مسك البنات المنهارين ومعاه باقي الناس اللي اتلموا علي الحكاية الكل بيبكي الكل بيساعد في كل حاجه استلام واجراءات وغسل وتكفين وكل حاجه حتي الدفنه ابو ممدوح عمل كل حاجه هو وكل اللي معاه وفـ ايده البنات... الكل حزين متأثر ابو ممدوح بيفكر في البنات الكبيره مكملتش عشرين سنه والتانيه يا دوب تمنتاشر سنه والصغيره ست سنين كلهم صغيرين هيعملوا ايه ولا امهم اللي مش دريانه بالدنيا ولا اللي فيها هتعمل ايه فيهم وهما مالهمش اي حد في الدنيا
: يارب يارب عني عليهم وابعتلي رزقهم......
اصل ابو ممدوح راجل يعرف ربنا ومراته ست طيبه ومعاه ممدوح باشمهندس اد الدنيا وابن حلال طالع لأبوة
ادفن ابو امل في مثواه الأخير ورجع ابو ممدوح والبنات البيت خلي مراته تبات معاهم بعد ما راحوا لأم امل واطمنوا عليها الدكتور قالهم
: دي لسه مفاقتش عندها انهيار عصبي حاد وفي غيبوبه والله اعلم هتفوق امتي ربنا معاها..
. ابو ممدوح بيكلم مع مراته
: بصي يا ام ممدوح ربنا يبعت رزقهم ويعنا عليهم وانتي باتي معاهم لغايه ما امهم ربنا يشفيها وترجع لبناتها بالسلامه
ام ممدوح:عنيه دي ام امل دي اختي وعيالها عيالي ربنا يعنا عليهم
ممدوح بيكلم ابوه
: علي فكره يا بابا انا هطلع مصورف لأم امل وبناتها كل شهر لغايه مانشوف هنعمل معاهم ايه
: ربنا يخلف عليك يابني
عدي اسبوع وفجأة رن تيلفون ابو ممدوح الصبح بدري رد ابو ممدوح ووشه نور وقعد يقول
: الحمدلله الحمدلله
وجري علي بيت ام امل وخبط فتحتله ام ممدوح
: خير خير يا ابو ممدوح وشك منور خير
: الحمدلله يا ام ممدوح الدكتور اتصل بيا وقالي ام امل فاقت وبقت كويسه وممكن تروح وتيجي لبناتها
فرحت ام ممدوح اوي هي كمان وقالتله
: يلا يلا دلوقتي نروح نجبها تنور بيتها بس استني الاول اعمل لها لقمه علشان تلاقيها تعبانه وهفتانه من كل اللي شفته وناخد البنات معانا علشان تشوفهم وتطمن عليهم
ابو ممدوح:عندك حق يلا اوام وبسرعه عقبال ما اقول لممدوح يجي معانا
ابو ممدوح: يلا يا بنات علشان نجيب امكم
ممدوح جاب العربية اهه يلا بسرعه
ـــــــــــــــــــــ
مكانتش عربيه مشيه علي الارض دي كانت طوق النجاة بالنسبة للبنات
بعد فقدهم الضهر اللي بيسندوا عليه مهما عملت ام ممدوح وكل الناس مايعوضش البنات امهم ام ممدوح كلها حنان ورعايه بس برضو الأم ام
دخلوا عند الاوضه اللي بابها بالنسبه للبنات دا الحاجز اللي بينهم وبين الجنة تلات وردات تحركهم تلات قلوب يملئها الحب واللهفه والحنين
جرت دنيا بسرعه وفتحت الباب بصرخه كبيرة
*: أمـــــــــــــــــــــــــــــي*
ووراها امل والتزام صوتهم كان بيرج حيطان الاوضه اتهز السقف من فرحتهم اتزلزلت الارض من احضانهم لبعض عاموا في دموع الفرحه
صحيح اربع اجساد لكن قلب واحد و مشاعر واحده حب لهفه حنين شوق
: وبعدين هو. احنا ملناش نصيب في الاحضان دي
دي ام ممدوح والدموع مغرقه وشها والفرحه مطيراها من علي الارض وخدت ام امل في حضنها
ابو ممدوح و ممدوح وقفين يحمدوا ربنا سبحانه وتعالي انه نجي ام امل ورجعها لبناتها الحمدلله
#إلتزام والتضحية
اسفه علي التاخير بس النت وحش جدا
والروايه كانت ممكن تتكتب بالفصحى بس اللي ألفها قاصد انه يعملها مابين الاتنين لانه بيدي تركيز اكتر،
ودي مش روايتي دي روايه ماما اللي الفتها وبإذن الله في روايتين ليها تاني هكتبهم وهنزلهم بعد الروايه دي محتاجه رأيكوا علي روايه ماما
