في ذمة الله ما القى وما
اجدُ
اهذه صخره ام هـــــاذه
كبدُ
قد يقتل الحزن من احبابه بعداً
عنه فكيف بأحبابه
فقدوا
تجري على رسلها الدنيا ويتبعها
رأي بتعليل مجراها
ومعتقدُ
اعياٌ الفلاسفه الاحرار جهلهم
ماذا يخبى لهم في دفتيه
غدُ
ــــــــــــــــــــــــــــــــــــــــــــــــــــــــــــــــــ
ذكريات تصب في بحر النسيان
•••نفس•••
منا اني مبيه حيل لشي ومنا ليليان خرطتني العافيه بصفنتها عليه اندك البابا ودخل بابا وهيه اجت شاورت امها
ام آمين ـ هـــــــــء
كرم ـ ءء ء، ببابا نمنم تعالي شوي ويايه
الكل الي كاعد واكف على اعصابه وبابا سحبني وصعدني بغرفتي كعدني على القريوله وهوه يروح ويرجع ويفرك بوجهه
كرم ـ بابا أنتِ حره اختاري الي تشوفي مناسب
نفس ـ شكو بابا ق قلقتني
كرم ـ تذكرين علي الدليمي؟
نفس ـ يي اتذكره ش شيخ الدليمي صديقك
كرم ـ انتِ تعرفين انو علي أأخوج قتل ابن اخوو
هزيت راسي بـ اي
ـ وهسه همه يردون رقبه اخوج الثاني وهذوله مرخصين من الدوله محد يكدرلهم
خلاني لا اخذ ولا انطي دخلني بعالم كله سواد وهموم وتفكير سلبي كمت من مكاني ارجف
نفس ـ للا لا بابا كتلوو مُهاب وعمي لتخليهم ياخذون علي رضا هوه الوحيد البقالي من بعدك بابا فدوه اتصرف
صاار ينافخ نار ويىجف من العصبيه مسح وجه بحركه سريعه وكال بجديه تامه
ـ اكو حلل بس علي مقابل بي
هزيت راسي بتكرار بمعنى اي
كرم ـ ياخذوج ف فصليه لابن علي الجبير
بقيت صافنه بوجهة فصلت شون يتزوجني واني ويا ماكلين من نفس الصحن ودمي مختلط بدمه احنه اخوان بالدم من صغرنا لاعبين ومرباييبن سوه بابا يسولف واني ولا يمه بعده يحجي واني كمت للمضيف وبابا ورايه ممنعني أبداً شفت شيوخ كلش هوايي عرفت منهم صديق بابا علي الدليمي وابنه جاسر وأسر وشيخ سعود اخر مره شفتهم جنت ب 4 اعدادي اني من شفته كبل كلهم وكفو وجاسر يخوزر بيه بحقد جيتت علي ضربته ضربته ضربته بصدره لحد مصحيت وهوه مدافع على نفسه آمين اجه يبعدني عنه لزم ايده ونتر
جاسر ـ عوفهااا
نفس ـ لك مغزر بيك الماعون الجنه ناكل بي سويه نسيت من جان علي يدافعلك من يضربوك هسه تريد تذبحه نسيت
اضربه واحجي
نفس ـ تفو على هيج خوه لا من نعله على هيج علاقه
لزم ايديه ونتر بوجهي بحركه گلب
جاسر ـ اكضبي لسانج يولي الخوه الها حدود وعلي عبر حده مهما تكون العلاكه كويه اكو حاجه تجسر هايه الكوه وانتم جسرتوها من دم اخوي انهدر
ودفعني سحبني آمين اخذني لحضنه يهديني واني ابجي واباوعله بحقد وهوه محترك عينه على ادين آمين الي يربت بيهن على متوني ويمسح على راسي
شيخ علي ـ شكلتو؟
كرم ـ بنتي ما انطيها
نفس ـ موافقه
كرم ـ نفسسسسس
نفس ـ باباااااا
بعدني آمين عنه مصدوم
آمين ـ نفس شهلخرط شدا تحجين
نفس ـ ويذبحوووون اخووووووي؟
كلتها واني ابجي واعيط بنفس الوقت رجعني لحضنه يسكت بيه وهاذا الكدامي مخنزر وشاد على دشداشته بكل قوه حيطك، اجه علي اخذني من آمين لحضنه باوعت على الموجودين اكلو علي اكل يريدون يفترسونه الى شيخ علي هزله راسه بمعنى سلام
شيخ علي ـ عجل باجر نجيب شيخ اويانه تايعقدلهم وناخذها
ويحجي من ورا خشمه، ضحكت بطرف شفتي وهاذا يباوعلي بحزن شفقه اشكد اكره هلنضره كسر عينه وطلع وطلعو ورااا بقه بس أسر، اجه خله ايده على كتف علي، وعلي يحرك براسه بمعنى اي
أسر ـ نفس خويه ولله لو جان بيدي حاجه جان سويته دحجيني عبد ضعيف حالي حالكم
صديت عنه ومجاوبته
أسر ـ حكج خويه
نفس ـ حقي اكيد حقي من ابن عمك يعتدي عليه ولازم اسكت حته ميكولون عليه مكسوره حقي من ذبحتو اخوي كدامي حقي من هججتو خالتي ومن كتلتو رجلها حقي من تخليت عن مستقبلي مقابل تخلون اخويه عايش
منزل راسه ويحركه بـ اي،سلم على علي وبابا وطلع
علي رضا ـ ليش هيج تسوين بيه بابا ليش تروحين حلمج وحياتج بسببهم تعرفين نمط حياتهم شون لج متخلفين متكدريلهم ممتكدرين لنجاة ولله متكدريلها تعيشج جحيم جحيم من أنتِ وصغيره تكرهج
نفس ـ ويذبحوك كدام عيني؟
علي رضا ـ ويذبحوني اني عايش لعيونج الحلوه دنيا وما بيها أنتِ ليش اعيشها أنتِ بنيتي من لحمي وشحمي اني ربيتج
اجتي ماما لزمتني من زنودي وصارت تخض بيه
ام علي ـ ليش هيج تسوين بنفسج ولججج ليش؟
كلنه كمزنه من صوت بابا وهوه يكول
........ يتبـــــع
البارت قصير، رجاء التصويت والتفاعل بين الفقرات 🤍🌸
أنت تقرأ
«الحقيقة الراسخة»(قيد التعديل)
Humorالحياة فيض من الذكريات تصب في بحر النسيان؛ أما الموت فهو الحقيقة الراسخة.✨
