داز نهار جديد او وصل صباح جديد
نبداو من عند ريم لي كانت يالاه فاقت من النعاس شافت فجنبها لقات سارة مازال ناعسة شافت فالتيليفون لقات مازال يالاه 9 دارت روتينها الصباحي او لبسات عليها ملابس رسمية و هزات صاكها لي خشات وسط منو واحد الورقة تأكدات من بزطامها او لبسات حذائها ذو الكعب العالي لي زادها طول هبطات فالدروج او هي كتفكر داكشي لي جابت معاها ولا تكون نسات شي حاجة وقفات جيهة الكوزينة
لقات نجاة جالسة او حداها بزاف ديال الصينيات ها لي فيها غريبة ها لي فيها الفقاص كانو خمسة ديال الانواع كانت ظاهرة على نجاة علامات التعب و عدم النوم نطقات ريم يتساءل
ريم:ماما نجاة شنو كديري؟؟
دارت عندها نجاة لي تخلعات او بانو على وجهها علامات الصدمة
نجاة:ا ا و والو ابنتي غير واحد السيدة وصاتني على الحلوة نقادها ليها
ريم:واش هادشي فراس انس ؟؟
نقزات نجاة بالزربة
نجاة:لا لا لا معارفش او من الاحسن بلاما تقوليها ليه راك عارفة الخدمة ديالو على قد الحال او المصاريف تزادو او قلت نتعاون معاه
نطقات ريم باصرار
ريم:ماما عفاك هادي اخر مرة نلقاك كتعدبي راسك بالخدمة انا لقيتيني غادي نمشي نفرق ال CV ديالي فالشركات او انشاءالله يكون الخير
نجاة:الله يرضي عليك ا بنتي او الله يسݣم سعدك او يجيب ليك شي نقرة فين يعبر نخليك
ريم:هههه امين ا ماما ها انا مشيت
نجاة:مغاديش تفطري؟؟
ريم:لا لا معنديش منين دوز والله
نجاة:صافي لي يريحك
خرجات ريم من الدار متوجهة لواحد السيبير باش دير فوطوكوبي ل CV دارت منو بزاف ديال النسخ و شدات طاكسي وصلها قدام واحد البلاصة تيكونو فيها غير الشركات بدات كتدخل عندهوم كتحط الCV ديالها او كتخرج حتى سلاتهم كاملين وصلات ديك 12:45 مشات لواحد القهوة صونات على ياسمين جاوباتها
ريم:مساليا؟؟
ياسمين:اه,علاش؟؟
ريم:انا غادي نسيفط ليك localisation او اجي عندي
ياسمين:اوك
قطعات معاها او صونات ليها نجاة
نجاة:بنتي,ساليتي ولا مازال ؟؟
ريم:اه لقيتيني يالاه ساليت دابا او كنتسناو واحد صاحبتي غادي تجي عندي
نجاة:شوفي اجي او جيبيها باش تغدا معانا
ريم:ههه هي اللولة لقيتيني فيا الجوع
او قطع الاتصال
كانت ياسمين لي وصلات عند ريم او قبل ماتجلس وقفات ريم او نطقات
ريم:عمرك شفتي كارتي كوبا؟؟
ياسمين:شنو هي كارتي كوبا ؟؟
ريم شداتها من يديها او تمات خارجة من القهوة او نطقات
ريم:هانتي غادي تشوفيها اليوم
ركبو فالطوموبيل ديال ياسمين او نطالقو لكارتي كوبا من بعد ما عيات ريم او هي كتنعت ليها الطريق
كارتي كوبا:
دخلات بطوموبيلتها الفاخرة فهاداك الحي لي كانو الناس ديالو كيتفرجو فيهم ياسمين لي كان جاها الحي كانه غابة عندها بزاف ديال الطرق
وصلو قدام دار ديال نجاة هبطو من الطوموبيل او توجهو جهة الباب او قبل ميدقو كانو دايزين شي دراري مبوقين او جاو حدا ياسمين او نطق واحد فيهم
...:عمبولا(التصغير ديال عبد المولى),اتا ورق ليا على بياسة كيف دايرة
عمبولا:شفتهااااا ا سيمو راه قلبي غادي يخرج من بلاصتو
نطق التالث فيهم عرفتي إلا شافكوم الدون ،،،،، واقفين عليهوم بالخصوص هاديك مولات الشعر الكحل غادي يصدق حاوينا ب 3
لبنات خافو من الهدرة ديالهم او حلات ريم الباب او دخلو مشاو جهة الكوزينة شافو نجاة واقفة كتقاد الغدا او نطقات ريم
ريم:ماما نعرفك على صاحبتي ياسمين
دارت نجاة منبهرة بخلق الله لي قدامها مشات حداها سلمات عليها او نطقات
نجاة:بقاو تقراو القرآن على راسكم قبل ما تخرجو من الدار
مشاو لجيهة البيت ديال ريم او عطات لياسمين بيجامة لبساتها او حتى ريم لبسات بحالها غير هي كانت عندها فالابيض لي زادها بياض كثر ما هي بيضاء البشرة او ياسمين لي كانت عندها والازرق الملكي
هبط لتحت عند نجاة فالكوزينة بقاو كيعاونوها اما ياسمين لي كانت كتعلمها ريم شي حاجات قلال وصلات ديك 14:30 او تسمع الدقان فالباب او نطقات نجاة شي وحدة فيكم تحل الباب مشات ياسمين حيت كانت ديك الساعة مكادير والو
مع حلات الباب بقات مصدومة بضع ثواني كما هو الحال مع الواقف امامها او نطقو بجوج فنفس الوقت
نزار:نتي!!؟
ياسمين:نتا!!؟
~~~~~~~~~~~~~~~~~~~~~~~~~~~~~~~~
Lbnat sm7o liya 7it kant3tl mais machi lkhatri ntoma 3arfin bli l9raya bdat ou dakchi mais b3da lmrat kanktb partie f lil ou kankhliha 7ta l sba7 bach npostiha mais kansaa wach ktbt chi 7aja wla la
~~~~~~~~~~~~~~~~~~~~~~~~~~~~~~~~
B9aw tfa3lo m3a riwaya ou 3tiwni l2ara2 dialkom li kaychj3ni bzzzzaf ✨🫶🏻🎀
أنت تقرأ
You are all mine
Romance"هو عديم الرحمة لا يجرأ تجار المخدرات على مداهمته او الايقاع به له قلب حجري لا يعرف معنى الحب او الاشتياق او الأحاسيس لكن ما يفضله هو القتل التعذيب و عاشق للجريمة " "هي رقيقة القلب لا تصبر على رؤية حيوان متشرد لها قلب حنون لا تعرف معنى القسوة و التن...
