بسم الله الرحمن الرحيم
*طوفوا الاغلاط الإملائية*
كل عام وانتم بخير حلويني ، عيد مبارك علينا وعليكم إن شاء الله. 🤍🤍
لا تنسوا تدعون لَ اهلنا في غزة والسودان وكُل المسلمين المستضعفين في الارض ، فَ لا زالت محنتهم مستمرة .🤍🤍
حاولت اطول البارت قد ما اقدر ، استمتعوا.....🤍🤍
🤍🤍.
_____________________________
تكشخ وتبخر وضبط نفسه ، يدري المُكان مب مهم لذي الدرجه! بس لازم يحلي نفسه
قبل أي شيء! ، نزل مَن بيته متوجه لَ مقر الزعِيم ، بعدما طلبه
ركب سيارته وحركها لَ المُكان المطلوب ، وبعد اشوي وصل ونزل مَن سيارته
كان المُكان خالي مَن الناس ، الاجواء جداً هاديه ! توجه لَ الباب وفتحوا الي كانوا واقفين عليه
محد مايعرف مَشعَل بهالمقر! راح لَ غرفه الزعِيم ودق الباب ، وسمح له الزعِيم بالدخول ،
دخل عنده وقعد حتى قبل لَ يأخذ اذن مَن الزعِيم ، كَان الزعِيم عارفه بجيح بس مخليه ،
ناظر مَشعَل وقال بهدوء "وش بغيت؟"
قال الزعِيم بنفس هدوءه "ابغاك تجيبلي هالولد" خلص كلامه واعطاه اورقه فيها صورة فِراس
ناظر مَشعَل فيها وتامل الي فيها وقال وهو يحط الصورة جمبه "ووينه هذا؟"
"مدرسه الملك فَيصَل الثانوية "
انصدم مَشعَل وقال " مدرستي؟"
اومأ له الزعِيم ، ووقف مَشعَل وقال " إن شاء الله ، متى؟"
"بَ هذا الاسبوع!"
ما رد مَشعَل وطلع مَن المقر كله وراح لسيارته واتصل على عزيز الي كَان....
_____________________________________
دخل عزيز البقاله وقال " بَ كم الشاهي؟"
"ثلاثه وعشرين"
شهق عزيز بصدمه وقال " ثلاثه وعشرين ايش؟؟"
ناظره العامل وقال " ثلاثه وعشرين ريال ياحبيبي"
"نصاب بن نصاب وش يعني شاهي بَ ثلاثه وعشرين؟ والله ما اخذها الا بَ اثنين ريال!"
