ام امل واقفه في المطبخ وامل معاها الباب بيخبط اوي
امل امل تُنادي علي دنيا
: قومي يا بت افتحي الباب
دنيا:حاضر يا ماما
دنيا فتحت الباب وجرت علي امها
دنيا: الحقي يا ماما ناس كتير اوي واقفه علي الباب
ام امل: مين دول؟!! تعالي لما اشوفهم........ يا ساتر يارب خير في ايه
واحد من اللي واقفيين: انتي يا ست ام امل
ام امل: ايوه يا خويه خير
: احنا عاوزين تيجوا معانا البسي وتعالي
ام امل: علي فين؟!! اناجوزي فـ الشغل وما اقدرش اروح اي مكان من غير اذنه
الراجل: تعالي يا ست معانا ومتخافيش....
طلعت امل وقالتله
: خير يا عمو في ايه؟
قالها: انتي مين يا حبيبتي
امل: انا امل ودي ماما ودول اخواتي...
الراجل طبطب علي كتفها وقالها
: البسي انتي واخواتك وتعالي مع ماما..
ام امل سابتهم وراحت لجارها
ابو ممدوح وده راجل كبير وطيب
وزي ابوها
ام امل: الحقني يا ابو ممدوح تعالي شوف في ايه ومين الناس دول؟؟
ابو ممدوح: متخافيش يا بنتي انا عرفت في ايه البسي وتعالي معانا
ام امل: طيب طمني
: تعالي بس معانا وهنقولك في السكه
لبست ام امل وبناتها لبسوا ومشوا مع ابو ممدوح وتلت اربع رجاله كمان
ام امل بتقول لابو ممدوح
: انا قلبي مش مطمن حسه ان في حاجه وعماله اتصل بــــــ ابو امل مابيردش
ابو ممدوح قالها:شدي حيلك يا ام امل ربنا يعينك علي تربيتهم
بصتله ام امل وهي مستغربه
: هو في ايه انا كده قلبي هيقف في ايه يا ابو ممدوح؟
نزلت دموع ابو ممدوح وهو بيبص علي التلت بنات رد الراجل اللي ماشي معاهم وقال
: احنا وصلنا
ردت ام امل: هو ايه ده احنا جينا هنا ليه.... انا ماليش حد في المستشفي
بصلها الراجل هو والتلاته اللي معاه وقالها: شدي حيلك
ام امل: يعني ايه فهموني فهموني حرام عليكم في ايه؟
قرب منها ابو ممدوح وقالها
: البقاء لله ابو امل عمل حادثه الصبح وتوفي وعرفوا العنوان من البطاقه وتليفونه مع الجماعه دول ودول ناس ولاد حلال نقلوه المستشفى ومعاهم بطاقته وتليفونه وانتي لازم تيجي تستلميه شدي حيلك ربنا معاكي
ام امل: هو انت بتتكلم جد؟ ولا بتهزر انتوا ليه بتقولوا اخده دا انا يا ابو ممدوح بعتبرك ابويا وابو امل بيحبك ليه كده ليه حرام عليك حرام عليك
قطع كلامها الراجل اللي واقف وقالها
: لو سمحتي تعالي عشان تستلمي الجثة
معملتش حاجه حاجه ام امل........ اغمي عليها بس امل والتزام كانوا بيصوتوا جامد اوى ومسكين دنيا فـ ايدهم وهما حوالين امهم المرمية علي الارض بصراحه.. منظر صعب اوي
اتلموا الناس وعرفوا الحكاية نقلوا ام امل بسرعه للأستقبال
ابو ممدوح مسك البنات المنهارين
#إلتزام والتضحية
اسفه ع التأخير
