بلاستك تحت مني

part 3

دازت ديك السيمانة بسرعة عند ادم ما حسش بيها

اما ديميتري داز عندو ابطئ اسبوع فحياتو كان كايتاصل بادم مرة مرة باش يأكد معاه

أمينة وجدات ليه ما لذ و طاب من الأكلات المغربية . ها البريوات ، ها سلو ، ها المسمن ، و حطاتهم ليه في باليزة (شنطة السفر بالنسبة للي ما فهموش)

اليوم السبت بالضبط مع 18:34 ديال العشية و غدا غادي يمشي ادم ما بقى والو

أمينة تدور و تعنق فيه و كاتوصيه

أمينة: عنداك تيق فاي واحد راك غادي تغتارب ، عنداك دير بحال دوك دراري و تنسانا ، ما تيقش بالعيالات راهم لفعات ، و ما تعطيش ضهرك للرجال

ادم بضحك : علاش غادي يحويوني ؟ 😂

بتاسم ديميتري من الكامرة حينتاش غادي يديرها، ولاكن ضلامت عينيه مني شاف أمينة كاتسب فادم

آمينة : يا قليل الادب و التربية ما ربيت فيك والو و كانت غادي تشدو من شعرو ولاكن هرب

مع كان غادي يجري تعكل و طاح

بدا كي غوت و يبكي

ديميتري لي كان كي راقب فالpc تخلع و ناض من بلاستو

اما أمينة: جرات عند ولدها لي كاي بكي عنقاتو

ديميتري للمرة المليار تمنى انه يكون ماماه و عاود جلس في بلاستو كي شوف فادم كي بكي و كي دلع على ماماه و قلبو كايتحرق من الغيرة حينتاش عارفو غير كي تبوحط و باغي ماماه تسمح ليه

ديميتري حفظ الحركات ديال ادم و ولا مدمن على الدلع ديالو و الغوات و البكية حرفيا كل شي

دازت نص ساعة دابا جاية لل 19:00

ادم متكي فالحضن ديال باباه و كاي عنقو ، باباه حتى هو غادي يتوحشو داكشي علاش كان كي دور و يبوسو و يعنقو حينتاش ما كي عرفش يعبر بالهدرة

اما على ديميتري كان كايتوعد ليه بالجحيم

ديميتري :
-قسما بالله مني غادي نحكمك بيديا غادي تشوف الويل
-غير صبر حتى نشدك ا حبي و نوري لمك انا تبوس و تعنق فالرجال

-ولاكن هانيا باقي ديال التربية

سالا من الهدرة مع راسو و ناض حينتاش إلى بقى كي شوف فداكشي غادي يدير شي موصيبه

ناض من ناموسيتو ، مشى دوش ، و لبس بدلة(كنت بغيت نكتب كوستيم ولاكن ما جاتش داكشي علاش تقبلو الواقع ا الاخوان ) ، و خرج ركب طنوبيلتو و توجه للشركة ديالو