الدكتور : ممتاز كده ناخد دم منك موافقه
جونول : اه طبعا
وذهبت جونول مع الدكتور و ظل فريد مع صوفيا
جونول : دكتور طبعا انت هتسحب بحقنه صح
الدكتور : اكيد يعني
جونول : مفيش اي طريقه تانيه لاني مش بحب الحقن
الدكتور : لا مفيش و مش هتحسي بأي وجع خالص علي فكره
جونول : ماشي
دخلو غرفه التحاليل ليأخذو العينه و تأخذ الممرضه من جونول العينه و تبكي جونول و لا تريد لانها خائفه
جونول : طيب ثواني ثواني انتي مستعجله ليه براحه.. هي بتوجع
الممرضه : لا مش بتوجع خالص
جونول : احلفي
الممرضه : احلف ليه
جونول : يبقي بتوجع صح ممكن تديني بنج الاول طيب
الممرضه : مينفعش لاننا عايزين الدم نقي بدون اي اضافات خالص
جونول : لا طيب شوفي بقا طريقه تانيه مليش دعوه
و جونول تبكي و جاء الدكتور اليهم
الدكتور : هو انتي خدتي العينه ولا لسه
الممرضه : زي ما حضرتك شايف بتعيط و مش راضيه تخليني اخد العينه
الدكتور : يا ممرضه تعالي هنا امسكيها مع زميلتك وانا رايح أشوف المريضه
جونول : لا بالله عليك خلاص مش عايزه اتبرع خلاااص
الممرضه : ده كلو عشان انتي خايفه من حقنه يالهوي ده انتي طفله اوي علي فكره
فريد للدكتور : هي فين بتعمل ايه ده كلو
الدكتور : دي بتعيط هناك عشان الحقنه
فريد : بتعيط! طيب انا رايحلها
الممرضه لجونول : خلاص بقا مش بتوجع والله
جونول : خلاص جربيها انتي
الممرضه : هو ايه اللي اجربها انا
فريد : مالك يا جونول
جونول : شوف الحقنه كبيره ازاي مش راضيه تديني بنج
الممرضه : مينفعش تاخدي بنك لازم دم نقي والله
فريد : خلاص خلاص ممكن محدش يمسكها و انتي اسحبي و بس
و امسك فريد يديها و يقول
فريد : بصي في عيني مش في حته تانيه و كل حاجه هتبقي تمام
جونول : يا فريد بتوجع والله
فريد : متخافيش انا معاكي
و نظرت جونول في عينه و امسكت بيديه و عندما وضعت الممرضه الحقنه في يد جونول اغمضت جونول عينها و خافت
فريد : متخافيش انا معاكي اهو
انتهت الممرضه من سحب العينه
فريد للممرضه: خلاص خلصتي
الممرضه : اه الحمد لله ان حضرتك جيت كنا هنتعب معاها اوي
جونول : علي فكره ايدك تقيله و الحقنه وجعتني بقا
فريد : خلاص يلا نمشي بقا
و عاد فريد و جونول الي غرفه صوفيا و جلسو معها و فاتصل تيم علي فريد
تيم : بقولك ايه
فريد : قولي ايه
تيم : شوفت صوفيا اصل تليفونها مقفول و مش بترد و رنيت علي صحبتها مشافتهاش
فريد : اه صوفيا معايا في المستشفى
تيم : مستشفي!
