صراحة بلص ( بلا حدود )

كتل في الثدي و اسوداد بالحلمات ؛!

السؤال :

* قبل الاجابة وجب توضيح اني مش دكتور ولا متخصص واجابتي بناء على معلومات من مصادر متعددة والكتب مشاركة و إفادة بالمعلومات دي . *

..
الجواب : فمرحلة المراهقة بيكون في تركيز زائد على الجسم كونه بيتغير باستمرار وده شيء بيخلي في شبه هوس او هاجس بالمنظر والشكل وبتبقى في ملاحظات دقيقة لكل تغيير ومع قلة الخبرة وجهل الفرد ببعض الامور بيتشكل قلق وخوف .

مرحلة النمو و كبر حجم الثدي والجسم عموما بتكون متأثرة بعوامل كتير وراثة وهرمونات و تغذية و حالة النفسية كمان .

وظهور كتل او بعض الآلم خلال مرحلة النمو وارد وطبيعي و عبارة عن هرمونات و احيانا أورام حميدة ناتجة عنها بتزول مع الوقت نادر جدا ما بيكون مرض خبيث او شيء خطير لا قدر الله بس برضو هناك عوامل خطورة زي تاريخ عائلي بمرض فالثدي لا قدر الله او وجود آلم وإفرازات و إحمرار وقشرة بشكل مستمر فهنا يجب الكشف ومتابعة دكتور للاطمئنان بجانب ان الكسوف بالمرحلة دي طبيعي بس ميبقاش بزيادة او بسكوت على ضرر و مرض .

بالنسبة الرسالة التانية

اللون الغامق فالحلمات بيكون نتيجة زياده هرمون الإستروجين وبيكون اكتر اوقات الدورة والحمل وفمرحلة البلوغ ودا برضو طبيعي بعيد عن لون جسمك او بشرتك و هو امر لا يعيبك او يخليكي تبصي لنفسك بشكل سلبي على اي حال كما حسيت فالرسالة الثالثة .

الجسم بيحلى بنظرة الشخص لنفسة مفيش جسم متكامل ولا كامل إللي بيفرق في نظرة الناس نظرتنا لنفسنا وتاثيرنا بجمالنا عشان كدا مهما كان شكلك ومظهرك اوعي تخلي تغير لون او شكل حاجه يحسسك باحساس مش كويس لان في ناس معندهاش إللي عندك اصلا .

اتمنى إجابتي تكون واضحه ومفيدة

بما انه وتبااد قفل المراسلة والخاص
لو عندك اعتراف او سؤال جرئ متكسفيش وهتلاقى صراحة فى الBio والتعليقات .

http://xbasha.sarhne.com

اليوزر بتاعى tam tam & تليجرام & وتباد & انستجرام & ماسنجر = Xbasha90