غيرتني غيمه سوده .

part 7

- ‏العلاقات القوية عبارة عن أرواح متفاهمة.

: سحبت ايدي بسرعه و شلت الوصله الي ربط بيها عيوني شفته بدون لثام باوعت ؏ ملامحه بنفس الحضه غمض عيوني بيده و كام يكفر رجع ربط عيوني و وخر عني شويه و اجه يمي وخر الوصله من عيوني و جان لابس لثام جرني من ايدي و وكفني رفع راسي بيده و خزرني ...

ذو الفقار: شسويتي؟

غيمه: ما سويت

ذو الفقار: ليش وخرتي الوصله من عيونج؟

: اباوع عليه صار عصبي سويت روحي دخت و وكعت لزمني و رجع وكفني ...

ذو الفقار: شبيج

غيمه: دخت

ذو الفقار: غيمه راح اموتج

غيمه: ليش شسويت

ذو الفقار: خبلتيني

غيمه: عليك الله لتشتكي 

: وخر عني و راح كعد لزم تلفونه ...

ذو الفقار: اذا خلصتي كلام كولي لـ ايهم يوصلج تلكي بره

غيمه: ذب التلفون يعني خليتك تبوسني و تحضني و كعدت بـ حضنك وهسه هيج

ذو الفقار: مجبرتج ؏ شي انتي الي ردتي

غيمه: زين عادي شتسوي بيه سوي مثل قبل بس لتشتكي ؏ محمد

ذو الفقار: الباشا ميقبل

غيمه: منو الباشا؟

ذو الفقار: صديقي الي اجه وياي ؏ بيتكم

غيمه: عرفته زين خلي اني احجي ويا بلكي يرضه

ذو الفقار: شكد ما اني اعاند هو يعاند اكثر مني

غيمه: ذو الفقار راح اروح وهل مره بعد متشوفني

ذو الفقار: ماشي الله وياج

: عفته وطلعت شفت ايهم كال اوصلج كتله لا عفته و مشيت صاحني ذو الفقار رجعت ...

ذو الفقار: خلي ايهم يوصلج

غيمه: ماريد

ذو الفقار: مو بـ كيفج

غيمه: لا شو بـ كيفي و ماريد ايهم يوصلني

: باوعلي بنفاذ صبر و جرني من ايدي صعدني للسياره و ايهم يسوق جرني و كعدني بـ حضنه ...

ذو الفقار: يعني مترجعين وي ايهم الا وياي الا بـ حضني

غيمه: دوخر ؏ اساس اني ميته ؏ حضنك

ذو الفقار: اشوفج جوه اجيتي تتمايعين بـ حضني

: جريت تلفونه و طبيت ؏ الواتساب كتبت بل بحث (لتجفص ايهم كاعد هسه شيكول عليه) و انطيتهيا قراها و باوعلي ...

ذو الفقار: ديلا ماشي بعدين تعاي اكلج ليش هيج ضعفانه شنو ميوكلوج بيت جدج؟

غيمه: لا اني ما اكل من وراك