شاف فيها او تبسم ناضت تبعاتها ريم او هو لي بقا متبع ليها العين حتى وصلات الكوزينة
ريم عاوناتها فالتوجاد او داكشي ديال الزواق هزات طبسيل ديال الدجاج محمر داتو لطبلة مجموعين عليه من بعد ما خلاو ل اناس حقو فالكوزينة
لموهيم دازت العشية بزربة كانت ريم فرحانة حيت عجوبوهوم الكيكات لي دارت واخا كانت كنحاول تخبي الخلعة ديالها من الناحية ديال نظرات أمجد ليها
او حاولات تفسر الهدرة لي قال ليها من قبل وصل
أمجد او نزار رجعو لدار لي ساكنين فيها او ريم لي سيقات الدار شوية من بعد جا انس من الخدمة
انس:السلام عليكم الواليدة
نجاة:مرحبا بولدي رتاح شوية منها نسخن ليك الماكلة ديالك
عند ريم
شادة تليفونها كتلعب بيه حسات بالملال شدها
جداتها فكرة او بغات تجربها منها نيت ماغاديش تخسر والو
شدات شال طويل دوراتو على طرمتها او بقات كتقلب على اغاني شرقية
بدات الموسيقى او بدات كتحرك الثنايا ديال جسدها بحال شي وحدة رقاصة خبيرة دازت نصف ساعة على هاد الحال وصلها ميساج فتيليفونها
"منين تعلمني هاد التلواز كامل ا الشهبة ؟؟"
ستغربات من مول الميساج لي مكتعرفوش جاوبات
"شكون نتا ؟؟"
بقات كتسنى على احر من الجمر
"انا لي غادي نسيفطك لروضة الا ماحيدتيش داك الزبل من طرمتك"
كلات من الشرجم تشوف شكون لي كيتجسس عليها حتى جات عينيها البريئة في عينيه الحادة الخالية من التعابير
بقات كتشوف فيه او هو جالس فالحافة ديال السطح شاد فيد جوان او اليد التانية شاد بيها التيليفون
صونا ليها ولكن بقات شحال عاد جاوبات
أمجد:ماناوياش تنعسي؟؟باغا يضربك شي جن فهاد الليلة ؟؟
ريم:ماشي سوقك شكون نتا اصلان باش تحكم فيا؟؟
أمجد:انا اللي غادي نقبر طبون موك فشي خلا على ود هاد تخراج العينين لي فيك
بغات تنطق او قاطعها
أمجد:داك تخراج العينين لي فيك شي نهار غادي نفغسهوم ليك لا عاودتيها
قطعات عليه او شدات الشرجم بقات شادة قلبها من الخلعة اللي ركبها فيها دابا
مشات عاودات طلقات عليها الما بارد او لبسات بيجاما نقية او نعسات
صبح صباح جديد ريم لي فاقت بكري هاد النهار طيبات الفطور علا ما فاقت نجاة
بدات كتحط الفطور حتى جات عندها نجاة
نجاة:الله يعطيك الصحة ابنتي باينة هادشي بنين غير من الشوفة
ريم:لهلا يخطيك ا ماما كولي بالصحة
سلاو الفطور او جمعو الطبلة مشاو الكوزينة
نجاة:عافاك ابنتي خودي هادشي ل أمجد راه البارح نسيت معطيتوش ليه
كان عبارة على شي ماعن لي يقدرو يستعملوهم فالطياب
ريم:واخا انا نلبس عليا جلابتي او نمشي
طلعات لبيت جبدات جلابة فالازرق غامق او فيها طريزات فاللون الذهبي لبسات صباطها او هزات فيديها داكشي او خرجات فاتجاه الدار ديالو
وقفات قدام الباب ديال الدار خدات نفس عميق او طرقات على الباب عدةرقات خفاف بقت كتسنى حوالي دقيقتين او هو يتحلل الباب
ريم بقات حالة فمها من شدة الصدمة .....
___________________________________
Heeeeey ✨
Golo liya tawa9o3at dialkom l part jaya 😉✨
Radi ykon fiha chwiya dial romanciya f l partie jaya 💖✨
____________________________________
أنت تقرأ
You are all mine
Romantik"هو عديم الرحمة لا يجرأ تجار المخدرات على مداهمته او الايقاع به له قلب حجري لا يعرف معنى الحب او الاشتياق او الأحاسيس لكن ما يفضله هو القتل التعذيب و عاشق للجريمة " "هي رقيقة القلب لا تصبر على رؤية حيوان متشرد لها قلب حنون لا تعرف معنى القسوة و التن...