فريد : اه صوفيا وقعت علي السلم فخدناها المستشفي
تيم : طب انا جاي
فريد : تمام
بعد ما اغلق تيم الاتصال قالت له هيڤين
هيڤين : عرفت فين صوفيا
تيم : في المستشفي وقعت و فريد خدها المستشفي وانا رايحلهم دلوقتي
هيڤين : انا جايه معاك
وهما في طريقهما للخروج رآهم احمد وقال
احمد : رايحين فين
هيڤين : صوفيا في المستشفي واحنا رايحين لها
احمد بسخرية : صوفيا دي الغاليه لا لازم اجي معاكو
تيم : مع مين انت جاي هي زيطه
احمد : اتكلم من هنا للصبح انا جاي معاكو
تيم : استغفر الله العظيم يا رب ارحمني من القرف اللي انا فيه
قالت صوفيا لفريد
صوفيا : بتقوله ليه ؟
فريد : عادي
صوفيا : ايه اللي عادي هيقلق يا اخي حرام عليك
فريد : هو جاي هيطمن عليكي و خلاص
صوفيا : انا عايزه اخرج من هنا
فريد : معرفش ليه كل اما اجي المستشفي يكون العيان عايز يخرج بسرعه اكترهم جونول
جونول : هو انت لازم تضايقني و خلاص في ايه بقا
فريد : مفيش ولا حاجه خالص
صوفيا : انتو الاتنين مينفعش تقعدو مع بعض ابدا
فريد : لا علي فكره قعدنا سوا لوحدنا كتير
صوفيا : فين بقا
جونول : اسرااار
بعد كده من الوقت
و وصل تيم و هيڤين و احمد
تيم : مالك يا صوفيا
فريد : تصدق نسيت اسألها اللي حصل
صوفيا : كنت في الجامعه عادي و كنت دايخه اصلا بس كان في واحد بيضايقني بس مردتش عليه بس كان بيمشي ورايا المهم معرفش اللي حصل تاني ووقعت علي السلم صحيت لقيت نفسي هنا
تيم : تعرفي الواد ده
صوفيا : لا
تيم : اكيد فاكره شكلو
صوفيا : لا بردو
تيم : ازاي يعني انتي اتخبطي في دماغك اوي ولا ايه
صوفيا : لا انا مبصتش في وش الواد اصلا
فريد : خلاص انا هكلم اي حد في الجامعه يراجع كاميرات المراقبه
تيم : تمام و ابقي عرفني مين هو
فريد لجونول : تليفوني معاكي صح
جونول : اه خد اهو
و يتكلم فريد مع حارس الجامعه و يعرف من فعل هذا بصوفيا و ارسل فيديو حادثه صوفيا لفريد
فريد : انا عرفت مين هو و الحارس بعتلي الفيديو بتاع صوفيا لما وقعت
تيم : تمام ابعتلي الفيديو
فريد : تمام بعتو
جونول : هعمل مكالمه واجي تاني
خرجت جونول
تيم : دي صحبتك يا صوفيا
صوفيا : لا صاحبه فريد
فريد : انا عايز اعرف انا عملتلك ايه يعني
صوفيا : انا قولت حاجه غلط
تيم :مين دي يا فريد
فريد : دي جونول
تيم : اتشرفنا مين بردو
فريد : طالبه عندي و صديقه بردو
تيم : اهااا قولتلي صديقه
فريد : اه صديقه يا استاذ تيم ركز في حالك
هيڤين : ما خلاص يا عيال صدعتو صوفيا
فريد : انتي بقا نسيتي عيالك و لقيتي لنفسك واحده رخمه
هيڤين : احترم نفسك دي مش واحده رخمه دي بنتي الصغننه
فريد : خليكي انتي و بنتك سوا انا خارج
تيم : اه اخرج شوف صديقتك
نظر له فريد بغيظ و خرج
تيم : شكلو بيحبها
صوفيا : ليه يعني
هيڤين : انتي مش عارفه فريد لسا عمرو يا يثق فحد و تليفونو ده انا ما امو مش بيعينو معايا
صوفيا :اصلا انا لما بكون في الجامعه تليفون فريد بيكون طول اليوم اصلا مع جونول لما بيكون عايزو بيروح ياخدو منها و كده يعني و بيعين معاها كل حاجته
