غيرتني غيمه سوده .

part 1

ملاحظات: هلو حبيباتي شلونجن ان شاءلله بـ خير حبيت انوه عن فد شي اولاً القصه تحتوي عن غموض ثانياً كل اسبوع انزل بارت يوم احد ثالثاً القصه بل لهجه العراقيه رابعاً احبكم 🗽🎀. ﷽

يوم خميس 11:36 صباحاً

: كعدت تعبانه و مالي خلك لزمت تلفوني شفت الساعه و كمت بدلت و نزلت غسلت وجهي و رحت للمطبخ ( ملاحضههه البيت بي صالتين وحده مختلطه وي المطبخ و وحده منعزله) شفت بيبي رحت عليها

: صباح الخير بيبي

ساهره (بيبيتي): صباح النور

: شلونج شلون صرتي

: لا الحمدلله احسن

: الحمدلله .. لــ؏ـــد وينهم شنو بعدهم نايمين؟

: جدج كعد بدل و راح للمتنبي و خالج بل دوام و الباقي نايمين

: همم اوك .. يعني بعدج ممتريكه؟

: اي والله

: لــ؏ـــد خلي اكوم اسوي ريوك الي و الج

: تمام

: كمت فتحت الثلاجه اخذت بيض و بتيته ثرمت البتيته و خبطت البيض و سويت مخلمه و خدرت جاي و طلعت جبن من الثلاجه لان ما اكل البيض سويت زلاطه و حطيتهم بـ صينيه و اخذتهم يم بيبي حتى نتريك اني وياها اكلنه خلصنه شلت الصينيه جلفت المواعين و كعدو اني رحت بسرعه طبيت للحمام اسبح حتى ما اسويلهم ريوك 😂..خلصت طلعت رحت لغرفتي بدلت و مشطت و حطيت ماسكات ؏ وجهي المهم كملت و نزلت جوه صارت الساعه بل 2:12 الظهر لكيتهم مسوين غده اني ما اكلت لان ما اكل التشريب فـ لزمت تلفوني لكيت رسايل من الواتساب دخلت عليه لكيت الرسايل من شخص مجهول طبيت لكيته كاتب ...

مجهول 💬: هلو غيومه شلونج

مجهول 💬: شدعوه هلكد تتأخرين بل سبح

: استغربت منين عرف اسمي و فوك كل هذا منين عرف اني جنت اسبح رديت عليه ...

غيمه💬: هلا خويه زينه الحمدلله تفضل منو انتَ؟

مجهول 💬: ؏ الاقل كولي شلونك لو كبل منو انتَ

غيمه 💬: شتريد اسولف وياك واني ماعرفك؟

مجهول 💬: هسه وذا متعرفيني المهم ليش ما اتغديتي؟

غيمه 💬: شمدريك اني ما اتغديت؟

مجهول 💬: ملاحظه من بديتي تراسليني لحد هسه انتي بس تتسألين؟

غيمه 💬: اي غير اعرفك منو انتَ

مجهول 💬: واحد گواد ارتاحيتي؟

غيمه 💬: ليش تغلط احجي عدل

مجهول 💬: اني كاعد اغلط ؏ نفسي انتي شعليج

غيمه 💬: تمام لــ؏ـــد لتراسلني بــ؏ــد وك؟