وصب الروح

البارت السادس عشر

حيدر::تتوقعين تنجح الخطة
غسق::وداعتك تنجح لاتفكر ويلا نام
نمنه كعدنه ثاني يوم تريكنة وكاعدين ع جمر نريد بس اسمر يجي يحجيلنه قبلن او لا وصار الغدة غديت شموسة وامي

اما اني وحيدر ف مانشتهي لل2اجه اسمر ندكت الباب كمت حطيت شالي ع راسي وحيدر فتح الباب ودخل اسمر

غسق::هاا بشرر
حيدر::احجيي شكالن
اسمر::سويت نفس ماكلتولي رادن يومين يفكرن كتلهن ماكو الجن ساعتين بين ماخلص محاضرة وصدك خلصت محاضرة وطلعت لكيتهن ينتضرني ف وحدة تنازلت للثانية

غسق::شسمهن ومنيه الي تنازلت
اسمر::نور تنازلت لهدئ لان هدئ تعرفت عليه قبل نور ف هل سبب تنازلت
حيدر::لحد الان جيد الخطة ماشيه
غسق::اي لحد الان ماشية حيدر هسه انت تبدي ترتب الي كتلك عليه
حيدر::خوش هسه اتصال واحد يكمل كلشي
غسق::تمام لحد الان اسمر هسه انت تعيش دور الي خاطب وتمثل كدامهن رايدها وتحبها وبعد من يمك رتبها
اسمر::ماشي عمه
غسق::باجر تكلها حته ع اساس تعقدون محكمة وعقد السيد بيوم العرس ع اساس ومن ترحون تعقدون محكمة كلها اعرفج ع مرت خالي وتلكاني كدامكم بلمطعم

حيدر::شلون ترحين وحدج
غسق::لا مو وحدي باوع اسمر يروح بسيارته واحنه بسيارتنه وراهم نحاول منخليها تنتبه وانت اطب وي جماعتك تكمل العقد واني اضل بسيارة تطلع قبل اسمر ومن نشوفهم طلعو نمشي مسافه عنهم خوش
حيدر::ماشي
غسق::اسمر انت مو تكلها اعرفج ع مرت خالي من تصعدون تتصل عليه تكلي تعالي اعرفج ع خطيبتي بلمطعم واني خالك يوصلني ويكعد ويانه بلمطعم بس ع غير طاولة واني افتح تسجيل فديو او صوت شوف شلون وانتو تجون تكعد شويه رح خالك يتصل عليك غير اسم خالك الئ اي احد من جماعتك وكلها اطلع اجاوبه واجي واني رح ابوك لسانها ويتسجل كلشي
تمام لهنا
اسمر::اي عمه
غسق::حيدر هسه عليك تعلمني شلون اسئل يعني انتو من تحققون وي احد شلون تبكون لسانه وهل سوالف

حيدر::هاي سهله
غسق::خوش اسمر انت كوم جهز نفسك ملابس سوالف مال عقد وجيبلها هدية ع اساس مال عقد يلا روح
وباوع اهلك وخواتك راحو لزيارة اذا تريد تعال بات هنا لان منو يسويلك اكل
اسمر::يرحون وماياخذوني
حيدر::انجب حير بنفسك هسه عوف سوالف المزعطة
اسمر::يلا رايح اني بليل اجيكم
غسق::تمام
حيدر::شنو حسوين عشه
غسق::مادري
حيدر::حيرة
غسق::اي والله
حيدر::تردون من المطعم
غسق::شنطلب تمن ومركة خوب اني اسوي مشاوي ملينه
حيدر::لا مانجيب مشاوي تردين بيتزا لحم بعجين شاورما كص شتردين
غسق::امي ماتكدر تاكل هذا الاكل ف لازم اطبخ شي تكدر تاكلة هيه
حيدر::وشنو حسويلها
غسق::ماادري
صبيحة::يمه تضيفوني يمكم لا
حيدر::تعالي يمه البيت بيتج احنه نطلع وانتي تضلين
غسق::خاب شو تطرد بيه تريد تطلع اطلع وحدك ماعوف امي اني
صبيحة::يمه فدوة لحلكج يابعد امج واهلها
غسق::حبيبت كلبي يمة
حيدر::ها يمه بعتيني علمود هاي ام كرش
صبيحة::والله محد سوه كرشها غيرك
حيدر::شمسوي يمه
صبيحة::شمالك بعد امك حسرة ع البت تتناكر وياك وحطيتها وخلفت جاهل شني بعد امك مامصدك تزوجت
حيدر::يمه غير مرتي لعد
صبيحة::لعد اني ماادري مرتك مو ليش تخليني احجي بلقلم العريض بعد امك
حيدر::لايمة كلشي ولا قلمج العريض
صبيحة::لعد جوز عن البت مو تشوفها تعبانه من الحمل نوب انت تزودها عليها
حيدر::ها غسيقه رتاحيتي هسه
غسق::كلش والله بس امي دواك
صبيحة::شوكت ماايضوجج بس كليلي احركلج عشيرته
غسق::بعنادك امممم
حيدر::حكم القوي ع الضعيف
صبيحة::دكوم كوم اسقي الحديقه بمكان ماكاعد تتناكر وي البت
حيدر::هاي الي ادافعيلها لسه مامفكرة شسويلج عشه
صبيحة::شحارك حمامك هسه عسا ماتنطيني خبز ومي نعمة
غسق::معليج يمه هذا يريد يخرب بيناتنه حسويلج كباب عروك تردين لو ابالج شي غيرة
صبيحة::لا يمه مابالي شي سوي واريد طماطة حمس ويا
حيدر::بدربج دولكة لبن
غسق::تدللين يمه
صييحة::اريد الله يرضئ عليج بنيتي
غسق::كمت سويت عشه لامي وحيدر جاب النه من برة
كملنه عشه وعزلت المطبخ ورحت لغرفتي