الخادمه وفرعون الصعيد 23
بقلم نوران احمد مليجي
كان جاسر لسه مخطوف وهو ورنا بيحكي ليها عن مهمته مع صاحبه نادر واللي حصل معاهم من الاول خالص
رنا : انت ازاي عارف أدق التفاصيل بتاعته دي وقصه حبه وكل الكلام ده عنه
جاسر : لاني لقيت مذكراته وبدأت اقرا فيها واعرف كل حاجه بالتفصيل عشان اجيب حقه
رنا : حقه ازاي تقصد اي بكلامك ده هو حصل اي حصله حاجه
جاسر : هتعرفي كل حاجه وانا بحكي دلوقتي متقاطعنيش
نكمل فلاش باك
نزل جاسر ونادر وقلقو لما لقو هدير مع سلمي
هدير : يلا هنخرج نحتفل بعيد ميلادك بره اخلصو بقا بسرعه قدامي علي ما اجيب العيال
خرجو الشباب ورجعت هدير مع سلمي ماسكين ايد الاطفال راحو علي كافيه وحتفلو بعيد ميلاد نادر هناك وفجاه ظهر ابن خاله نادر اللي اسمه اسر اول ما شاف سلمي قرب عليها
اسر : اخبارك أي يا قمر اول مره اشوف بنت بالجمال ده ممكن نتعرف علي بعض اكتر معلش يا جماعه هخدها منكم بقا يلا انتي مكسوفه ولا اي
نادر بضيق : ليه أن شاء الله هتطلع ليها بطاقه ولا اي ما تقعد واحترم نفسك شويه شايفنا ازاي عشان تاخدها وتمشي من وسطنا
بصت سلمي لهدير فغمزت ليها هدير فهمت سلمي وابتسمت وبدأت تتكلم مع اسر والتاني واقف هيولع مكانه
اسر : ممكن نطلع نكمل كلامنا بره في كلام كتير عايز اقوله ليكي
سلمي : اه طبعا اكيد مسك أيدها ولسه هيخرج وقفته ايد نادر اللي كان شويه والدخان يطلع من رأسه كانت هدير وجاسر بيضحكو عليهم
نادر : واخدها علي فين احترم نفسك واحترم الناس الي انت قاعد معاهم وانتي اترزعي مكانك متتحركيش غير معايا
اسر : ليه يا صاحبي هي تخصك ولا تلزمك بحاجه وبص لسلمي وقال هو ده حبيبك هزت راسها بلا كمل اسر طب ده خطيبك مثلا هزت راسها ب لا كمل اسر شوفت بقا يا ابو الصحاب متخصكش عشان تحكم عليها وتقول ليها تعمل اي ولا متعملش اي مسك أيدها ولسه هيمشي مسك نادر أيده بعصبية
نادر : دي حبيبتي وهتبقي خطيبتي ومراتي اطلع بره عنها عشان مزعلكش انت فاهم
ابتسم اسر : ماشي يا عم مكنتش اعرف انك واقع اوي بالشكل ده علي العموم انا ماشي سلام
هدير : يعني اي الكلام ده يا نادر أول مره اعرف بالحوار ده ده من أمتي بقا أن شاء الله
سلمي : من فتره كدا نادر اعترف ليا وكان مستني قراري في الموضوع بس شكل نادر بيتكسف شويه أنه يتكلم عن الحاجات دي
هدير : نستنا اي وبتاع اي ولا خجل ولا غيره خلاص احجزي لينا معاد يا سلمي مع باباكي عشان جايين نتقدم بكرا
أنت تقرأ
الخادمه و فرعون الصعيد
Aventuraبنت يتيمه نصيبها خلاها تكتشف حاجه مكنش المفروض تعرفها ومن وقتها حياتها كلها اتغيرت وبقت في خطر ومطارده من ناس عايزاها لحد ما بيقع في طريقها مفتاح نجاتها علشان تكتشف حاجات اكتر والامل والأمان دخلو قلبها بالحب ده اللي هتشوفوه في الروايه بتاعتنا الحب و...
