ملجائي شخص ما اعرفه

الجزء الأول

السلام عليكم ورحمة الله وبركاته هاذي روايه خفيفه اتمنى تعجبكم

الخميس ١٤٤٤/٩/٢٨

: السلام عليكم.. وينك يا ابو غزل .. اليوم بنروح الديره .. فينكم متأخرين؟

ابو غزل: اي اهلا يا ابو لمار .. خلاص حنا في المحطه نعبي السيارات بنزين .. وين الباقين

ابو لمار: و الله كلنا في نقطة التجمع الي حددناه في القروب .. شفت الرساله ؟

ابو غزل: ايوا شفتها .. خلاص نص ساعه و جايكم

راح ابو غزل لسيارة بنته غزل

ابو غزل: غزل بنتي متأكده تبين تسافرين بسيارتك ؟؟ .. خايف عليك يا بنت

غزل : لا لا تخاف .. و انا متأكده ان شاءالله

ابو غزل: اذا تعبتي او حسيتي بخوف او شي بس ارفع سماعه و ارد عليك ..الحين بنروح نقابل اعمامك و نمسك خط الديره

غزل: تمام ابشر

بعد نص ساعة

وصلو ابو غزل و غزل للاهل

ابو غزل: ها يا جماعه جاهزين

الجماعه : ايوا

ابو لمار : كم سيارة بتروح ؟

ابو غزل : انا سيارتي فيها انا و زوجتي و بنتي الصغيره .. و غزل و اختها بسيارتها

ابو صالح : انا ولدي بيسوق السيارة .. و بنتي و زوجتي معي

ابو لمار : انا و زوجتي و التوأم و لمار و ولدي

ابو محمد: انا و زوجتي و بنتي الصغيره و محمد و ياسر لحالهم بسيارة

ابو حسين : انا و زوجتي و بنتي و ولدي

ابو هيفا: انا و زوجتي وبنتي الصغيره

ابو جوري : انا و زوجتي و بنتي و ولدي

ابو غزل: ماشاءالله.. اهم شي متأكدين على سياراتكم مافيها شي

الجماعه : ايوا

ابو لمار : خلاص يلا نتوكل على الله

لمار : بابا ممكن تسئل غزل اذا عادي اروح معاها السيارة ؟

ابو لمار : هيي ابو غزل

ابو غزل : نعم وش فيك

ابو لمار: شوف بنتك عادي تشيل بنتي ؟

غزل: اشيلها في عيوني يا عم .. تعالي يا لمار

ابو لمار : يعطيك العافيه يا بنتي

ابو جوري : طيب بنتي ؟؟.. او بس تحبي لمار

غزل : والله ثنتينهم في عيوني خليها تجي بتونسنا

ابو جوري : تسلمين يا بنتي والله

ابو غزل خلاص كذا قسمتو يلا نمشي

في سيارة البنات

غزل: يا بنات عرفونا عن نفسكم .. ما اتذكركم بس شفتكم صغار

لمار: ههههه .. انا لمار و عمري 27 سنه

جوري : ههه انا جوري و عمري 26 سنه

يارا (اخت غزل) : انا يارا و عمري 26 سنه

غزل : واو يارا و جوري بيفهموا بعض

لمار :طيب غزل وانتي عرفي نفسك

غزل : هههه تمام .. انا غزل عمري 28 سنه

لمار: ماشاءالله

غزل : وش تبغون تسمعو اغاني يلا نبي وناسه

بعد ٥ ساعات

غزل : بنات احس اني تعبت .. ابي انام

يارا: طيب وش بنسوي الحين !

غزل: هذي محطه .. بعبي بنزين و بشتري فصفص اكله عشان ما انام

في البقاله غزل نزلت و اول ما دخلت لفت انتباها شخص في قمة الجمال لاكن شكله غريب .. من طول شعره و الملابس الفوضويه و كحل العين
ما اهتمت غزل و اشترت فصفص و انتهت من تعبية بنزين

بعد ساعتين

السيارة تطلع اصوات

غزل: بناتتتت السيارة

يارا: اتصلي على بابا

غزل : اتصلي انتي بسرعهه

لمار و جوري: لا ان شاءالله ما بيصير شي

يارا: مافي شبكه و اتصال و أبراج المنطقه خاليه !!

--ان شالله بنزل الجزء الثاني قريب --