سارة دفعات ريم او مشات عند أمجد باش تعنقوا
سارة:امجاااد!!
ريم تدهشرات مفهمات والو كيفاش سارة بلا حشمة بلا حيا مشات عنقاتو
بقات كتشوف فيه بعينين غالب عليهم الدموع شاف فيها محاولا باش يفسر ليها ولكن قبل ميعيط ليها كانت دخلات او مشات قاصدة السطح نطق أمجد مبعد عليها
أمجد:لاباس عليك؟؟
سارة: الحمدلله وقتاش جيتي قالت ليا ماما بلي ماكنتيش هاد الشهر
أمجد:اه بصح مكنتش هنا هاد الشهر كانت عندي شي خدمة فالرباط مكنتش مسالي
سارة:اااه اوا صافي زيد زيد دخول
دخلو بجوج مشاو عند نجاة نجاة لي جلسو حداها او سلم عليها أمجد بقا كيدوز عينيه على الدار باش تجي عينيه فاسيرة القلب ديالو ولكن والو
أمجد:انا راجع دابا
تبسمات ليه نجاة او مشا قاصد بيتها ولكن مالقا حتا شي واحد بقا غادي لسطح ملي حل الباب لقاها جالسة على واحد الحجرة او دايرا يديها على حنيكاتها او كتبكي,هزات عينيها تشوف شكون لي جا لقاتو هو,نطقات بعصبية
ريم:علاش جيتي سير عند حبيبة دالقلب ديالك لي كتعنقك شنو جاي دير عندي انا؟؟
أمجد قرب عندها بخطوات متوازنة
أمجد:سارة راها بحال ختي
نطقات بانفعال
ريم:واخا بحال ختك ماتعنقكش بحال هاكاك
حتا شي بنت أمرا ماقربات ليا لشي حاجة ديالي او تجي هي او تعنقك
تبسم أمجد او تحنا عندها جالس جلسة القرفصاء
أمجد:كتعتارفي بلي انا ديالك؟؟
ريم:اه الا مبغيتش ماشي سوقي
او الا قلت ليك عندي ليك واحد المفاجأة غادي تسمحي ليا؟؟
تحميلات ملي سمعات مفاجأة
ريم:(تبسمات)شنو هي هاد المفاجأة ؟؟
أمجد:العشية غادي تعرفي
جمعات الضحكة او نطقات
ريم:اوك
قرب لعندها او جمع شفايفها المنفوخين بين شفايفو لي كانو مالحين بالدموع
بعدات منو او نطقات بتملك
ريم:ولكن هادشي ماغاديش يخليني نسمح ليك
شاف فيها بنظرات خالية من التعابير او قرص ليها حنيكاتها او نطق
أمجد:مع ال 8 نلقاك واجدة(شاف فالسما)هبطي فحالك غادي يضربك البرد
هزات راسها بايجاب او دارت قاصدة الباب او تبعها
مشاو لصالة جلسات حدا نجاة او هو جلس مقابل معاهم تمات جايا سارة من الكوزينة فيديها صينية ديال أتاي حطاتها فالطبلة او بدات كتخوي فالكيسان او فرقات عليهو كل واحد ديالو او مشات جلسات حدا أمجد او نطقات
سارة:صراحة توحشتك بزاااف عرفتي من وقتاش مشفتكش
نطق أمجد ببرود
أمجد:اه بصح
كان حاط عينو على الحبيبة ديالو لي كتشوف فيهوم او متأمل ظفارها بالغيرة قاطعها تيليفونها لي كان تيصوني
ستأذنات منهوم او طلعات لبيتها
او جاوبات
ريم:سلام ياسمين،صافا؟؟
ياسمين:صافا الحمدلله او نتي
ريم:حتى انا بيخير
ياسمين بغيتك تجي عندي نتلاقاو بحال الايام القديمة ديالنا
ريم: سمحيليا بزاف ولكن عندي موعد اوخر هاد النهار مي نقدرو نخرجو غدا
ياسمين:صافي اوك لقيتيني جالسا فالقهوة لي كنا نولفين نجلسو فيها
ريم:حتى انا توحشتها كانو يامات زوينة بزاف
ياسمين: يالاه نخليك باش منعطلكش على الموعد ديالك ههههه
ريم: ههههه صافي اوك
قطعات الاتصال او هبطات عندهم
{في مكان آخر}
قطعات الاتصال مع الصديقة ديالها تفكرات الايام لي دوزوها بجوج كانت فتات فالعشرينيات من عمرها شعرها بني او متوسط الطول عينيها فاللون العسلي بشرتها قمحية الشفاه ديالها منتفخة او وردية اللون شفارها اللي كانو كثيفين كانت لاطاي ديالها بحال الساعة الرملية كانت لابسة كسوة طالعة على الركبة شوية فيها الفراشات كانت من جبهة الصدر ضيقة او من التحت مطلوقة لابسة فوق منها مونطو فالابيض بحكم البرد لي كان او منتعلة حداء عالي فالوردي الفاتح كانت دارة مكياج خفيف انثوي برز ليها الملامح ديالها ،حاملة فيديها صاك من Dior
شدات فيديها كاس ديال القهوة او دازت خلصات او خرجات متجهة لسيارتها من نوع Jeep رباعية الدفع فاللون الفضي الداكن او ركبات خرجات من الباركينغ
