أنا وهواك خلف الباب

3

انطيني شي بالعشگ
ملموس عشناه سوه
ذكرني خاف الوكت نساني
اني جرح ، وانتَ چنتلي دوه
احچيلي شي عنك .
اذكر عفتني ورحت، واذكر عفتني ورحت
واذكر عفتني ورحت
غير العفتني ورحت ما بدر شي منك .

-تجاهلوا الاخطاء الاملائيه-
****************************

** زهراء **
سمعنا عياط ريحانه لگيناها بساحه البيت شايله ابراهيم وتبجي رگضت اخذته منها وهيه تصيح
ريحانه:: مابي نفسس زهراءء شوفيهه شبييي
ابرهيم مابيي نفس شفته هيج وتخبلت ليشش هجي
مات بأيدي فقدت بقيت بس ابجي واصرخ چرتني اُميمه من ايديي واخذت ابراهيم مني
اُميمه:: حتلووو بي نفسس كطعتنهه دمشننن
طلعنه للمستشفى وانا راسمه ببالي انو خلص ابراهيم مات حرفياا بأيدي ومابي اي نفسس اذا عاش اسميها معجزهه ،اخذو الدكاتره ابراهيم 10 دقايق ما طولو وطلعو گالو توفى ، بقيت اصرخ بنص المستشفى ماحس بشي جان يوم كلش اسود، ماجان عدنه احد حتى فاتحه ما سوينه بينه وبين نفسنه حزنا وماگدرت انسى من اخذت ابراهيم من ايدها وكل يوم يزيد شوگي اله تغيرت حياتنه 180 درجه اُميمه هادئه اكثر من اللازم عبرت 3 ايام ع وفاه ابراهيم
جانن عدنه فاطمه وجيهان وگاعدين بالصاله
سمعت صوت الباب انسد طلعت لگيت امي وابوي
اسيل:: هلا ماما
رحت بستها وبست ابوي واخذت الجنط ادخلها
زهراء:: هلابيكم هلابيكم
دخلت للصاله قبلهم
زهراء:: اهلي اجو
جيهان:: جا خلي اخابر علي يجي ياخذني
طلعن من الصاله وسلمن
سعيد:: بابا وين ابراهيم شو ماشفته
اُميمه:: صار 5 اشهر ما سألتو علي توك تذكرته ؟
اسيل:: اُميمه شهل حجيي
زهراء:: بابا ابراهيم توفى
انصدموو وامي ضلت تصرخ وشفت ابوي يبجي
اسيل:: يمه ابنيي حبيبيي شلون ماتتت ليشش
گامت تحجي ويا اُميمه بحذر
اسيل:: شسويتلهه ليشش مات ابنيي
اُميمه:: مادري سئلي روحج
سعيد:: اُميمةةةة

