ملجائي شخص ما اعرفه

الجزء العاشر

دخل ابو غزل وقال للبنات :

ابو غزل : تعالو يابنات بدأ الاجتماع

راحو البنات مع ابو غزل للمجلس و كانو جميع أفراد العائلة موجوده:

جوري وهي تهمس لغزل : احس اني خايفه

غزل : دام اخوك موجود اعرفي المصيبه منه

جوري : الله يفكني من ذا الأخ

ابو غزل وهو يكلم العائلة الكريمة: جمعتكم اليوم يابنات و عيال عشان اقول لكم احنا و ابائكم و امهاتكم محا نكون هنا الشهر ذا و جمعتكم عشان اقول لكم انكم بتجلسون هنا و تمسكون الشركات

غزل وهي منصدمه : لا اصبر بابا انت من جدك !!!؟؟

ابو غزل : اي من جدي بنسافر عشان شركتنا الي في إيطاليا نشوف وش فيها يقولون انها تعرضت لخسارة بنروح عشان نعدل و الوضع

يارا : طيب يابابا كان خليتنا احنا نروح بدالك

ابو غزل : لا يابنتي قالو لازم انا و عمانكم نكون موجودين

جوري : مو مصدقه كيف بقعد شهر بدون بابا و ماما يععع مستحيل تخلوني مع اخويا جاسر

جاسر اخو جوري : ليه وش فيني انا ؟؟!!!

جوري : انت وش ما فيك اسوء انسان ممكن اعيش معاه

جاسر : اقول احمدي ربك اني بكون معاك ترا ربي منعمك فيني

جوري : ياربي لا تسمع كلامو

ضحكو الكل على جوري و جاسر وبعدها طلب ابو غزل الجميع بالخروج ما عدا يارا و غزل :

ابو غزل وهو يكلم بناته : اسمعوني يابناتي ابيكم تنتبهون لنفسكم و لبنات عمكم معروف انتو اكبر الناس بعدنا فا انتو مسؤولين عليهم

غزل : ابشري يابابا

يارا : طيب بابا متى حا تمشون ؟؟!!

ابو غزل : المفروض نكون بالمطار الحين

يارا : اجل توصلون بالسلامه باودعكم الحين لان بنروح انا و البنات بعد شوي

ابو غزل : تمام يابنتي

بدأت يارا و غزل يودعون الكل و طلبت يارا من جوري و لمار في تجهيز نفسهم لان بيخرجون و طلبت ياخذون ملابس احتياط لان بيرجعون ثاني يوم البنات وهم بالسياره :

غزل وهي تسأل يارا : يارا وين بنروح ؟؟!!

يارا : الصراحه وحشتني العمه ابي اروح عندها نقضي يوم و نرجع

جوري وهي تصرخ : الله اخيرااا بنرجععع نشوف اكشنننن

لمار : اشبها ذي مرجوجه ولا وش وضعها !!!

يارا : جوري لو سمعتك تتكلمين بنزلك بوسط البر و بمشي

جوري : انتو نفسيات