ﷺ
جاد الزمان وأنت ما واصلتني يا باخلاً بالوصل أنت قتلتني ........
ــــــــــــــــــــــــــــــــــــــــــــــــــــــــ
ذكريات تصب في بحر النسيان
بقلمي «حـَراير»
~~~~~~~~~~~~~~~~~~~~~~
«نور»
ثلاث ايام واحنا على نفس الحال نفس تفتح عيونها دقايق وترجع تنام نتيجه الى السكر الغير منتضم بهايه الثلاث ايام مبقه شي على حاله علي رضا اضرب عن الاكل لا ياكل ولا يشرب بأستثناء المي ونادراً اما عن عمي اخذ اجازه من الدوام حته يبقه يمها وصديقاتها كل يوم والثاني يجن يزورنها ساعات زمنيه ويرجعن لحياتهن اما عن أسر منشوفه مكضيها بالطابق السفلي وجاسر نادراً ما يجي سند وآمين مزروعين يم بابها ومبين بيهم التعب عمي يكلهم روحو ارتاحو يروحون يغيرون ملابسهم ويرجعون قبل يوم اجه الشيخ علي بملابس الشرطه يشوفها ومبين بي علامات الخوف والقلق محتل كل ملامح وجهه وصار كل يوم يتصل ميكدر يجيها دائما لطبيعت شغلله والالتزامات الي هوه بيها نورس ماتجي اكتفت تدعيلها بالبيت واني الي دائماً اكعد اقره قرآن يم راسها
«اليوم الرابع»
كملت قراية سوره الرحمن على راسها وختمتها بـسوره قصيره واني امسح على راسها
نور ــ ≤بسم الله الرَّحْمَنِ الرَّحِيمِ
४ أَلَمْ نَشْرَحْ لَكَ صَدْرَكَ وَوَضَعْنَا عَنْكَ وَزرڪ الَّذِي أَنْقَضَ ظَهْرَكَ وَرَفَعْنَا لَكَ ذِكْرَكَ فَإِنّ
مَعَ الْعُسْرِ يُسْرًانَ إِنَّ مَعَ الْعُسْرِ يُسْرًا فَإِذَا
فَرَغْتَ فَانْصَبْ وَإِلَى رَبِّكَ فَارْغَبْ ≥
بست القرءان وختمتها
نور ــ صدق لله العظيم
وصرت افتح الكتاب الكريم سبع مرات بوجهه واغلقه بقوه واصلي على محمد كملت خليت القرءان يمها ورحت كعدت على القنفه الي قريبه عليها شوي سندت راسي على ايدي صافنه بملامحها الذبلانه غمضت عيوني اندعيلها الى ان سمعت صوت خلاني اكمز
نفس ــ ءء
نور ــ يمه
نفس ــ ههه
نور ــ ولج كعدتي كلبي ممصدكه
نفس ــ علي رضا
رحت كعدت يمها امسد على ايدها وامسح بعيوني
نفس ــ ترا جنت اتماطل ويه الموت لتخنكيني
نور ــ اسم الله
نفس ــ علي رضا
نور ــ اي اي
رادت تكوم رجعتها من زنودها
أنت تقرأ
«الحقيقة الراسخة»(قيد التعديل)
Humorالحياة فيض من الذكريات تصب في بحر النسيان؛ أما الموت فهو الحقيقة الراسخة.✨