تيم : اه كنت حاسس
فريد لجونول : بتكلمي مين
جونول : دكتور محمد
فريد : دكتور محمد !! ده ليه
جونول : عادي
فريد : بتتكلموا في ايه يعني
جونول : مش في حاجه مهمه يعني بيقولي مشيتي ليه في نص اليوم و بيطمن عليا بيقولي انو هيوصلني بكره الجامعه
فريد : هيوصلك بصفتو مين
جونول : عادي يا فريد صديق ليا
فريد : صديق! وانا ايه يا جونول
جونول : صديق بردو
فريد : يعني انتي بتساويني بيه
جونول : لا انت اعز صديق عندي هو صديق بس
فريد : اه ريحتيني المهم تعالي يلا جوا
جونول : تمام
دخل فريد و جونول لغرفه صوفيا و جلسو معهم و يتحدثون جميعا و دخل عليهم شخص
هيڤين : راكان بتعمل ايه هنا
راكان : لما عرفت ان صوفيا تعبانه جيت بما انكو محدش قالي يعني و عرفت صدفه
هيڤين :معلش نسينا نقولك
راكان : هو انتو عمركو افتكرتوني اصلا... علي العموم الف سلامه عليكي يا صوفيا انا ماشي
وخرج راكان وخرجت هيڤين وراءه
هيڤين : راكان استني
وتحدثت هيڤين مع راكان و غادر راكان و دخلت هيڤين الي صوفيا
صوفيا : انا عايزه اخرج من هنا مش مرتاحه خالص عايزه اروح البيت
هيڤين : تمام هروح اكلم الدكتور
و اخذت هيڤين اذن خروج ل صوفيا و ذهب تيم و صوفيا و هيڤين الي بيتهم و فريد يوصل جونول لبيتها
فريد : ما ترجعي بيتك بقا
جونول : ما ده بيتي
فريد : انتي فاهمه قصدي ايه
جونول : انا مش عارفه اتعامل معاهم ازاي كل اما اشوفهم او افتكر الموضوع بتعب و بحس ان هيغمي عليا
فريد : اتعاملي معاهم بالطريقه اللي انتي شايفاها
جونول : هتعب والله لما اشوفهم هيغمي عليا
فريد : مش هيغمي عليكي انتي بتوهمي نفسك بكده ارجعي بيتك بقا و خلاص
جونول : ما ده بيتي بردو
فريد : انا مش مطمن وانا سايبك لوحدك في البيت كده
جونول : في حراسه بره
فريد : انا بردو مش مطمن اسمعي كلامي المره دي و ارجعي
جونول : يا فريد...
فريد : خلاص بقا هترجعي هوصلك و امشي
جونول : تمام
وصل فريد جونول لبيت العائله
فريد : اهو وصلنا
جونول : تعالي ادخل
فريد : لا لازم اروح البيت
جونول : لا خليك معايا شويه بس عشان اضمن اني مش هتعب
فريد : مش هتتعبي والله.....
جونول : عشان خاطري يلا
فريد : تمام
دخلت جونول و فريد للمنزل
ماريا : الحمد لله انك رجعتي كنتي فين
جونول : معرفش
ماريا : ازاي متعرفيش يعني
جونول : معرفش يا ماما مش عايزه اتكلم
ماريا : تمام براحتك تحبي تاكلي عملتلك الاكل اللي بتحبيه
جونول : لا مش جعانه
فريد : لا انتي مكلتيش كلي يلا
ماريا : خلاص هجهز الاكل ليكو انتو الاتنين
فريد : لا انا مش جعان
ماريا : لا هتاكل
جونول : اه هتاكل ما انت مكلتش انت كمان
ماريا : خلاص هجهز الاكل بقا
و جهزت ماريا الاكل ووضعته علي السفره
ماريا : تعالو يلا اتفضلو
و تاكل جونول و تنظر الاكل بحزن
جونول : ليه كده يا ماما حرام عليكي
ماريا : ايه يا روحي في ايه
جونول ببكاء : ليه عملتي فيا كده ليه خبيتي عني
ماريا : مكنتش هقدر اشوفك زعلانه ابدا يا روحي
جونول : انا تعبت والله من كل حاجه حوليا
ماريا ببكاء : انا اسفه اوي يا جونول سامحيني
