الخادمه و فرعون الصعيد

البارت السادس والعشرون

الخادمه وفرعون الصعيد 26
بقلم نوران احمد مليجي

جاسر  : بلغ توفيق بالكلام اللي قولته ومفيش حد بثق فيه غيرك يا حسين اي مهمه هعملها من غير ما حد يعرف هويتي ولازم اقبض علي حمدان و الخائن اللي وسطينا

رجعت البلد وبقا حسين يبعت ليا المهمات وبيروحها لوحده وانا معاه بس محدش يعرف كل اللي يعرفوه ان اي مهمه حسين بيدخلها بتنجح وبدانا نشتغل علي القضيه وعرفت واختبرنا كل اللي في قسم الشرطه بمعلومات مزيفه عشان نشوف تحركات العصابه هتكون ازاي من بعدها وعرفت أن الكلام اللي بنقوله لحسام بالذات هو اللي بيوصل

رنا : ازاي مش ده اللي عايش واكل شارب معاكم حتي حتي هو اللي جاب جثه نادر وكان بعيط عليه صح

جاسر : كلامك مظبوط ممثل ممتاز قدر يخدعنا كلنا بس في الاخر كل حاجه اتكشفت

رنا : ازاي جاله قلب يعمل كدا في صاحبه اللي وثق فيه يخلص عليه علي خوانه ده انسان زباله

جاسر : مش كل الناس قلبها نضيف زينا كانت مهمه القبض علي حمدان هتتنفذ هنا في شرم ف روحت معاكم علي اساس انها رحله ومنها نقرب لبعض بس لاحظت اني متراقب ولما لقيته حسام عرفت انهم بيشكو فيا وكنت عامل حسابي أنه اكيد هيخطفني ويتاكد من الموضوع بس شكله عارف كل حاجه

رنا بخوف : انت عشت فتره صعبه اوي من حياتك لوحدك ومفيش حد جنبك ازاي قدرت تكمل وتتحمل كل ده كل يوم بيعدي  بتعلق بيك اكتر وهدير طلعت انسانه كويس اوي كلامها حلو وقدرت توقفك علي رجلك بجد شخصيه تفتخر انها في حياتك  بس بس هنعمل اي دلوقتي بقا معقول هنروح للي خلقنا كدا علي طول  في لسه حاجات كتير اوي نفسي اعملها

ضحك جاسر بقوه وهو بيقول : انتي فاكره ان كل كلامنا دلوقتي مش متراقب اطلع يا حسام متفتكرش اني ممكن اقول حاجه تفيد واحد زباله زيك

حسام : عرفت منين اني موجود وبسمعك هو انا باين اوي كدا اه صح نسيت انا بتعامل مع مين

جاسر : الطبيعي أن اول ما تشوفني هتخلص عليا بس انت ادتلي مساحه من الوقت احكي عشان تعرف خطتي الجايه مش كدا ولا اي

حسام : انا عامل احتياطاتي في الوقت اللي هما دلوقتي بيدور عليك وبيحاولو يوصلو ليك في شحنه مخدرات كبيره جايه والتسليم في معاده مفيش اي حاجه اتغيرت في خطتنا غير خطفنا ليك يا تري بقا هيلحقوك انت والحلوه اللي معاه ولا شحنه المخدرات اهم منك ابقي سلملي علي نادر وقوله اسف مكنش لازم تثق في الناس بسهوله وجهه السلاح ناحيه جاسر وبعدين قال
ولا اي رايك نخلص علي الحلوه دي قدام عينك الاول عشان تتوجع بجد وانت رايح للي خلقك

وفي مكان تاني في قسم الشرطه
حسين  : زي ما قولت لحضرتك يا توفيق بيه من الاول خالص احنا متراقبين معاد التسليم زي ما هو متغيرش بس خاطفين جاسر ورنا والخاين كان حسام من الاول شخص محدش كان متوقع أن يكون هو وهو نفسه اللي خلص علي نادر بيه انا حاليا مش عارف اتصرف مش ضامن التأخير كل تأخيره فيها خطر علي حياه جاسر وهما حاليا بيهددونا بيه يا نخلي الشحنه تعدي يا يقتلو جاسر واللي معاه