غزل : اتصلت على الشركه و قالو ماهي موجوده وين تتوقعي راحت !!!
جوري : طيب رحتي مكاننا!!
غزل : لا ما رحت وبعدين لمار الايام ذي مافيها شي ليه تروح مكاننا؟
جوري : ما ادري والله اتصلي على يارا خليها تشوف لمار وين
اتصلت غزل على يارا و اخبرتها باختفاء لمار انتهت يارا من دوامها و خرجت للبحث عن لمار اول مكان توجهت له يارا هو مكانهم لما يتضايقون لاكن مالقت احد توجهت يارا للبيت و أخبرتهم انها ما حصلت لمار :
غزل : لحوللل من ذي البنت وين بتروح !!!
يارا : فكرت في أماكن كثيرههه بس في مكان ما جاء في بالي أبد
جوري : عمه فاطمه !!!
غزل و يارا بصوت واحد : صححح
جوري : ماباقي الا العمه فاطمه امشو خلونا نروح
خرجو البنات من البيت متجهين على خيمة العمه فاطمه كان باقي على وصولهم ساعه و نص وقفت يارا عند محل خضار و فواكه أخذت بعض الأشياء عشان ياكلونها مع العمه كملو الطريقهم دخلو على بداية البر و باقي قدامهم ٢ كيلو متر عشان يوصلون الخيمه وصلو البنات للخيمه و نزلو يسلمون على العمه :
غزل : السلام عليكم ياعمه كيفك مره وحشتينا
فاطمه : و عليكم السلام يا هلا في بناتي انا الحمدلله بخير دامكم بخير
يارا : معليش ياعمه بس لمار مختفيه و نتوقع تكون عندك
فاطمه: لا والله يبناتي ماهي عندي
البنات بصدمه : ايشش كيف ماهي عندك !!!
جوري: ياعمه متأكده ما جت هنا
فاطمه : اي والله يابنتي ماجت عسى مايكون صار لها شي
يارا : ما عليك يا عمه ممكن تجمعين عيالك يجون الحين
فاطمه : تامرين أمر يابنتي
اتصلت فاطمه على عيالها و امرتهم يحضرون نفدو عيال فاطمه كلام امهم و حضرو :
صالح : عسى ما شر يابنات وش فيكم ؟؟!!
جوري : لمار مختفيه قلبنا الرياض بكبرها ما لقينها
صالح وهو مصدوم : اييشش كيف مختفيه مستحيل !!!
يارا : وش الي مستحيل تسوقها انت اقول لك بنت عمنا مختفيه لو ماهي مختفيه كان ما جينا الطريق ذا كله
فيصل : بنت عمكم ماهي مختفيه بنت عمكم مخطوفه
غزل : بس مين الي بيخطف لمار !!
فيصل : انا بس اعتقد انها مخطوفه
جوري: ثاني مره لا تعتقد
يارا : فيصل و حكيم ممكن تجون معايا شويه ابيكم بكلمه
YOU ARE READING
ملجائي شخص ما اعرفه
ChickLitعائلة في طريقه للديره اعترضوا قطاعين طرق لسيارة البنات من بعدها تبدا لهم احداث ماكانو يتوقعوها
