الدار البيضاء ، الحي الحسني
01:45 PM
تحت ضوء القمركتجري واحد البنت هربانة ،حوايجها كانو عبارة عن كسيوة حد الركبة فالابيض شعرها واصل للنص فظهرها ماباينش لون ديالو مزيان هاواي معاها واحد لفاليز كبيرة مرة مرة كتعكلها
كتجري بكامل بقوة ديالها من دوك لي تابعينها، خايفة بزاف كطيح او تنوض تابعينها 3 ديال رجال البنية الجسمانية ديالهم ضخمة لابسين لباس موحد لي هو كوستوم فالاسود
كانت كتجري ماعارفش فين غادا تلفاتهوم فالزناقي حتى دخلات لواحد الحي هي مكانتش كتجي هنا قبل و عمرها شافت هاد لبلايص ولكن كملات طريق،كانت الدنيا مظلمة دخلات لواحد زنقة فيها بزاف ديال ديور لي ماكاملينش فالبناء ديالهوم و الطريق عامرة بالحفاري مرة مرة كتقرب طيح معرفاتش فين تمشي حارت واش ترجع لدارهوم ولا تبقى هنا و لكن فضلات تبقى هنا هي او لفاليز ديالها جلسات فوق طريطوار جمعات رجليها او لفاليز عندها،دازت 20 دقيقة أو هي باقا على نفس الحالة سمعات صوت ديال شي واحد جاي من بعيد معرفاتش شنو دير تخلعات،تم مقرب ليها حتى وصل ليها ولكن كان ماشي فالوعي ديالو جاي او كيتلاوح او يغني.
شاف فيها،شافت فيه،شاف على ليمن او ليسر او حك عينيه او نطق..
...:واو واو واو تشا اش هادشي كتشوف عيني!!
شافت فيه او حنات عينيها
...:واش لاختش زيزونة؟؟
معرفاتش باش تجاوبو حيت اصلان مفهماتوش
...:مليي ندوييي معااك ا ختشيي جاوبيي!!
قفزات ملي غوت عليها واخا مافهماتوش ولكن حاولات تغوت باش شي واحد يعتقها
.....:اااااااااااااااااااا!!!!
خرجو ناس كايطالو من سراجم ملي سمعو صوتها القوي،حتى كل واحد دري من سرجم او نطق
....:عبيييقة!!
عبيقة:وا نعااام الخواردييي ديااليي،تاشوف ليك اصاحبي ولا عندنا توت فكارتي كوبي ههههههه لا لا ا خويا ماغادي نمشي فحالي حتى ندوق هاد لحلوة ههههه,ياك ا توتة ؟؟
....:عبيقة غادي دور تقود فحالك ولا نجبد ليك ديك لحبيبة طويلة،راك وااقيلة توحشتيها
عبيقة:لا لا صافي كولشي الا لحبيبة طويلة
شاف فيها
عبيقة:توتة؟؟ نتلاقاو مرة أخرى
خافت منو ولكن مخالفات ماندير من غير تحني عينيها او تسكت
ملي مشا عبيقة هبط عندها هاداك دري،تحنى عندها و قال
....:انا سميتي انس او نتي؟
قالت مع راسها
...:غادي يكون ظريف غير نهدر معاه
جاوباتو و لكن بخوف او بشوية
....:مم متشرفين،انا سميتي ريم
انس:اوا مبرووك عليك ملي هدرتي .
شاف فالناس لي باقي كيطلو او غوت عليهم
انس:يالااه كولاا وااحد يدخل لخربتوو شفتكوم بحالا ولفتوها؟!!!!
و دار عندها يسمع شنو بغات تقول
ريم:ااا سم مح ليا
انس:ا مالكي راني غير ضحكت معاك
ريم:واخا
انس:منين جيتي او علاش اصلان جيتي لهاد لبلاصة
ريم: اناا ماعرفتش فين كاينة او.. و..و احم احم ماعندي فين نبات
انس:اوا مشكيل هادا،اجي باتي معايا احم احم معانا ههه كاينا لواليدة او لخوادرية
ريم: شكون هادو لي قلتي دابا؟؟
اناس :ماما او ختي
ريم:ااااه فهمتك دابا و لكن ...
اناس:ماتخافيش راني والله ماكاين بوحدي او ايلا مابغيتش راه حسن ليا انا درت معاك غير بليزير مني او صافي،دابا شنو بان ليك تمشي معايا نعاملك بحال ختي او كتر ولا تبقاي هنا يتكرفسو عليك غير سكايريا؟؟
ريم فكرات مزيان بلي هي دابا ماعندها فين نبات على الأقل تبقى هنا غير حتى تولف شوية او تخدم باش تجمع لفلوس او تمشي بحالها
ريم:انا موافقة
اناس: اوا مرحبابيك عندنا ههه...ولكن كيفاش غادي نقنع نجاة؟؟
ريم:شكون نجاة؟
اناس:لواليدة سميتها نجاة
ريم:نتا قنعها او انا غادي نهدر معاها
اناس: صافي زيدي يالله نطلعو
ريم:Okey
دخلنا لدار لي هبط اناس منها فالاول كانت دار عادية فيها زوج طبقات لتحت كاينة معا الدخلة صالة تقليدية او كوزينة صغيورة مع حمام،لفوق كاينين لبيوت ديال نعاس واحد ديال نجاة او تاني ديال لخوادرية داناس داها لصالون ديال دار جاب ليها مانطة او مخدة من بيت ختو شكراتو او مشا لبيتو او هي داتها عينيها من بعد ما كانت كتفكر فهادشي لي طرا ليها او قلب ليها حياتها كاملة.
______________________________________
حتى لهنا سالا البارت الاول او شنو كتوقعو يكون فالبارتات الجايين
شكون هي ريم؟؟
_______________________
واش كاين شي بطل اخر ؟؟
________________________
واش نجاة غادي تقبل بريم تسكن معاهوم ؟؟
_________________________
علاش ريم هربات من دارهوم ؟؟
__________________________
دوك لي تبعوها واش عندهوم علاقة مع باباها ؟؟
__________________________
كلما كانو عندي افكار جداد غادي نكتبهوم🫀✨
أنت تقرأ
You are all mine
Romance"هو عديم الرحمة لا يجرأ تجار المخدرات على مداهمته او الايقاع به له قلب حجري لا يعرف معنى الحب او الاشتياق او الأحاسيس لكن ما يفضله هو القتل التعذيب و عاشق للجريمة " "هي رقيقة القلب لا تصبر على رؤية حيوان متشرد لها قلب حنون لا تعرف معنى القسوة و التن...
