بسم الله الرحمن الرحيم
*طوفوا الاغلاط الإملائية*
___________________________
اليوم الي بعده ، الكل نزل رايح لدوامه كل عادة ، الا ....
ولدنا مَشعَل الي للحين في بيته ، لبس ملابس المدرسة غَصبنًا عنه ، ومعه خويه
ال قاله امس يقعد وياه شوي ، خلصوا وانزلوا متأخر ، فتح عزيز السيارة وركب فيها
ومَشعَل ركب مَن الجهه الثانية ، خذا جواله ولبس سماعته الايفون ، وركب حزامه
وعزيز تحرك للمدرسة .
وصلوا للمدرسة متأخر ، وقابلهم المدير الي قال:
"وين ؟ ليش جايين متأخر؟" .
تأفف مَشعَل وقال :"صار عندنا ظرف يصير ندخل الحين؟؟".
تكلم المدير :"اليوم اول يوم لكم بالمدرسة ، اتمنى انكم ما تسوون مشاكل".
رفع عزيز حاجبه وقال :" وانا شدخلني ما تكلمت؟" .
ناظروه الاثنين وبعدين قال الاستاذ :" اخر مره تتأخرون ، بدخلكم اليوم عشانه اول يوم تفضلوا".
قال مَشعَل بسخريه وهمس وهو يمشي:"أي إن شاء الله" ، ادخلوا وراحوا ل اخر دور ، شافوا المرشد وخذاهم لصفهم .
عدت الحصص ورا بعض وخلص الدوام.
كانوا نازلين مَن الدرج بس...... "فَيصَل!". قالها بهمس ، انصدم شوي وبعدين ابتسم بسخريه لمن تذكر الي صار بينهم ،
تلاقت عيونهم مع بعض وانصدم فَيصَل هو بعد بس كمل طريقه بدون لا يلتفت وراه.
_______________________________________
راح فِراس ل رَاشِد في السيارة وقال بفرحها :"جبت درجه كامله في الاختباررر".
مد له الورقة ، ابتسم رَاشِد وخذا الورقة منه قال بنبرة حسست فِراس بأنه يأخذه على قد عقله :"شاطر ، خل درجاتك دايم كِذا".
ناظره بَ استغراب وناظره رَاشِد هو بعد ظلوا يناظروا بعض شوي لين ما قال رَاشِد :"وش فيك؟".
تعدل فِراس بجلسته وقال :" لا ولا شيء ، بس مو كأنك شايفني بزر؟".
استغرب رَاشِد :"انا؟ ليش ما قلت شيء ؟".
ناظر فِراس قِدامه وبعدين ناظره قال بابتسامه لمن شال فالفكره من باله :" خلاص ما عليك بس حرك".