اسأل انا عليك
ماتسأل علي
انطيك ورده
وانت جمره تحط بايديه
لا ابد مو هيجي هيه
تعوفني والجرح بيه
وانا بالصحره
وعلي تنگلب بيه
هيه هيجي تبيع روحك للغريب
*********************************
** ناره **
من اجه اخو جيهان رحت ويا فاطمه لبيتهم صحيح متقيده لانو اول مرا اروح لبيتها بس شويه مطمنه لان اهلها كلش لطيفين وابد ما يحرجون الشخص بقيت يمهم بس يوم واحد وتعرفت عليهم كلهم
گاعدين انا وريحانه نسولف كلش لطيفه وسوالفها ماتنمل ، فتحت جهازي لگيت وائل مراسلني ع الخط
💬 الگاج لو تطيرين
شفت الرساله واحوالي تخربطت حرفياً ماعرف شنو اسوي والمن اگول كلش توترت معقوله وائل يسوي الي براسه ويزوجني !
بقت هاي الافكار براسي وسؤال يطيح على سؤال بحيث ماكدر احجي لاحد وماعرف اتصرف بهاي الدقيقه ماكدر اغلس وابين الامور عاديه لان اذا لگاني ما يخليني سالمه واذا رحتله برجلي هم ماراح يخليني سالمه
اخذت نفس اخير وقررت اگول لفاطمه هي تنطيني حل اخير ، جانت ريحانه موجوده يمنه وكل وحده تگلب بجهازها ماعدا ريحانه جانت تقرا لان سادس .
ناره:: فاطمه
باوعتلي فاطمه بدون ماتكول شي منتضرني احجي
- وائل راسلني
فاطمه:: شنو؟ شگلج؟
ناره::كال الگاج لو تطيرين
ريحانه:: انتِ مو گلتي بلكته من كل المواقع؟ منين اجاج
ناره:: راسلني ع الخط ، بنات شسوي هسه
بقن ثنينهن ساكات كأنو يفكرن بحل گالت فاطمه
- ليش دائما مستعجله؟ گومي صلي صلاه تسهيل امر ولمن تحسين نفسج مرتاحه اتصلي على امج واحجي وياها، واعرف الولد الخاطبج شنو ومنو ليش تخربين حياتج بيدج ، اليوم انتِ يمي باجر الله يعلم وين اذا ما رجعتي لاهلج وهمَ اعلم بمصلحتج
ريحانه:: فاطمه شبيج يا مصلحه هاي ؟ مصلحتها بانُ يزوجوها من رجال ماتعرف اصله من فصله لو باجر عكبه تتزوج ويطلع مو ادمي وتجيب منه اطفال ويبقون ذوله المساكين من بيت لبيت
فاطمه:: وليش من هسه تفكرين هيج ترا كتلج يجوز يعني احتمال الولد زين ومابي عيب ليش تضلمين حضج وبختج
أنت تقرأ
أنا وهواك خلف الباب
Romansالنَور غَافي والشوارع چَن شرايين أنتهى بيها العُمر والشِعارات العَتيجه تذب ضَواها تذب حچيها تذب تعـبها وتغفى بعيون اليُمر .
