: افاا
اريام: كثرت سكرت الباب
سعود: افتحييي
اريام: هاه يسعود
سعود: ابي فلوس بس بس 180
اريام ماحبت تسولف كثير : احول لك الحين يلا اذلف وسكرت الباب بقوه
سعود: تمونين ههههه
—————————
ارحبووو كيف البارت ان شاء الله نال لااعجباكم ولا تنسون تضيفوني انستا i.l4r1 انزل كلشي هنااك وبسس قراءه ممتعه ان شاء الله💕💕
