غيرتني غيمه سوده .

part 3

جـزًء مـٰن خــ۫͜ـوُفــ͡ـي  ⁽🔱₎

: كعدت الصبح الساعه 9:30 نزلت وجانت دنيا شتاء
طبعاً من خلصت السادس ما قدمت كبل ؏ الجامعه أجلت سنه ارتاح بيها المهم نزلت للمطبخ سويت ريوك اني و ايه صبينه الاكل اكلنه و كمت جلفت المواعين و نظفت البيت و لزمت تلفوني لكيت ذو الفقار ما داز ولا رساله اني غلست المهم صارت ظهر و تغدينه و صارت عصر و هم ماكو اي خبر منه صارت ليل سوينه عشه و تعشينه و هو ماكو صعدت لـ غرفتي سديت الباب و دكيت عليه رد عليه من اول ثانيه ...

غيمه: الو

ذو الفقار: ها غيوم

غيمه: وينك من الصبح مختفي

ذو الفقار: عندي شغل و هسه خلصت

غيمه: ها تمام

ذو الفقار: يلا غيمه تعاي

غيمه: شنو تعاي وين اجي

ذو الفقار: للشارع الي بي عماره عاليه الي وره بيتكم

غيمه: ليش مفهمت

ذو الفقار: روحي للعماره العاليه انتظرج هناك

غيمه: شون يعني انتَ راح تجي؟

ذو الفقار: اي صارلنه سنه و شهرين اريد اشوفج

غيمه: يعني شون مدافهم يعني انتَ شايفني و كل صوري يمك

ذو الفقار: غيمه بل 1:35 بليل انتي هناك خوش

غيمه: ذو الفقار لتشاقه الدنيا بارده و ضباب ما اطلع لو يجي مدري منو

ذو الفقار: ؏ راحتج بس انسي شي اسمه صور

: كال هاي الجمله و سده اني كعدت ابجي حيل خفت ضليت ابجي لحد ما صارت الساعه بل 1:30 اترددت اروح بس بنفس الوكت مجبوره طلعت من البيت و اني وجهي احمر من البجي طلعت الشارع عباره عن ضباب و الشوارع كلها فارغه مابيها ولا بشر نص الطريق و كلبي يدك قويي حسيته راح يوكف امشي و ارجف من الخوف و البرد طلعت واني لابسه بجامه خفيفه و فانيله صلوخ فوكاها جاكيت و صلت للفرع الي بي العماره دنيا ليل و بارده الضباب نازل للكاع ممبين اي شي من الشارع هدووء امشي و ارتعش من الخوف طبيت للفرع فارغ مابي اي شي بس اني و الضباب و سياره مشتغله كلوباتها عرفت هاي سيارته خفت اتقرب و ترددت اكمل طريقي ردت ارجع للبيت بس ماكدر كملت مشي وصلت يم السياره وكفت باوعت ؏ الجامه ماكو احد بداخل السياره فزيت من سمعت صوت مشي ورايه التفتت و ياريتني ما ملتفته شفته جان ضخم و طوييل ملابسه سوده رفعت راسي اشوفه متلثم بـ لثام اسود دنكت راسي ؏ سريع واني ارجف من الخوف و البرد خشمي احمرر من كثر البرد للحظه حسيت راح يغمى عليه هو واكف و ميحجي بس يباوع عليه من فوك ليجوه واني منزله راسي و ساكته فزيت من سمعته يصرخ بصوت خشن ...

ذو الفقار: ايهممم

ايهم (الحارس الشخصي مال ذو الفقار): نعم سيدي