غدق الهتان

البارت الثاني

حسين: لا الي يخسى الذيب كولي واني عيناچ
ميار: اكو مجموعة شباب حثالة جيرانة كلما نطلع ونفوت ايزتون كلام فوكاها سكارة ومدمنين وحتى امهم واختهم ما مخلصين منهم واليوم وكفت عد حدها جيت عليك لو اتلكيلي صرفة لهم لو اني اروح واشتكي
حسين: دقيقة دقيقة هسا سكارة اي بس مال مدمنين منين تعرفين ولج وليش ماكلتي لابوج يصرف ولا هيج تتصرفين من عندج
ميار: كلت الابوية وهجهم بس مايفيد وياهم
حسين: زين شدراج يتعاطون
ميار: وهي تاكل وتجاوب بعدم اهتمام شفتهم مرا ايشمشمون بل *** ويشربون بل عرك
حسين: ضربها على راسها وهيج اتكوليها شدراج ولج بيهج امور
ميار: بحثت عليهم واستفسرت وشفتك مرا عسوي تقرير عليهم
حسين: وهو ايجر اذنها اني كم مرا كتلج لا تلعبين بغراضي ولج واني اكول شحولو من مكانو
ميار: اوووي اذني اريدها ترى واصلا هو جان مرمي على الكومدي اني شعلي
حسين: الغرفة مالي بعد ماتفوتيها
ميار: ايي بس عوف ايذني ولك واصلا من حلات غرفتك اصلا بعد ولا اجي عليك واكدك ولي واكعد خلينينا انشوف اشون راح تتصرف وي هذول
حسين: على منو ولي ولج
ميار: عليك
حسين: على منو
ميار: عليك
حسين: وهو ايكف اردانو ويكوم عليا
ميار: ههه شبيك ماتتحمل شقة عليا والله اكعد اكعد
حسين: يرادلج جرة اذن ترى
ميار: دشو منو ايضل يمك وخر
حسين: ههههه لا عليج الله اكعدي ولج بگة استقري
ميار: تساعدني لو اروح اشتكي بل مركز
حسين: هلا هلا اطشر عرضك يا حسين وجماعتي كلها هناك اكلج اكو شي اسمو اكرون تشديهن
ميار: انجب
حسين: هاااااا
ميار: صخام بس وكف ها مو عليك
حسين: لا زوتيها
ميار: يمااااا كام يمعود جنك ثور هسا افطس دحك خلي اشرحلك
حسين: وهو ايشيل النعال شايفا هذا الشبشب الاحمر
ميار: اي
حسين: اخلي ايهلهل على ظهرج
ميار: لا عليك الله يمااا بس لاتركض وراي
حسين: وهو يرفع الدشداشة ويركض وراها ولج عليا انجب انزلي من الطخم
ميار: بس خلي افهمك يمعود اخ يما بس لا تضرب اخخ ايدي بروح ابو ابوك اكعد
حسين: دحكي راح اعد من الواحد لي الثلاثة اذا ماجيتي والللله والخلقج ليا حجي وياج غير
ميار: وهي اتحط ايدها على خصرها لا واللله دحك خوفتني شوفني اشون ارجف وهي اتاشر على ايدها
حسين: ها ما تخافين شو هذا شالها من ياخة القميص وخلى ايدها ورا ظهرها ولواها ها ما تخافين
ميار: عمةةةةة عليج الله تعاي لحكيلي
ام حسين: يا يا ولكم يما شجاكم
ميار: عمة اني بشاربج
ام حسين: يا يا فدوه الكلبج يولي منيلي شارب وهي اتغطي وجها بشلتها
ميار: ههههه عمة بس خلي ايعوفني واني احفلج هما
ام حسين: يمصكوعة اسكتي فشلتيني كدام بزري
حسين: شو يما والله جذابة ما عندي شوارب
ام حسين: ياااا صخام بعينك يول شدراك بهيج امور انت
ميار: يعني المكابل نسوان والو عمري والو يمامة شتريدين يطلع مودب يصوم ويصلي
حسين: وهو يكفخها على راسها هاي اني ولج
ميار: خطية ابد مو انت يماااا ايدي ولك
حسين: هممممم ولك
ميار: اني غلطانة بس ايدي عوفها يرحم والديك
ام حسين: يما عوفها فطست العجية بيدك
حسين: اي والله اخاف لا اكفخها وتروح تسمع ثلاث اسئلة
ميار: والله اذا مافت ايدي ولك والله العظيم فلا احجي معاك بعد