** جيهان **
اتصلت على علي وگوه اجه كلش استحينه من اهل زهراء دگ جهازي شفته علي عرفته واگف بالباب
- يلا فاطمه تعالي
- خاف زحمه من اخوج
- دمشي عيب ضلتنه هنا
اخذتها ورحنه وصلنه وصلناها لبيتهم وطلعنه
جيهان:: علي لا ترجعني للبيت
علي:: ها وين تريدين اوديج
جيهان:: اهم شي مو للبيت
علي:: سوده عليه تعبانه نفسيتج مو كتلج اخذج سفره لاربيل انتي مارضيتي
جيهان:: فدوه لوجهك سفرتك بالوكت الغلط وماريد اربيل شني خلصت الاماكن
علي:: ماعليج عتب شتعرفين انتي
بقيت ساكته وهوا يفرفر بالسياره وانا محتاره ب اُميمه وزهراء شراح يصيرلهن مو وكت جيه اهلهم وفوك كل هذا جايين يلومونهن وهنه حيلهن انهد
گطع تفكيري صوت علي
- تريدين عصير؟
- اي
- راح انزل اشتري شتريدين بعد
- بكيفك جوعانه انا
نزل 10 دقايق وصعد جايب ويا كيك ونساتل وعصاير
جيهان:: فدوه ما لگيت غير هذني الانواع
- اكليهن وانتي ساكته
رجعنه للبيت قبل لا ادخل للغرفه
جيهان:: اكلك علي
- ها
- ماناخذ امي للدكتور علمود مراجعتها خطيه والله حرام علينه
- جا شمسوين احنا حتى حرام
- ما مهتمين بيها فدوه علي
- يلا ان شاء الله ان شاء الله انا اخذها
عفته ودخلت للغرفه ادري بي جذاب بس يريد يسكتني ومستحيل ياخذها اذا ما اكتل نفسي بالتواسيل حتى ياخذها
فتحت جهازي لگيت زهراء متصل على الواتساب راسلتها
💬 ها زهراءء
ورا فتره شافت الرساله واتصلت عليها
جيهان:: الو
زهراء:: ها عيني
-شعجب فاتحه الجهاز
- لعبت روحي شسوي جيهان والله تعبت
گالت هيج وبچت
- عينيي انتي شبيج زهراء
- جيهان تعبت اهلي ماجاي يفهمون السالفه ابوي يكول كله من وراجن مات وضل يغلط ويسب
- اُميمه وينها
- امي حاقده عليها لان تراددها وجاي تستجوبها عليج الله احنا بيا حال وكاعد تكللها ياهو خذه ابراهيم للمستشفى
- لاا عاد صدكك اهلج ما ينطاقونن
- جا شسويي
- لجج مابيجج خيررر شنو امجج فوك شينهاا جاي تحاسبجنن فوك ماعافت الولد ماتدري بيي عايش لو ميت توها حن گلبهاا روحيي ليش مخليه اُميمه وحدها اترزل سويه وانكتلن سويه
- ماتقبلل ترا رحت وبقيتت يمهن بس امي كلساع تطردني
- ماعليج روحي مرا ثانيه وبت ابوها تفتح حلكها كبل كليلها وين جنتي عن ابراهيم انتي
- تمام رايحه
- عفيه ديربالج ترجعينن
- ان شاء الله
** زهراء **
سديت الاتصال من جيهان ونزلت يم امي واُميمه جانن كاعدات بالمطبخ قبل لا افوت سمعتهن
اسيل:: وعبالج اهتم الج لو لزهراء وحتى ابراهيم
اُميمه:: مو بحالنه ندري بيج بس كافي تمثيل
اسيل:: بس خلي يموت ابوجن والله اشردجن بليله ضلمه اطلع تعب ال 20 سنه كلها بيجن جنت شايله هم ابراهيم وهسه ارتاحيت
اُميمه:: هههههههه ضحكتينييي لشوكت تبقين تفضحين بروحج
اسيل:: لججج السانج اكصه الج والله العظيم
اُميمه:: هسه خلصتي حجيج؟
اسيل:: فوتي طلعي برا طلعيي
صعدت گبل فوگ قبل لا تطلع اُميمه انتضرتها تصعد بس ما اجت نزلت ادور عليها لگيتها كاعده بالساحه ع المجروحه رحت كعدت يمها
زهراء:: شحجيتي ويا امي
- ماحجيت شي
- ترا سمعتجن
- شسمعتي؟
- اُميمه سولفي لاتضمين عليه
- شضم ما جاي افهمج
- امي شحجت وياج
- لاتزعلين بس امج تمسلت
- ادري بيها بس مو بيدي شسوي
- زهراء گالت كون نرجع لعلاج ابوج وارجع الگا گبرجن يم گبر ابراهيم
گالت هيج وبجت حضنتها
زهراء:: ماعليج بحجيها تدري بيها مو ام
- ليش الله بلانه بيها اذا ماتكدر تصير ام
- بعد ربج يريد يختبرنه
- شلعت گلوبنه حتى ابراهيمم الصغير الما يفهم مايعرف امه مايحبها عباله ماعنده ام
- اُميمه ماتحجين هيج هاي هيه نتحملها
وخرت من حضني مثل الي تذكرت شي وگالت
اُميمه:: اسمعيني خلي اكلج شي بس يبقى بينه
- كولي
- اهلج ما جانو بتركيا
- شنو ؟؟
- اي والله امج گالت
- شگالت
- ابوج جان بالبصره يتعالج وبغيبوبه عود بتركيا
- وامي ؟
- امج بالشمال طبعا
- استغفر الله لا تشيلين ذنبها شسالفه
- والله هيه گالت ماتشوفينها من راحت لهسه اتصلت عليج بس مرتين وهم الماسنجر مو الواتساب حتى ما انطتنه رقم تركي هيه ولمن نتصل على الشريحه ترا يطلع اخو تخطيه
- عزاا بعينيي
- اي والله توها امج گالت
- وشگالت بعد
- خيولي حجي تافه
- ليش تحجيلج انتي؟
- لان تدري ماكدر اسويلها شي
- جا عبالها شسوي انا ؟
- لج غبيه ،انتي الجبيره ابوي يصدكج عكسيي اذا حجتلج راح تكدرين تهددينها وتگولين لابوي وابوي يصدكج عكسي اذا كلتله راح يرگعني بالحايط
-فهمتج ، زين ليش كالت انتم ما تهموني
- شوكت؟
- من كالت ما اهتم الج ولا لزهراء ولا لابراهيم
- حبيبتي گومي نصعد امج ملتهيه بغيرنه
صعدنه صارت ساعه ب 11 بليل
اسيل:: زهراااءءء
سمعتها تصيحلي نزلت الها
زهراء:: ها ماما
- فوتي انطي ابوج علاجه
- شنو؟ وانا وين اعرف علاجه
- انطيه التشوفينه كدامج
- يااا يمه شسالفه غير اله علاج محدد فوتي انتي انطيه
- روحي انتي روحي صيحيلي اُميمه
صحت لاُميمه وراحت هيه انطته العلاج