:اهتم بصلاتك فهناك مكان أجمل بكثير ينتظرنا ♥•
____________..
كعدت بنص اليل جوعانه لئن ماكلت من الصبح وصار حادث جوليا ونسيت اكل نزلت للمطبخ لكيت واحد واكف بس ضهره طالع دار وجهه شفته بولانت
جونيش- هاا بعدين اجي
بولانت- لاخيتي عادي اصلن اجيت اشرب مي
جونيش- راح اسوي اكل تريد
بولانت- خاف صير زحمه
جونيش- لا شدعوه انت ابن عمي
بولانت- لعد راح ادز رساله ل عباس و جلنار لئن جوعانين عادي تكثرين شويه
جونيش- مادام راح يجون راح اسويلكم معكرونت جونيش المشهوره راح تاكلون اصابعكم من ورهاا
بولانت- لعد لاسوين اني اريد اصابيعي
جونيش- هههههههههه
طلعت المعكروناا ولحم مثروم والجبن الموتزريلا علمود ماضل ادور عليهن وره شويه اجه جلنار لابس كله اسود وعضلاته مبينه جونيش شبيجج صرتي خفانه اتئدبي وخرت هاي الفكار من بالي ورجعت اكمل الاكل خلصت ورحت رتبت المواعين والشوكات وكلاصات العصير ع ميز الطعام الي بغرفت الطعام الخاصه بينه احنه البنات لئن مرات ناكل ونتشاقه وجدو يضل يصيح فا سوينه غرفه النه بيها ميز طعام وثلاجه بيها اشكال والوان علمود ناخذ راحتنه اكثر خلصت من التحضير الطاوله بعدين رحت صحتلهم اجوي كعدو نتبهت انو عباس موجود كتله
جونيش- ياا عباس انت هنااا
عباس- لا هاذه خيالي
الكبر فشلني هسه شحجيت اني عفتهم ورحت جبت من ثلاجه مالتنه عصير برتقال وصبيتلهم كل واحد بكلاصه بعدين وصلت لجلنار ماعرف ليش توترت صبيتله عصير وهوه اخذ العصير بس تلامست اصابيعه بصابيعي هوه رفع راسه باوعلي وبتسم اني وخرت بسرعه كسر الصمت عباس
عباس- جونيش انتي الاخت جبيره موو
جونيش- اي اني
عباس- ممكن سؤال بلا زحمه
جونيش- اتفضل
بعده يريد يحجي ودخلت ميار عيونها كوه فاتحتهن كالت
ميار- مسوين عزيمه وماصحتولي زعلت
عباس- لا وين هسه ردنه نصيحلج بس انتي اجيتي
كلحنه باوعناله شوكت ردنه نصيح لميار اصلن ماذكرناها هاذه ليش يجذب حجه جلنار
جلنار- اي خيتي ردنه نصيحلج بس انتي سبقتينه تعالي
باوعتله صفح ذكرت من جذب جوليا وحنه نكمل جذبه وطكيتها بضحكه بدون ماحس ع نفسي
عباس- بسم الله الرحمن الرحيم شنو تخبلتي
جونيش- ذكرت شغله
ميار- نطيني شوكه من يمك
نطاها عباس وتاكل وهيه واكفه ضليت اباوع عليها وضحك
جلنار- ها هم ذكرتي شغله
جونيش- لا ذكرت جوليا
جلنار- شبيها
جونيش- مو متاكل وهيه كاعده
جلنار- هههه ليش
جونيش- دكول ماشبع تاكل وهيه واكفه وهسه ميار ذكرتني لئن واكفه وتاكل
خلصوو اكل ولميت المواعين وهمه ضلو كاعدين وميار كعدت يمهم اني خليتهن بغساله مواعين وجيت كعدت يمهم اريد اتعرف عليهم اكثر
بولانت- عاشت ايدج الاكل جان كلش طيب
جلنار- والله صحيح الج نفس كلش طيبه
عباس- هسه هيه شمسويه مفطح الاشتر يسوي احسن منها
ميار- اكول ماعونك فارغ طلع الاكل ماعاجبك هههههههههه
جلنار- هوه هيج ميحب الاكل هواي
جونيش- عمي اخر مره اسوي
جلنار- لا عوفي هوه سوي بس الي
وباوعلي بنضره ماعرف شلون اوصفها نتبهت ع بولانت بس يباوع علينه ميحجي هواي ولا يضحك بس ابتسامه خفيفه
جونيش- بولانت
بولانت- نعم
جونيش- وين صافن
ميار- خاف عاشك هههه
عباس- يمكن طايح ع وجهه لئن صفناته مال واحد عاشك وبلبدايات هم
بولانت- انجب.. لا خيتي وياكم
عباس- والله لو جوليا هنا جان تونست اكثر اشو كاعد وي ناس كئيبه
ميار- تره جوليا متضحك هواي واول مره تشاقه هيج هيه كلش منعزله بس مادري ليش تشاقت وياك
عباس- غير اني اسوي واهس
بولانت- كاااافييي عباس
جلنار- يلا تفلشوو كل واحد يروح لغرفته ساعه ب 3.30 صارت يلااااا
صعدت اني وجونيش لغرفنه بس اني نسيت تلفوني ع ميز رحت جبته ولكيت باب غرفه جوليا مفتوح استغربت مو هسه شفته مسدود رحت اتمشى ع اطراف اصابيعي شفت.......
انتهى البارت
____________❤
لاتنسون التصويت