وقامت جونول و حضنت ماريا و قالت
جونول : خلاص يا ماما خلاص متعيطيش
ماريا : والله ما كنت اقصد حاجه وحشه انا بس كنت عايزاكي تنسيهم مكنتش عامله حساب يوم زي ده
جونول : خلاص يا ماما انا مسامحاكي خلاص بقا
ماريا : ماشي تمام اهو
ومسحت ماريا دموعها و قالت
ماريا : خلاص بقا انا هأكلك زيي ما كنت بأكلك وانتي صغيره
جونول : ماشي
فريد : اخيرا عوده العلاقات
ماريا : يلا كل يا فريد ولا آكلك انا
فريد : ده شرف ليا والله بس انا بعرف اكل مش زي بنات صغيره كده
جونول : لا أكليه بقا طالما بيتريق عليا
و ظلو يضحكون و يمزحون مع بعض حتي جاءت سوزان
سوزان : بنتي وحشاني والله كنتي فين
جونول : ملكيش دعوه و ابعدي بعيد عني
سوزان : احنا لازم نقعد كلنا نتكلم في الموضوع ده و اللي هتختاريه هو اللي هيتنفذ بس نكون كلنا قاعدين حتي انت يا فريد خليك
جونول : تمام خلينا بعد اما آكل نتكلم
سوزان : تمام يا حبيبتي
فريد : انا مش قادر آكل تاني خالص
جونول : انت لسه مخلصتش طبقك
فريد : لا مش قادر المهم انا لازم امشي
جونول : خليك معايا لما نشوف اللي هيحصل عشان خاطري
فريد: تمام
ثم تجمع الكل و ظلو يتحدثون عن ما سيحدث بعلاقتهم
سوزان : احنا لازم نحل كل المشاكل اللي بينا و انا ببتدي بإعتذاري للكل وانا اسفه اوي يا جونول و يا عمر علي كل حاجه عملتها فيكو وانتو صغيرين
جونول : لا المفروض كده اسامحك
عمر : خلاص يا جونول في ايه
جونول : لا مفيش حاجه يا عمر اتبرو مني وانا صغيره وانا هتبرا منهم وانا كبيره
عمر : حرام اللي بتعمليه في نفسك و فينا ده
جونول : لا مش حرام اللي حرام هو انك سامحتهم ، وانا تعبانه في المستشفي كنت شايله همك انت هقولك ازاي وانت اصلا ولا همك حاجه
فريد : اهدي احنا بنتكلم براحه
جونول : بصو كلكو ملخص كلامي انا حاليا نفسيتي تعبانه ف ياريت تروحو بيتكم وانا فتره بس استريح من كل اللي حوليا وانا هاجيلكو برجلي لحد عندكو و هتقبل الوضع وقتها
جواد : بس يا جونول.......
جونول : مفيش بس هتحترمو القرار ده اهلا و سهلا مش هتحترموه انا همشي و محدش هيشوفني تاني خالص
سوزان : تمام يا جونول احنا هنستناكي لحد اما نفسيتك ترتاح
جونول : تمام هتروحو بيتكم امتي
جواد : هناخد حاجتنا و نمشي انهارده
جونول : انتو ساكنين فين اصلا
جواد : في مصر
جونول :يعني انتو جايين من مصر
جواد :اه
جونول : عندي سؤال بس هو انتو الاتنين بس اللي من عيلتي ولا في ناس تانيه
جواد : لا ليكي عائله كامله و عندك جد و جده و اعمام و عمات و خالات و عندك اخت صغيره
جونول : ايه اخت اصغر مني
سوزان : اه عندك اخت اصغر منك
جونول : اسمها ايه
سوزان : اسمها.......
ـــــــــــ♡ــــــــــــ♡ـــــــــــــ♡ــــــــــــ♡ــــــــــــــ♡ــــــــ
𝑯𝒂𝒃𝒊𝒃𝒂 𝑨𝒍𝒊
متنسوش تقولولي رأيكم في الكومنت ♡
أنت تقرأ
كِلانَا يَسكُن الآخَر
Любовные романыكلما نظرت إليك ، قفزت في رأسي جمله اعرفها : " يوجد علي هذه الارض ما يستحق الحياه" انا لم اعد احبك اظنني تجاوزت فيك الحب♡