طلقات أغنية ديال doja cat سميتها woman
او بقات كتغني او تشطح
فمنتصف الاداء ديالها خرجات ليها واحد الطوموبيل من حيث لا تدري من الجنب
بغات تفراني باش الطوموبيل تحبس ولكن كان فات الفوت او دخلات فيها جا راسها مضروب مع المقود ديال الطوموبيل او بدا الدم كيخرج من جبينها حلات الباب بالزربة او هي حاسة بالدوخة بدات كتشوف فالطوموبيل لي ضرباتها كانت من نوع bmw فالاسود
طاحت فالارض او بقات حاطة يديها بجوج فالارض او مهبطة راسها كتنهج
حسات بشي حاجة هابطة فوجهها ملي قاست لقات الدم هابط دارت جيهت الطوموبيل
بان ليها الباب تحل خرج منو نزار لي كان لابس ملابس رسمية أو عضلاتو كيبانو بارزين
تم جاي بكامل اناقتو لجيهتها انا هي لي كانت فالعالم الموازي ديالها بسبب الصدمة ديالها من هاد الآلهة الإغريقية لي قدامها
نزار:واش صافا؟؟وقعات ليك شي حاجة
ياسمين:ا ا الا ماوقع والو غير(حطات يديها على الجرحى)هادي
نزار:اجي معايا
تحنا لمستوى ديالها او قربها ليه باش يعاونها باش توقف
كان صدرها على صدرو الصلب و عينيه السوداء الحادة على عينيها المغرية عاونها حتى وصلها الطوموبيل ديالو طلعو بجوج
جبد علبة الاسعافات الاولية خرج منها قطن خوا عليه شوية ديال الكحول الطبي او قرب ليها حتى مبقاش بزاف فارق بيناتهم او نطق او هو كيشوف ليها فشنيفاتها الوردية
نزار:غادي يحرقك شوية
بقات حالا فيه عينيها او هو كيدوز القطن على بلاصة الجرحى حتى حسات بالضو ضربها
ياسمين:ااااااي
نزار:انا قلت ليك غادي يحرقك
ياسمين:اه بصح ولكن راه حرقني بزاف
حيد ليها القطن او جبد (سبارادرا)او لصقها ليها فالجرح ديالها او نطق
نزار:على سلامتك
ياسمين:ههههههه الله يسلمك
شاف فيها او نطق
نزار:كنتمنى تقبلي الاعتذار ديالي على الحادثة
ربعات يديها او نطقات بتعجرف مزيف
ياسمين:لاااء ماغاديش نقبلو خاصك تعوضني على الاضرار لي تسببتي ليا فيهم
زاد قرب ليها او جمع ليها شنيفاتها المنفوخين وسط فمو بدا كيقبل فيها باحترافية او هي حالا عينيها مصدومة شوية تحولات لقبلة عنيفة سال ليها الدم من فمها بعدات عليه لسبب احتياجها لهواء بدات كتنهج او هو مماثل ليها شاف الدم كيخرج من فمها او مشا لجيهتها او مص ليها شنوفتها لي خارج منها الدم او نطق
نزار:دابا قبلتي الاعتذار ديالي ولا مزال؟؟
ياسمين كانت كتنهج او نطقات
ياسمين:اه اه قبلتو صافي صافي ماشي مشكيل
دارت حلات الباب او خرجات مشات متجري لجيهة ديال الطوموبيل ديالها نزار شاف هاد الكمية ديال الانوثة قدامو مقردش يحبس راسو عليها
عمرو حسن بهاد المشاعر لي طاحو عليه دابا ولكن اللي عارفو هو هاد المشاعر يالاه بداو دابا
______________________________________
Salam lbnat sm7o liya 3la t3tila mais radi n3wdkom nchaelah 🫶🏻✨
______________________________________
Kif jatkom chakhsiya jdida ba9in chakhsiyat okhrin radi t3rfohom mais tfa3lo m3a kola partie 💐✨
______________________________________
Golo liya l 2ara2 dialkom 3la had lpartie oi kifx jatkom ou golo liya l ina mdina wslat had l9isa 🪽✨
______________________________________
Khliw m3akom wahd vote 🌟 ou abonné ✨
______________________________________
Bye angels 🪽🎀✨
أنت تقرأ
You are all mine
Romantik"هو عديم الرحمة لا يجرأ تجار المخدرات على مداهمته او الايقاع به له قلب حجري لا يعرف معنى الحب او الاشتياق او الأحاسيس لكن ما يفضله هو القتل التعذيب و عاشق للجريمة " "هي رقيقة القلب لا تصبر على رؤية حيوان متشرد لها قلب حنون لا تعرف معنى القسوة و التن...
