المتجول [+18] 🔥

الجزء 3

انا/ احنا فيها ي قمر... ثانيه واحده هكلم ابراهيم باشا هقوله اني عايز رحمه معايا و روان تروح مكانها
روان/ اشمعني رحمه يعني...
انا/ فاهمه شغل وهتريحني عل الاخر
روان/ مفيش الكلام دا انا اللي هفضل معاك
انا/ يبقي اتغضلي اقعدي عل مكتبك خلينا نشوف هنعمل اي ف الليله المهببه دي.. مش فاهم اي حاجه خالص
روان/ احيييه لما انت مش فاهم امال اي اقول اي
انا/ روان عليا الطماطم ما ناقص شغل النسوان دا.. بصي احنا نشوف العقدات القديمه دي عباره عن اي وبناء عليها نعرف بنود العقد بتبقي اي وبيتبني عل اي اساس

قعدنا نراجع عقود الشركات اللي موجوده وتقريبا فهمنا عل اي اساس بيكون العقد والنسب والحاجات دي

انا/ اي ي روان فهمتي حاجه؟
روان/ ايون طلعت حاجه سهله جدا وتقريبا فهمت كل حاجه ف العقد والنسبه وكله
انا/ طب كويس جدا.. ننزل نشرب قهوه؟
روان/ ايوون ياريت نفسي اشرب شيشه جدا
انا/ انتي عبيطه ي بنتي شيشة اي اللي ف الشركه دي
روان/ طيب ما تيجي نقعد ف كافيه بره الشركه ي احمد مش هنتأخر يعني
انا/ حلو دا نسيب الشركه ونمشي يعني.!؟
روان/ مش هنتأخر ي احمد وانا هقول ل نورهان اننا هنروح مشوار صغير وهي تغطي علينا لو ف حاجه
انا/ لا بقولك اي انا مش عايز انطرد من الشركه طب انتي وخالك صاحب الشركه لكن انا مليش حد زيك
روان/ عيب عليك ي احمد محدش يقدر يطردك طول ما انت معايا عيب عليك
انا/ مباخدش منكم غير كلام ونهايتي هتبقي عل ايدك غالبا ووقتها ولا تعرفيني ي جزمه
روان/ انت شايفني وحشه اوي كدا
انا/ هتقلبيها دراما ولا اي... يلا بينا بدل ما تعيطي
روان/ ايون يلا بسرعه اصل دمعتي قريبه ههه
انا/ طب روحي انتي ل نورهان فهميها بقي ع لو ف حاجه تكلمنا نرجع بسرعه وشوفي كافيه قريب من هنا
روان/ تمام ف كافيه قريب اصلا الشارع اللي ورانا وانا كدا كدا هفهم نورهان تغطي علينا لو حصل حاجه
انا/ تمام يلا ع ننجز ف الوقت

خرجنا من المكتب ع ننزل واحنا ماشيين روان وقفت مع نورهان وفهمتها كل حاجه

نورهان/ يسهله ي عم انت وهي بس حاولوا مش تتأخروا
انا/ خدي بالك انتي بس ولو حد سأل قولي اننا ف الكافيه بتاع الشركه ورني علينا عل طول ع نيجي
نورهان/ اشطا... ابقي اشربي شويه ليا ي روان ههه
انا/ حتي انتي ي نورهان بتشيشي
نورهان/ انت يعني مش بتشيش انت كمان
انا/ لا طبعا انا تخصص سجاير ههه.. يلا سلام

خرجنا من الشركه مشينا لحد الكافيه هو قريب فعلا.. قعدنا طلبت قهوه و روان طلبت شيشه وعصير وانا ولعت سيجاره وقعدنا نرغي شويه

