الخادمه وفرعون الصعيد 22
بقلم نوران احمد مليجي
طلع نادر من المستشفي وراح البيت
لقي حسام لأمم العيال بتوع الحي وبيعلمهم كاراتيه وبياخد منهم فلوس
نادر : يا شيخ أنت مش هترحمني بقا وبعدين اي الي ملبسك الهدوم بتاعتي اقلع الهدوم دي حالا
حسام : يا عم ادي هدومك اهي في الأرض وبعدين دول شويه عيال بعطف عليهم وبعلمهم
جاسر : مش لما تتعلم انت الاول اداب الضيوف ده مش بيتك علي فكرة عشان تتصرف فيه براحتك كدا
نادر : فكك منه ده معندوش دم يا صاحبي روح ارتاح شويه الحمدلله علي نعمه الشغل الإنسان العاطل حياته زفت بعيد عنك واخد بالك أنت بيكون عاله علي المجتمع
حسام : انا سامع تلقيح كلام للدرجه دي انا تقيل عليكم اوي كدا مكنتش اعرف اني مش غالي عندكم كدا
نادر : يا حسام يا حبيبي مش عشان قضيه تافهه اتظلمت فيها تفضل كدا مكتئب وقاعد في البيت احنا مش بنبص علي اكل وشرب وبيت كل دي أمور تافهه بس خايفين عليك من الايام لاقي نفسك وانجح واكسب فلوس عشان تحس بطعم الحياه اشتغل وانت في عيونا هنا حتي لو مش بتدفع جنيه احنا اخواتك وفي ظهرك علي طول يا حبيبي انا بنصحك وانا براحتك هروح انام سلام
بعد فتره جت سلمي قدام بيت نادر فتح حسام وبص ليها بإعجاب ودخلها صحي جاسر نادر بسرعه
جاسر : الحق بسرعه حسام قاعد مع سلمي لوحدهم تحت نزل نادر بسرعه وسحبها من دراعها بعنف وطلعها بره الشقه ودخلها عربيته ومشي بيها بعصبية
نادر : انا عايز افهم حاجه انتي غبيه جايه لشقه عذاب وداخله تقعدي معاهم انتي ب عقلك بجد
سلمي: محدش يقدر يعملي حاجه وانت محترم جدا والي قاعد معاك اكيد محترم زيك صح
نادر : مش دايما عشان كدا انا بقولك لو جيتي تاني البيت اللي ساكن فيه هكسرلك رجلك فاهمه يا زفته
سلمي بابتسامه : فاهمه يا حبيبي انت بتغير عليا ومش عايز تتخانق مع حد عشاني اكيد حمش بردو احبك يا واد وانت كدا
نادر : بت ما تتلمي شويه اشوف شويه حياء بس احس بيهم انك بنت يخربيتك اخلصي عايزه اي سيبك من الكلام الفارغ ده
مسكت سلمي أيده وهي بتقول : كنت جايه اطمن علي ايدك هي كويسه دلوقتي انت اصلا كويس دلوقتي صح
بصلها نادر بإعجاب محدش عمره اهتم الاهتمام ده بيه وقال وهو سرحان في ملامحها وقرب منها وقال
نادر : انتي حلوه اوي يا سلمي بجد كل ما اشوفك بتلغبط وبحس بحاجه جوايا غريبه
سلمي : يبقا بتحبني طبعا يا حبيبي بقولك اي تعالا نروح نتمشي شويه علي الكورنيش هتتبسط اوي هجيبلك ذره عشان اعترافك الجميل ده
أنت تقرأ
الخادمه و فرعون الصعيد
Adventureبنت يتيمه نصيبها خلاها تكتشف حاجه مكنش المفروض تعرفها ومن وقتها حياتها كلها اتغيرت وبقت في خطر ومطارده من ناس عايزاها لحد ما بيقع في طريقها مفتاح نجاتها علشان تكتشف حاجات اكتر والامل والأمان دخلو قلبها بالحب ده اللي هتشوفوه في الروايه بتاعتنا الحب و...
