المتجول [+18] 🔥

الجزء 5

انا/ تمام.. انا عندي نسختين من العقد نسخه للشركات اللي معانا اصلا ونسخه للشركات الجديده ودا اللي فيه بند التعاقد لمدة سنتين وزياده ف النسبه
مدحت/ بالظبط كدا ي احمد.. تمام كدا
انا/ تمام ي ريس.. ف حاجه تاني..!؟
مدحت/ لا شكرا ي احمد اتفضل انت

خرجت من عند مدحت روحت عل مكتب الحسابات

انا/ روان... يلا تعالي ع الشركات اللي هتمضي العقد الجديد هتبدأ تيجي دلوقت... انتوا ي جماعه ياريت ننجز بقي من تقفيل الشهر المعفن دا ومش تنسوا تضيفوا الزيادات بتاعتنا ف الكشف لتروح علينا
رحمه/ لا خلاص انضافت وتقريبا قربنا نخلص
انا/ طب تمام هنمشي احنا... يلا ي روان
روان/ بااي ي بنات.. هنكمل كلامنا بعدين

مشيت انا و روان دخلنا المكتب بتاعنا

انا/ بصي ي روان اللي عليكي النهارده تبقي جمبي و اي حاجه اطلبها هقولك عليها ولو لاقيتيني مزنوق ف الكلام عايزك تلغوشي عل الحوار بأي حاجه
روان/ الغوش ازاي مش فاهمه يعني
انا/ يعني تحاولي تقولي حاجه او تعملي حاجه بحيث تلفتي النظر واقدر انا اخلع من الكلام
روان/ تمام فهمت... هما جايين امتي
انا/ يعني المفروض ف ناس هتوصل دلوقت

فضلنا ف المكتب شوويه نجهز العقدات

نورهان/ استاذ احمد... ف عميل وصل عايز يمضي عقد تبع الشركات الجديده
انا/ تمام ي نورهان خليه يتفضل..

دخلت علينا واحده فرسه بالمعني الحرفي

العميل/ صباح الخير ي جماعه
انا/ صباح الخير.. اهلا وسهلا اتفضلي
العميل/ انا مروه مسئولة التعاقد لشركة.......... جايه بخصوص العلاج الجديد وامضاء العقد
انا/ اهلا بحضرتك....اتفضلي استريحي... انا احمد و دي روان المسؤولين عن التعاقد
مروه/ اهلا بيكم.... ممكن اشوف العقد لو سمحت
انا/ طبعا طبعا... بس الاول حضرتك تشربي اي
مروه/ ملوش اي لزوم ي استاذ احمد.. شكرا جدا
انا/ لا مينفعش ي فندم... تأمري ب اي
مروه/ لو قهوه مظبوط يبقي تمام جدا

بلغت نورهان بالقهوه ورجعت لها تاني

انا/ اتفضلي ي فندم دا العقد اتمني تقرأيه كويس جدا قبل ما تناقشي البنود وتقدري الموقف
مروه/ متقلقش متوقعه ان ف بنود هيبقي فيها نقاش طويل بس اكيد هنتفق ف الاخر

مسكت مروه العقد وقرأته وخلصت العقد

مروه/ تمام ي استاذ احمد... انا موافقه عل كل البنود لكن ف بند واحد مقدرش اديلك الموافقه عليه غير لما ارجع للشركه وهما يقرروا ف البند دا
انا/ دا اكيد بند السنتين..
مروه/ بالظبط كدا.. ممكن تسمحلي بمكالمة فون وهرد عل حضرتك بالرفض او القبول
انا/ طبعا ي فندم اتفضلي...

قامت مروه تكلم الشركه بتاعتها وبعد حوالي 10 دقايق لاقيتها جايه

مروه/ تمام ي استاذ احمد... ف حل ممكن نتناقذ فيه ف البند دا
انا/ اتفضلي حضرتك اي هو الحل..
مروه/ ف العقد النسبه طبعا عاليه عن الطبيعي واحنا معندناش مشكله ف البند دا لان دا سوق وبم ان انتم الشركه الوحيده اللي معاها العلاج دا فكنا متوقعين ارتفاع النسبه ودا شئ وارد وطبيعي لكن بند السنتين يعني بقترح نخليه سنه واحده مش اتنين ودا حل هيرضي جميع الاطراف لان حضرتك عارف اننا متعاقدين مع شركه تانيه وبنتعامل معاهم من فتره طويله
احمد/ بصي حضرتك صدقيني لو اي شركه تانيه مكانا كانت رفعت النسبه اعلي من كدا لان دي فرصه مش هتتكرر وكمان كان ممكن يحطوا نفس البند بتاع السنتين بس كان هيبقي اكتر من سنتين... انتي ف فرصه مش هتتعوض واكيد الشركه عند حضرتك فاهمه دا كويس جدا... بعدين ي فندم احنا اكبر شركة توريدات ادويه ف مصر يعني المتعاقد معانا مش خسران بالعكس دا هيكسب كتير جدا ومفيش وقت هتلاقي تأخير طلبيه او مش موجوده واعتقد ان سمعة الشركه ف السوق بتبين كلامي انه حقيقه و واقع
مروه/ كلام حضرتك صح جدا وانا شخصيا موافقه عليه بس انت عارف القرار ف ايد مجلس الاداره وانا هبلغهم دلوقت بالرد بتاع حضرتك واكيد مش هنختلف
انا/ ف كل الحالات مش هنختلف ي هانم
مروه/ تمام.. هستأذن حضرتك دقيقه بس
انا/ طبعا طبعا اتفضلي....