والنَّاسُ كالأشجَارِ هذي يُجْتَنَى مِنْها الثِّمارُ، وذِي وَقُودُ النَّارِ
_______________
كعدت من النوم مخذوله ومكسوره يعني اني عندي عائله وعندي اخت تؤام واخ بس ليش عافوني والله وليش رجعو لحياتي هم اني ماريد لاخت ولاخ اني عندي جونيش وميار يكفن ماريد الي عافوني بشارع والي ماسئلو عليه والي ذبوني بدم بارد ماكالو منو الي اخذها وين عايشه كل هاي السنين وين عايشه يم ناس زينه لو لا يم ناس يحبوها لو مخليها خدامه عايشه ميته يعني ليش اني شنو ذنبي اعيش كل هاي المصايب وهسه رجعو لحياتي وامي الي حملت بيه تسع اشهر ذبتني بكلب بارد اووفف يانار كلبي شسوي الماضي ميعوفني ارتاح رحت سبحت وبدلت ونزلت بس الكسره مبينه على ملامح وجهي شافتني ميار اجتني تركض شكد حنينه هاي البنيه
ميار- شبيج ياروحي ليش من اجيتي عيونج منفوخه احجيلي حتى جونيش اتصلت عليه كالت ديري بالج على جوليا صاير شي
عفتها ورحت للمطبخ شربت مي وهيه ماعافتني اجه عباس هم ضل يشاقه وياي واني ولايمهم عفتهم وصعدت لغرفت الرسم يعني مامشي طبيعي اعرج طبيت للغرفه وهنا صدك حسيت بخنكه بصدري وشهكات ميرضن يعوفني بجيت بجي مصاير وضليت اعاتب بيهم لحد ماحسيت بلباب تندك مسحت دموعي وكلت تفضل
بولانت- اكدر ادخل
جوليا- اتفضل
اجه كعد كبالي ومبين على وجه التوتر
جوليا- محتاج شي
بولانت- شبيج منو وياج
جوليا- محد
بولانت- لعد شبيج اليوم مو على بعضج حتى من عباس يشاقه وياج قبل شويه حسيتج مو يمه
جوليا- مابيه شي بس ضايجه شي عادي
بولانت- وعيونج الي تحجي غير شي
جوليا- ليش يهمك
بولانت- كل دمعه تنزل من عينج تجوي كلبي
ضليت ساكته بس كلبي ضل يدك بسرعه وبديت اتوتر
بولانت- اذا حتاجيتي شي اني موجود واذا ردتي تحجين لشخص اني هم موجود وبكل وقت
عافني وطلع من الغرفه اني طلعت لوحه وكعدت ارسم ملامح وجه اني بيه طبع اذا اشوف الشخص مانسى ملامح وجهه ضليت ارسم لحد ماشفت انو ماكو شي ناقص برسمه كتبت جواها
( ذبت في كلامه الذي اخترق قلبي)
« جونيش»
اجه بولانت اخذ جوليا واني رحت الكافتريا المستشفى جبت لفات وعصير ورحت يمهن
جونيش- هاج خاله هاي الفات اكلي انتي وبنتج من الصبح لسه ماكلتن موزين تبقن بدون اكل ادري كلبج محروك على ابنج منا عرفتي بجوليا عايشه الله يساعدج لازم تقوين نفسج حتى تلمين والدج بحضنج واني بل خدمه شتأمرين انفذ انتي مثل امي
