فصيحاً: عندما سألتها من ذلك الذي
تُخبأينهُ خلف ابيات القصائد ؟
خلف كُل قصيدة يوجد شَخصاً أعترفي
من هوَ ؟
وكَالعادة جوابها شَعبياً
عُبرت روحي كومه گلوب لان بس انتَ
رايدته
والبيت المَا أقصدك بي عليمن لعد
كاتبته؟!
_______________________
رسل: بعد ما ماما طلعت من المستشفى والبيت ٢٤ ساعه خطار
يوم ١٠/٣١
اجة اخو رضا زياره النا هوَ و زوجته
جان عندي امل رضا هم يجي ويه اهلة
العصر اجت عماتي اثنين و وراها اجه بيت عمي لليل وبابا خابر عَلى عمي الثاني حتى عود تصير لمه جان ثاني يوم عندي امتحان عربي وتحضير فيزياء وام الفيزياء جانت كلش مكروها ودائما تفتش على الواجب ولازم دائما امتحان ومن توزع الدرجات ترزل البنيه الي جايبه درجه قليله كدام الصف كله
بوكتها جانت حامل والبنات يضحكن عليها وحتى من تجي للصف يكولن ام راسين اجت ادخلوا بسرعه
انتهى اليوم واني ما شفت رضا رغم ابو ومرته جانوا هنا ، خلصت تنضيف وشفت الساعه ب ١١:٤٥ كعدت احفظ واني متحطمه جان املي اليوم اشوفك ليش ما اجيت؟ هاي الفرصه والوحيدة الي جنت متحمسه الها كلت اخيرا راح اشوفه ، بس ما اجه!
جِنت اخاف من باجر
وانتَ ما بي
وهسه مر علية
الف باجر وانت ماكو
ثاني يوم داومت وشوفت انوار
ماجنت احبها ک معلمه لان اسلوبها مو نفس بالبيت
من اني بالسادس كمت ما اشوف رضا لهذا من اشوف احد من اهلها اكتفي أحس اذا سلمت او حضنت احد منهم راح يوصل اله
ولحد الان من احضن احد من عائلته اتخيله رضا ليش ماعرف؟
عيد ميلادي جان يوم ١٠/٢٨
بس ما تحتفلنا لان امي جانت توها طالعه من المستشفى وخطار وهوسه
ماهتميت كلت عادي ايام واكيد اشوف رضا و باليوم الي اشوفه هذا ينحسب عيد
بهاي السنه حاولت شكد ما عندي اتخطى واركز بدراستي
اجه يوم والمدرسه سوت سفرة مدرسيه رحت وهناك شفت فاطمه الي اخر مرة شفتها بالسادس الوقت كله واني احاول اسألها على رضا و احاول كل كلامنه يكون يخص رضا
بس استحيت وسألتها مرة وحدة وغلست
وخلص الاول وختمته بمعدل 89.8🎀
___________________
بدت العطله وجنت مسجله بمعهد اني و فاطمة
اتعرفت على بنيه عمرها ٢٣ اسمها حليمه جانت كلش لطيفه ولمتزمه من ناحيه الدين والصلاة علمتني على هواي اشياء دينيه واشياء ثانيه حبيتها وجانت كلش حنينه
جنت من اروح ورة ما اخلص اكعد يمها واحجي ومرات اراسلها واحجيلها اي شي مضوجني
أنت تقرأ
طفلة ذات 1432ه عام🎀🌟
Dla nastolatkówطفله ذات عام 1431 ه مشاعر طفوله استمرت معها الى مراهقتها هل سوف تحقق احلامها وتجمعهم الصدف في يوم؟
