أغُرِمتُ بهَ .

هَل تَشعرُ بي؟

.

للتـذكير ، هايلين ضلت تسولف وياهم عن طفولتهم وهيه متذكر احمد حتى بس ضلت تسأل شنو جانو يلعبون وشنو جانو يسون احمد اتذكر كُل شيء يخصها وضل يسولف الها وحسين هم كعدو يحجون لها ،
.

- حَسين : چَني أبليس بس لابس قناع مَلاك .
- أحمد : اي فد نوب وكحة .
- هايـلين : ديلـة على اساس انتوا العاقليـن ، اتذكر كم حاجه بسيطة هيج طفل ماذكر شكله بلضبط باسني من راسي وكال انت خطيبتي بعد ونتزوج من نكبر ،

~ احمد اخذتة صفنة واتذكر وجان هوَ هذا الطفل لي خطب هايلي وهمه اطفال حاول يغير الموضوع حتى لا تجفص هايلي بأسمه و يلزمونها عليه ويضحكون وكال ،

- أحمد : اكيد من اطفال المنطقة جانو هواي يمشون وراج المهم خلـ انروح حساني للتمرين ،

- حسين : اي يله بالج يم نفسج لولو ومو تنسين تعالي للعبه باجر بَـ vip حجزت لج انتِ وصديقاتج حتى تجون للكواليس بعد العبـة ،

- هايلين وهـيه شابگة حسين : من اندار الوجـك فدوه بالك يم نفسك ومو تتعب هواي بلتمرين خليك بصحتك.

- حسين : صار يعيـوني .

- احمد وهوَ يباوع الهايليـن : حنضـل لباجر ديله يمعود عود باجر هم نلتقي بَعد المـباراة ناخذهم ونروح مطعـم شَـرايكُم ؟

- هايليـن وحسين : ايييي اييي .

- احمد : ديلة حساني خنروح الله وياج هايلي ،

- هايلين : بيبـاي يـحلو "

~ راح حسين واحمد يمشي وعينـه على ابتسامـة هايليـن يمكن انغرم بهـل بنت ، ووصلو للتمرين ومن خلصو رجعو للغرف ارتاحو كم ساعه اتعشوا ونزلو للجيـم وبهلـ وقت احمد جانت افكاره مشوشة وبس هايلين بيها لحد ماوعـة على نفسةة.،

~ خلصوا وصعدو الغرفـهم انجطـلو زيد و احمد كلمن على سريرة و فجأة زيد كال ،

- زَيد : احمد باجـر العبـه ربـع النهـائي لبطـولة غرب اسيا حنصعد مو حيـل خايف تعبنـة يروح على غفـله .

- احمد : زيزو افا احنـه ناخذ الايـجابية والمعنويات منك ليـش خايف مو احنـة اتمرنة وتعبنة على نفسه وانطينـة كل طاقتنة و جَهدنة حتى نطـلع بَ أفضل صورة وأداء ورب العالمين محيضيع شخص سعهَ وأجتهد من كُامل گلبة حتى يصير لي ايريدة ،

- زَيد : أيـبا انتَ طلـعت king مُتكلم و مُقنع و لاعوب وصاك شني هاي يولي ،

- احمد : غير اني ما حجي عمي لو تنطـوني مجال اشوي اروح اصير رئيس دولـة صدك تحچي .

- زَيد : دنام دنام ورانة شغل چني بالغت بمدحـك هسه تتكبر عليـه ،

- احمد : اهوو زيود دنام انتَ شكد مُزعج ،