ابو ممدوح: يلا بقي عوزينك تنوري بيتك يا ام امل
ام امل عيناها مليانه دموع هي مش عارفه دي دموع رجوعها لبناتها ولا دموع حزن علي جوزها
وهي كهادتها سلمت امرها لله وحمدت ربنا علي لمت بناتها حواليها
ركبوا وروحوا ودخلت ام ممدوح والبنات يجهزوا لقمه لأمهم وعلشان يتلموا كلهم بعد الغيبه الطويله اللي حصلت
ام ممدوح بتقول لأم امل
: ربنا يعينك يا حببتي عليهم ويجعل فيهم العوض شدي حيلك واي حاجه انتي عاوزاها ماتكسفيش انا اختك وممدوح ابنك وابو ممدوح اخوكي...... نسيبك بقي علشان ترتاحي.... السلام عليكم
شكرتها ام امل وشكرت جوزها وابنها وقفلت وراهم الباب وبصت علي بناتها وخدتهم في حضنها وعينيها مليانه دموع ودعت ربنا انه يعينها علي بناتها وعلي تربيتهم
الكل نام كانوا تعبانين اوي ناموا في حضن امهم طول الليل
ام امل فتحت عينيها قبل البنات قعدت تفكر هتعمل ايه وابو امل لا ليه معاش ولا هي حيلتها اي حاجه والقرشين اللي الجيران لموهم ليها قليلين
: طيب اعمل ايه دا انا عمري ما اشتغلت ومعرفش اعمل حاجه واخاف علي البنات يتمرمطوا بــــــــــس الحمدلله ربنا هداني لفكره حلوه انا بعرف اخيط خلاص الفلوس اللي معايا احطها تقديمه ماكينه واشتغل واسد من الشغل فرحت ام امل بالفكره....... فرحت امل اوي...... التزام ماردتش.. ودنيا مش فاهمه
راحت ام امل لأم ممدوح وقالتلها علي الموضوع فرحت ام ممدوح وقالت لجوزها شجع الفكرة اوي وقالها: يلا نقوم دلوقتي نروح نجيب الماكينة.
ام ممدوح قالتلها: وانا اول زبونه
راحوا كلهم المعرض ودفعوا المقدم ومضت ام امل علي عشره شيكات كل شيك بـ 500جنية وكان الضامن ابو ممدوح رجعت ام امل وكأنها شيله ابنها اللي كان نفسها فيه وقالت الماكينة هتساعدني علي تربية البنات كأنها اخوهم
روحت البيت ونادت بناتها علشان يفرحوا معاها بالماكينة
سبحان الله ربنا فتح علي ام امل وكرمها وكل الجيران كانوا بيجيوا لها القماش علشان تفصله والدنيا عطتها وانبسطت وفرحت عيالها وجابت لهم كل حاجه هما عاوزينها مع الحفاظ علي كرامتها وسمعتها هي وبناتها
كمان مش كده وبس دا كمان في خبر سعيد ام ممدوح قالتلها
: بقولك ايه يا ام امل عوزين نناسبك في امل ممدوح عاوز يجوزها ويازين م اختار قولتي ايه ياختي
ام امل: دا انا ليا الشرف يا حبيبتي وانا هلاقي احسن من ممدوح واخلاقه وادبه علي البركه
تمت الخطوبه وسط فرحت الجميع من الجيران وبدأت ام امل في تجهيز بنتها
واحنا اتفقنا ان الدنيا مالهاش امان ودوام الحل من المُحال..
امل ملخومه في البيت ومساعده امها ودنيا عيله بتجري شمال ويمين وتلعب مع اصحابها بس في حد قاعد يفكر تفكير عميق ويحسب حسابات كتير
: ايه ده هي امل هتجوز المهندس اللي كل البنات هتجنن عليه وتمشي وانا اللي اقوم بكل حاجه دا مش عدل ماينفعش كده بصت لأمل لقتها فرحانه اوي بمدوح
وبمساعدتة لأمها طبعا ما هي هتجهز احسن جهاز وهتجوز احسن واحد
ام امل ماكنتش بتأخر طلب لبنت فيهم كل اللي نفسهم في حاجه بتعملها ليها لكن في اولويات بس مين يقدر
التزام بدء سلوكها يتغير وتتعصب من اقل حاجه وتطلب طلبات ليس لها اي لزمه وتعلي صوتها علي اختها الكبيره بدون سبب وتضرب اختها الصغيره وتنهرها ليه كده ماحدش عارف
حاولت ام امل تفهم من التزام الحكايه ماطلعتش منها بنتيجه... حذرتها من اللي بتعمله مره وفهمتها كتير ان
: لازم نكون قلوبنا علي قلوب بعض علشان ننجح
لكن التزام اتغيرت اوي سبحان مغير الاحوال
جه ممدوح يزورهم قابلته التزام برقه شديدة وكل ما يتحاور مع امل تنط فـ الكلام بسبب وبدون سبب امل زعلت وحذرتها كذا مره لكن التزام بتحس انها مبسوطه اوي لما بتعمل كده
اشتكت امل لأمها من التزام زعلت ام امل قوي من التزام
: ازاي تعملي كده وتزعلي اختك
ردت بكل تعسف وجحود
: علي فكره انا كبيره وعارفه انا بعمل ايه مش ذنبي انه بيحب يكلمني انا ـ اتفآجئت ام امل من كلام التزام وعنفتها جدا لكن واضح انه مفيش فايدة
مره علي مره علي مره ابتدي ممدوح يتغير مع امل ويعاملها بجفاء اصل امل علي نيتها ومتشلش في قلبها حاجه وبتتعامل بطيبتها
حست التزام بالنصر والفرحه وذادت من افعالها مع ممدوح وجذبت الانتباه اليها
بكت امل بشده وقالت لأمها تاني
ام امل متعصبه اوي وبتزعق لألتزام
ازاي تعملي كده مع اختك انتي كده ممكن تخسريها وتخسريها خطيبها
ردت التزام بكل برود: دا مش ذنبي
بدءت ام ممدوح تشتكي من امل انها مش قادره تفهم ممدوح وتلميح بفسخ الخطوبه مع التودد الشديد لإلتزام
فهمت امل التلميح ورفضته بشده وبالفعل تم فسخ الخطوبه
انكسر قلب امل واتنعنش قلب التزام وفرحت وحست بالأنتصار بعد فتره خبط الباب وفتحت ام امل زعلانه ومضايقه من اللي حصل
فجئتها ام ممدوح انها عاوزه تخطب التزام لممدوح وانه قالها ان التزام هي اللي فهماني وانه بيحبها اوي
طبعا رفضت ام امل رفض تام وزعلت مع ام ممدوح
لكن كان في مفاجأة كبيرة
التزام قالت لأم ممدوح
: انا موافقه
: ازاي ازاي تعملي كده انتي اجننتي يا التزام انا مش موافقه واختك قلبها اكسر
ردت بكل برود
: دي حياتي وانا حره فيها
فرحت ام ممدوح وقالت لأم امل
: خلاص التزام نفسها موافقه رفضت ام امل بشده اكتر ولكن التزام صممت علي رأيها
#إلتزام والتضحيه