حسين: حلفت حلفت ام عطوب يلا يابا اسفين عفناها بس اذا سمعتج بعد تغلطين السانج هذا اكصو وازتو للجلاب
ميار: ها واني اتكرب منو شو باللله دحك عليا واحجيها
حسين: وهو يرفع عيونو عليها لا وغلات عيونج تنحطين على الراس من فوك وشحدو اليحجي ب هيج تدرين شي
ميار: لا ما ادري
حسين: عيونج الحلوه صكرني صكر
ميار: ادري ادري انجب واستقر
حسين: ولج جوباية تعاي نتفاهم على السالفة الي جيتي بيها ولا نسيتي روحج اي احجيلي هسا بعد هاي السالفة اتريدن تشتكين
ميار: اي والله بس ابوية خايف عليا ايكول لا يتعرضون من يطلعون من السجن
حسين: لا والي خلقج اشتكي واني وراج وابن امو الي يتدنالج وشحدهم من يطلعون يندكون بحايطج
ميار: اي ابن عمي الورد من فدوة اروحلك
حسين: خلي اخابر ابوج واشوف وكفي
الو هلا عمي اشونك اخبارك.. دومك دومك.. ميار جتني بسالفة مالت جيرانكم.. اي اي كالت خايف.. لاتخاف واني بظهرها.. الله ايسلمك... زين اخذها هسا ونروح بس تبصم وتطلع والباقي عليا... ها هي بالامانة والصون... الله معاك مع السلامة
ها اها ابوج قنعنا ميار
ميار: اي فدوة الكلبك ها كول
حسين: اريد شيصير وياج تجين وتكوليلي انتي اخيتي ومحسوبة عليا والحچاية الي تچيسج تچيسني معلوم
ميار: معلوم ربي يحفظك لنا ياحسونات
حسين: كومي اخذ عباية من امي يلا اني ما اطلع وياي مرا هيج تلبس
ميار: هي فاكة حلكها علي هاي انت الي كول عمرك اتكلي احب ستايلج وضلي هيج مخالفة واني بظهرج
حسين: هههههه لا يابا بعدني هيج بس دشوف صدمتج ههه يلا اكوم ابدل واجي
ميار: يلا يلا روح الله وياك لا تتاخر شو هذا راح واتاخر
عمة هذا ابنج وين راح
ام حسين: ماتعرفي من ايبدل يتاخر يا يمة روحي اطلعي علي
ميار: اي هم هيج صعدت سويت الدرج بايتين دكيت الباب
حسين: فوتي ولج فوتي
ميار: فاتت وهي اصفر شني هاي شهل جمال يااا منسق معاي
حسين: اي امانة الله ما حلو طالع
ميار: اتخبل والله شو شني هاذ الميز مليان عطور تقربت واخذت عطر حسين شو هذا العطر مختلط نسائي ورجالي شعج ماخذ هيج
حسين: هذا جاني من وحدة وياي بل شغل
ميار: واني ابخ من العطر اممم والله ريحتو طيبة وكمت سبحت بل عطر
حسين: شو جيبي وهم بخ منو والله طيب
ميار: الا من هذا العطر دخذ من الاخ
حسين: وهو ايدحك صفح ترى العطر عطري والله وابكيفي
ميار: ديلا اني انتظر جوا شعجب ما لبست مال شغل
حسين: مو خلصت شغل وين عقلج
ميار: يلا انتظرك اني ونزل ورحت البس الحذاء
ام احسين: تعاي يمة هاج هذا عصير مال برتقال بلي ريكج يمة
ميار: تسلمين عمة الله يحفظچ امممم ايخبل عاشت ايدج
حسين: يلا ميار ها يمة مع السلامة
ام حسين: وين يمة وين رايحين
حسين: يمة شغلة من ارجع احجيلج هي وهاي بوسة من راسج
ام حسين: الله وياكم يمة
حسين: وهو يصعد السيارة ميار اتفوتين وياي عينج بل كاع ماشي فنچ بس ارفعيها
ميار: دحكت علي صفح باللله اني وين وحضرت جنابك وين
حسين: هناك عينهم زايغة جماعتي واعرفهم بس ماطول انتي وياي مراح يتجرأون
ميار: كلكم هيج عين الله عليكم
حسين: لا يولي ليش اكو منهم درر ياللله انزلي
مثل ما اوصيچ تمشين عينچ ماتنزليها بس
ميار: وحق النبي عرفت حاضر استاذ
بعد اتريد شي حافظتو هل كلام