روان/ ياااه نفس الشيشه دا جاي بعد شووقه
انا/ لي حاسس اني بكلم مدمنه.. ف اي ي بنتي
روان/ ي عم من الصبح وانا عايزه اشيش بس انت كاتم عل مراوحي ف المكتب مش عارفه اتحرك من مكاني
انا/ تصدقي انا غلطان اني عايزك تتعلمي وتبقي فاهمه الشغل كويس ع مفيش حاجه تقف معاكي
روان/ بهزر معاك يسطي متبقاش قفوش
انا/ قفوش... نيله عل مصطلحاتك النايتي زيك
روان/ ايون انا نايتي ودلوعه فين مشكلتك انت
انا/ اكبر مشاكلي انك معايا ف المكتب
روان/ لي بس ي حماده دا انا شاطره وبفهم بسرعه
انا/ حصل.. بس بتتكلمي وبتسألي كتير فشخ ي روان
روان/ مهو لازم اسأل ي احمد ع افهم
انا/ بصي انا عارف ان استاذ ابراهيم مخليكي معايا ف المكتب ع تفهمي كل حاجه مني اصل انا فشييخ ههه
روان/ يخربيت التواضع بتاعك هموووت
انا/ جدا جدا عل فكره ههه.. بهزر ي بنتي اوعي تاخدي كلامي حقيقي والمفروض انك عارفه كدا
روان/ ي عم عارفه... وعارفه انك لو لاقيت حد محتاج حاجه هتساعده من غير كلام
انا/ تمام ي قمر.... خلصي يلا خلينا نمشي
روان/ اهدي ي احمد احنا قاعدين اهو لو ف حاجه نورهان هتكلمنا ومتقلقش كدا
انا/ مش عايزين حد يعلم علينا ي روان
روان/ لا تقلق معاك رورو هتظبطك
انا/ لما نشوف ي رورو هانم هتودينا ل فين بدماغك دي
روان/ قولي بقي انت مرتبط ولا سنجل ولا اي
انا/ مرتبط بنفسي بس
روان/ يعني اي مش فاهمه
انا/ يعني مفكرش ف الحاجات دي لا ارتباط ولا جواز ولا الهبد دا كله فاكس يعني
روان/ امال عايش لي ي عم هو في حد يعرف يعيش من انثي معاه تدلعه وتبسطه
انا/ ايوون انا اعرف... انا تفكيري ابعد من كدا بشويه.. بفكر ازاي ابقي رجل اعمال وعندي مشروع خاص
روان/ بس دا كله بردو هتحتاج معاك واحده تبقي واخده بالها منك و وقتك ضيقتك تخرجك من المود الوحش وبردو تدلعك وانت فاهمني يعني
انا/ انتي عارفه اكتر مني ان اللي بييجي من وراكم هو النكد والهم وبس.. مفيش دلع ولا الكلام دا هههه
روان/ دا ظلم عل فكره... انا معاك ان النكد من اساسيات البنت بس بردو الحب والدلع اهم حاجه عندنا وبعدين لو انتو مش بتزعلونا مش هنكد عليكو.. انتو السبب
انا/ ي روان عليا الطماطم انتو زعلانين او فرحانين بردو بتنكدوا وتقرفونا ف حياتنا لأي سبب
روان/ بس متنكرش اننا بندلعكم وانتو من غيرنا بتبقوا ناقصين حاجات كتير
انا/ بالنسبه ليا انا من غيركم ببقي تمام جدا
روان/ لا لا انت كدا بتكذب ي احمد زيك زي اي شاب
انا/ ممكن اكون بكذب بس بردو مش ناوي اشغل نفسي بحد هيبقي محتاج معظم وقتي والا هبقي ف نظره مش بقدر ولا مهتم ويحصل مشاكل من اللي انتي فاهماها دي... بصي انا لوحدي احسن ع اعرف اعمل اللي ف دماغي ويبقي ليا مشروع خاص جمب الشركه هنا
روان/ مهو لو معاك حد بيحبك هيساعدك ف دا
انا/ ي روان البنت بتبقي محتاجه اهتمام كبير وانا ف الوقت دا مش هبقي مهتم غير بالشغل والمشروع اللي بفكر فيه... مع نفسي احسن ي روان صدقيني
روان/ بص انت تفكيرك غريب فشخ بس صدقني بعد كدا بعد ما يبقي عندك مشروع وفلوس وكل دا مش هتلاقي حد جمبك ولا يبصلك اصلا
انا/ ي روان الفلوس بتجيب اجدع نسوان سيبك انتي من الكلام دا بتاع الحب والجواز مبيأكلش عيش
روان/ غلط جدا الفلوس مش كل حاجه ومش كل البنات بتحب الفلوس وتجري وراها... البنت اللي كدا بتبقي... انت فاهم بقي اقصد اي
انا/ ممكن انتي صح بس الاكيد ان انا صح
روان/ بص انت دماغك دي عايزه تتظبط من تاني
انا/ سيبك من دماغي ويلا بينا ع الشركه اتأخرنا
روان/ بقول نمشي احسن سديت نفسي اصلا
انا/ لا مهو واضح شاربه حجرين وسديد نفسك... امال لو نفسك مفتوحه كنتي عملتي اي بالظبط