طفلة ذات 1432ه‍ عام🎀🌟

البارت الثالث🎀

أبشرك طابَ جَرحك
بس ألم ضـَال
بگلبي وبصورك بس ألم ضـَل
شعجب البيني وبينك بس سلام ضل
يالاكثر من هلك ملگاك اليه ..
___________________________

2022/10/1

اول يوم دوام بالمرحله المتوسطه جانت حياة جديدة الي بعد ما كملت 6 سنوات ابتدائيه
راح اروح مكان جديد صف جديد شارع اول مرة امشي بي اصدقاء جدد معلمين ما اعرفهمم ، متوسطه بيها 3 مدارس ابتدائيه يعني طالبات اول مرة اشوفهم

الساعه 6 صباحاً

رسل : المفروض اني نايمه بس من الحماس والخوف ما نمت جنت متحمسه وخايفه بنفس الوقت راح اروح مدرسه جديدة واشوف ناس ما اعرفهم
خلصت صلاة الفجر واتسللت لغرفه بابا واخدت التلفون لان بالليل انسحب مني
صارت الساعه ب 7
غسلت وبدلت واني انتضر مريم وبطني توجعني مدري ليش
طلعت برة اصور حتى تبقى ذكرة ل اول يوم دوام بالمتوسطه

سلمان : ها راح تروحين

رسل : اي مريم هسه راح تجي

سلمان : خاف تضيعين انتِ وياها تعرفون الطريق؟

رسل : امها راح توصلنا وتجيبنا

سلمان : ها خوش

رسل : دك الباب وانطيت تلفوني لبابا ورحت وجنت متحمسه اشوف دعاء بنت خال مريم دعاء جانت صديقتي بل ابتدائيه بس بالثالث انقلت لمدرسه ثانيه وحاليا راح نلتقي بالمتوسطه
فرحت من شفت مريم ورحنه للمدرسه سويه ونحاول نحفظ المكان والمحلات حتى ما نضيع
دخلت المدرسه وانصدمت بعدد الطلاب الكبير
من الخوف جنت اريد ام مريم تدخل ويانه
شفت دعاء وكلت مريم هاي دعاء وهي دكول اي اعرفها مع العلم اني اول وحدة انتبهت عليها
ضلينه واكفين لحد ما قسمونه وداعوا الاسماء واني الخوف احتلني صح جنت اجتماعيه بس خجوله وعندي رهاب اجتماعي
دخلت للصف وطلع غير شعبه جانت شعبه أ
واني شعبه ب من الحرج كبل طلعت ورحت لشعبه ب وكعدت اخر رحله جنت احس الانضار كلها عليه وهو كلمن حاير بنفسه
شفت دعاء كاعدة كدامي برحلتين
واتعرفت على البصفي وطلع اسمها رفل وعايدة سنه
سألتها على الحانوت كالت ماكو هنا واني بوكتها تحطمت لان جوعانه وما اشتريت من برة
كعدنه نلعب اني ودعاء وتقى صديقه دعاء
واتعرفت على تقى وحاليا هي بعدها صديقتي وكاعدين نفس الرحلات الي جنه كاعدين بيها بل اول
دك الجرس للبيوت
اني ومريم ضلينه صافنين منين نرجع جان اكو فرعين كدام المدرسه و واحد منهم احنى اجينه منه بس ياهوَ؟
شفت ام مريم بالفرع الثاني ورحنه عليها ركض .

ازهار : ها تندلون البيت ؟

رسل : جان هسه احنه ضايعين بس الحمدلله شفناج