حسين: يلا ام السان انزلي
ميار: نزلنا وفتنا على المركز وعاد هو مشى حتى وصل والواحد امبين يعرفو لان صار بينهم سلام حار
حسين: ابو علاء جايك اليوم بخدمة
ابو علاء: يابا انت تأمر بس اشر والي تريدو يجرالك
حسين: تسلم ماتقصر جيناك انريد نقدم شكوة على جماعة هيج وهيج وكعد يشرحلو
ابو علاء: زين اذا ما اكو دليل شون نمسكهم
حسين: ابو علاء ضلت يمك هاي
ابو علاء: يلا تامر هسا اخذ دورية واطلع
حسين: وها فدوة العمرك اريد اني انجاز ببهم
ابو علاء: هم يجرالك بس الدعوة انت مراح تكدر اتقدمها لان ماشاهد على شي انت
حسين: اكو من يرفعها تعاي بوية ميار
هاي الي راح ترفعها
ابو علاء: ايي تدلل تعاي خوية من رخصتج انت صحيح شفتي هيج وهيج
ميار: اي اي كلو صحيح
ابو علاء: يا الله تعاي وقعي هين
ميار: قلم
ابو علاء: وهذا احلى قلم بعد
ميار: ببتسامة شكراً
ابو علاء: ابو صكر اعتبر الشغلة تمت
حسين: ها هي تسلم يا غالي
يلا عيوني امشي كدامي
مشيت وهو وراي وشكو واحد يجي كدامو هذا ايفعل وضع الخزرة عاد هو كام يمشي كدامي لان مشيي صار بطيء بالنسبة المشيو
حسين: يلا امشي عاد استعجلي
ميار: اي واني خلصت الدرج من هين ومشيت مسافة قليلة وعثرت لو ما مسكتو جان انچبحت على وجهي
شو ما اسمع بس كلمة اسم الله واني هين اتمنيت الكاع تنشك وتبلعني على هل فشلة وفوكاها بنص المركز
حسين: الله بيج شي
ميار: كلو من وراك استعجلي استعجلي وعفتو وطلعت على السريع من الانظار الي علينا
حسين: وهو يركب السيارة اسف
ميار: اني اكلع بعد وياك او اجيك وكمت ابجي من الفشلة وهو من بعد ما جان مخنزر ماشوفو بس اكتافو تهتز من الضحك
حسين: اسف وحق الله اسف
زين والي ينطيج هاي وطلع خمسة وعشرين
ميار: ارضة بس بعد ما اطلع وياك
حسين: يلا بوية قابل ها هي
ميار: ها هي ابو صكر
حسين: ها هي چوباية
ميار: باوعتلو صفح لقب يشبه وجهك
حسين: دخيلك ربي بدت هسا عوفينا دحكي هسا من اوديج راح اشوفين الدورية بل فرع سوي روحج كلشي ماتعرفين زين
ميار: زين ونزلنا اول مانزلنا وجانو عيطلعوهم من البيت وفجأ واحد اتهجم عليا وايصيح بكل حس عندو
... بنت الكلب هاي انت اذا ما اشويج اني لجا والله لندمج على الساعة الي جيتي بيها
حسين: على منو ولك وطلع سلاحو وماشوف الا الطلقة اخترقت جسمو وكلها كامت اتصيح والام انغمة عليها وكلها التمت علي واني واكفة متصنمة من الموقف وفجأ واحد يجي من اخوانو بتجاهي ويرفع المسدس بتجاهي ويصوبني
حسين: لا ااااااا ولك لااااااا
لموقف وفجأ واحد يجي من اخوانو بتجاهي ويرفع المسدس بتجاهي ويصوبني
حسين: لا ااااااا ولك لااااااا
ميار: من بعد مانزلنا من السيارة فجأة واحد طلع منهم ويهدد ومن خلص يجيني واحد ورافع السلاح بوجهي ولحظات لا اكثر والطلقة تخترق بطني حطيت ايدي على مكان الي تصوبت بي ورفعتها من شفت الدم وجهت نظري على الي واكف كدامي والصدمة اعتلتني اذا ماهو استاذ فهد رجعت دحكت على حسين الي جا يركض بتجاهي من شفتو حسيت اذاني صوفرت وبعد ما سمعت شي
حسين: ميار ولج ميار ابنن الكلب شويت لك شسويت سيييارررة بساع
... سيدي تعال بسرعة بس شيلها وتعال هنا السيارة
