بسم الله الرحمن الرحيم
*طوفوا الاغلاط الإملائية*
-طبعاً لو في أي تخبيص بالراوية ياليت تقولولي عشان اعدله.
-ايضاً حبيت اني اضيف شخصيات ، لكنه ما بتكون كثيرة ، وضفتهم عشان الاحداث.
_________________________
قال رَاشِد باستغراب :"عفواً؟"
ناظروه بتوتر وقال واحد فيهم :" ك...كان في شيء على سيارتك قلنا نشيله بس" ، خلصوا كلامهم وراحوا من قِدامه بسرعه ، على اساس انهم رايحين ل الجمعية
ناظرهم رَاشِد بعدم فهم وما اهتم وحط الاغراض في السيارة وراح يركب سيارته ، ناظره فِراس وتعدل في جلسته وقال :" وراك تأخرت؟"
قال رَاشِد بتبرير :" وش اسوي الجمعية زحمه شريت ذولي بالغصب!" ، اومأ له فِراس ، وتحرك رَاشِد.
________________________________________
قبل ثلاث ساعات 11:19
أبها
*المدرسة*
دخل مَشعَل صفه الي سقط فيه سنتين ، صف اثنعش اول ، كل السنوات الي طافات كان ينجح بواسطات من ابوه،
بس هالسنه ما طلب من ابوه أي واسطه لأنه يبغا يقعد وي اخوياه ، وذحين هو قاعد يسقط طبعاً ،
لعدم تركيزه بالحصص ولا بالاختبارات ، راح قعد على كرسيه ، قال أستاذه بغضب:
"وينك كنت في إن شاء الله عسا ما شر؟ اليوم عندنا حصتين وانا جايني الحصه الثانية؟"
تأفف مَشعَل ورفع راسه يناظره :"نعم؟ بتبدأ مناقره كل صباح يعني ولا شلون؟ ركز في شرحك واخلص !"
اكتفى الأستاذ انه يناظره بغضب لأنه ما يقدر يسوي شيء بحكم ان ابو مَشعَل ممكن يأذيه ، بسبب انه صاحب مال وسلطه.
تنهد الأستاذ وكمل شرحه بهدوء ، خلص الدوام والكل اطلع ، وهو راح مع خويه ، كانوا ماشيين بهدوء وكل واحد يفكر في الي شاغل
فيه ، قاطع ذا الهدوء خويه وهو يقول :"اسمع يقولون على يوم الخميس بيكون في تفحيط و وناسه ابتجي؟"
طلعت منه ضحكه سخريه على حظه ، وطلع من جيوبه دخان ، خذا زِقارته وولعها ، سكت شوي ، ونفث الدخان الي بفمه وقال:
"مقدر بروح الرياض!" ، تأفف خويه وقال :" ياليييل؟ شعندك هناك انتَ؟؟" ، تنهد مَشعَل :"ابوي عنده شغل ولازم يروح!"