حسين: شلتها واذا هي بچثة لا اكثر يلاااا سولي مجال عسريع حطيتها على السدية وراسها بحضني ميار حبيبتي كومي يولي مانكدر بلا سوالفج بس كومي والي اتريدي يجرالج انت ما رتي اتزورين بس كومي واالله واوديج مارتي اشوفين يمامة اشوفج هي بس كومي والله شتريدين اسوي بس لا حياة لمن تنادي هي جثة لا اكثر
الممرض.. عيني بس خلي انشوف شغلنا بس اشوية
حسين: اي اي حطيت راسها على السدية وبدو ايحطون الاكسجين ويسدون مكان الضربة بشاش عما ننزل وصلنا المستشفى وفوتوها على غرفة العمليات
... عيني لازم تملون هاي الورقة على السريع
حسين: اخذت الورقة بلا ما اجاوب ملتها وانطيتها هي
... لازم الجناسي وياها
حسين: بس ماعندي لها
... ماتكدر تطلع اذا ماتنطون الجناسي والله
حسين: اي هسا اخبر ايجيبون الجناسي
.. الو عمي اي بل مستشفى جببو الجناسي اي
ابو ميار: شكو شسالفة جيت على هين على الفرع كالولي بنتك اتصاوبت ووووين انت ليييش ماكلت
حسين: عمي اعصابك لايرتفع ضغطك نحنا بمستشفى... تعال اي بسرعة اي بس الجناسي جيب
ابو ميار: اي اي جاي يا حرمة على السريع عوفي الطم بنتج بيا حال ونتي تلطمين
ام ميار: عباتي ويين ولكم رجلية خيوط ماعدكدر اكف عليهم يمة بنيتي يما جعلها بيا ولا بيج
ابو ميار: وتاليهههها اعوفج وروح كفيييي
ام ميار: حسك البيا مكفيني يلا امشي
ابو ميار: وصلنا المستشفى وبوجهي على الاستعلامات بنيتي بلا زحمة اريد اعرف بيتي وين هسا جابوها
.. عمو شسم بنتك لان جت حالات جثيرة هسا
.. اسمها ميار حسين.
.. اي المريضة بقطاع ثلاثة على ايدك اليمين راح ايحطوها بس هسا هي بل عمليات
.. وين غرفة العمليات الله يفظچ
.. على ايدك اليمن بهذا الفرع
.. تسلمين بنيتي ورحنا وين ما وصفتلنا وشفنا حسين كاعد يم الباب وحاط ايدو بفروة راسو والخ بل كاع وهدومو كلها دم
ام ميار: يماا بيتي ولك يما ويني شكد صارلها لي حد الان جو ولج يما شحالج هسا
ابو ميار: ابويا ويني وشون حالتها هسا
حسين: والله معرف فاتو وبعد ماطلعو وحالي من حالكم كلشي معرف بس ادعو من اللة تكوم
ام ميار: ربي دخيلك هي بامانتك ربي بجاهك كوملي هي بالسلامة
ابو ميار: ربي ردتها منك وما من غيرك وضلينا على هل حالة ومرت ربع ساعة وساعة وراها بنص ساعة طلعو وكلنا كمزنا علي
.. ها دكتور بشر
.. لا الحمد لله عدت على خير بس يحتاجلها راحة
.. الحمد لله
.. هسا شوية وتطلع وتكدرون تفوتولها
.. تسلم دكتور
.. ولو هذا واجبي من رخصتكم
.. الله معاك
ابو ميار: حسين تمشي الامور بخير واريد اعرف كلشي وهو يحجي بصرامة
حسين: حاضر عمي ولحظات والمستشفى تملي بعمامي
ابو حسين: شكو حسن شبيها بنتك ومنين جتها الطلقة
حسن: معرف اسئل ابنك حالي من حالك
ابو حسين: ابني ولك حسين شكو وانت شچابك بل نص
حسين: سالفة وبعدين احجيلكم هي هسا خلي تطلع وبعدين
حسن: من ورا هذولاك الكلاب مو وهو يحجي بحس عالي
حسين: وهو ايدنكر راسو ويحجي اي عمي من وراهم
حسن: اننييي كلت وحجيت وصخمت بس ولا واحد يسمع الكلام
حسين: كام يحجي وفاير بس اني اخذت موافقتك ورحت
حسن: وانت كلت بحمايتي هي هاي حمايتك
حسين: غدررروني بيها رحت الاخو وهو جا وضربها هي بحمايتي غصب على الي يرضا والي مايرضا
حسن: بنتي بعد ماتجي يمها ولسانك مايطخ لسانها