طبعا صاحبة المشاركة أو المصارحة بعثت كم كبير من الرسائل لهذا نسختها وخليتها متسلسلة حتى لا تضارب الأفكار عدكم
البداية👇
راح احاول اوضح علاقتنا ، هي بداية اني وياه على كروب ف اني دخلت على حساب عمود مشكلة صارت بوقته عركة ، هو دافعلي كام ينشر على مناظر وكتابها وبالكروب اني أعلق وتفاعل ،صارت مشكله مره الخ بيني بين العائلة الكريمة بوقته نشرت حزن كالي شبيج سوالفته بدينه جان كل يوم من 9 الصباح جان يتعدى والعصر والليل نحجي أشكال بس ما حجينا لا شكل أحد ولا شيء هو ما يحجي عنه جان بس عرفت اسمها من محافظتي بس لي اعرفهها تخيل
بس الاسم ومحافظة مالتي اني بديت احاول المح لها اغار تعارك لي تكول احد شيء حلو ، بس هو حساب كلام صديقتي جان يحب ابنيه اتوقع بنت خالته ما حجيني والله وداعة كل حرف من عرفت بيه يحب ابتعدت حاولت حاولت بس بنفس الوقت اكو سبب ارجع هو هم جان ما يعوفني والله اكثر من الف مره حضرت جان يدز على كروب سوالف بيه كالي افتحي اني من شفت هذا حبيته وين ابنيه 3 اخوان ما يدرون عنه شيء وامه وابوه ما يفهموا هيج لكيت
لكيت حنيه طيبة شهامة حل مشاكل يعني جان نعم الاخلاق حرفيا ، جانت اكول احبك ك اب اصيح لها باباتي (ادري يعتبرونا هسه كرنج بس توصل فكرة ) يكالي انيهم جانت فراشات معدتي والهسه ، من افترقت عنه حلفت ل اهلي ارجع مره الخ انزل برنامج بوقته كتلوني لان ما يقبلون اقره روايات ما يعرفون اني احب بس واحد انتبه اتوقع فرع محادثه ما جان بيه شيء والله يعني نكتلت صحيح بس لو غيري جان موتها جان على الدين على كتاب
على ناقشات على جامعه تخصصات ما بيه شيء من عرف اخوي جابني كتاب ودفتر بديت اكتب بدفتر اغلب كلام مو مفهوم ليقراه لان اكتب بخط اعوج حتى ما ياخذوا دفتر ويشوفون شكتبه ، جانت اتعذب ما انام لليل شكد حاولت اتوصل وياه ما اكدرت ما اكدرت حرفيا بس من صارت ثالث متوسط اتوقع أو نجحت من ثالث ما ادري ما تذكر جاب أبوي تليفون اني وياه مع مراقبة ما اكدرت انزل لحد ما وصلت سادس وعدت قبل دورات نزلته جانت اتمنى اشوف حساب
ما سامحتهم اهلي لان بسبهم هيج صارت محد كال خلفوني مالتهم ما تسمح مشكلهم ما تخلص هم ما تكول ماعدهم لا عدهم 3 ولد اني بعد 11 سنه يلا اجيت امي من احجي وياهه تعيط بوجهي ، تكالي راسي يوجعني أبوي جان ما اشوفه بس وقت الاكل واخواني اصلا مالهم علاقه ،مشاكل مع عمامي ما يخلون بناتهم يلعبون ويايه لان متعاركين وياه امي وابوي وبيت خوالي بعيدين كلش عنه ما اشوف بس مناسبات خلاني كله اروح لها جانت افضفض هيج عبالك
عبالك احجي وياه روحي جان كلامه يخليني انسى كل شيء واضحك بنفس الدقيقة ما انتهبوا اكيد هم اهلي لي الا بعد فتره جبيرة من تعرافنا من حبيتها وصلت مرحلة الادمان وياه ما سامحتهم الاهلي ادعي مرات يموتون ما احتواني ما خلوه غيري يحتوني خلوني احبها وبعدوني عنه بنفس الوقت ولو اتوقع هو ، ما حجيني ،ما مصارحني ما يحبني او ينقهر عليه لان تعيش هيج وضع اني جانت اشوف الامان حرفيا من عرفت بيه يحب بنت خالته
ابتعدت هو يرجعيني يكالي تعاي انجبي دنجحي كلام يخبل جان يحجيها تزعل وتدلل ويكالي تامريني تدللي شعندي غير اميرتي، هسه حيصير لي 5 سنوات ولا مره رسلته ولا دخلت ل واتباد عدا هي مره دورات على صديقاتي وعلى بنات وحاولت احجي وياه مشرف من كروب بلكن يعرف عنه ما اعرف شيء يكالي ماكو ، اصدقاء كتبت على حساباتهم وكتبت بكتابها ماكو هو ، احب اكول الاهلي امداكم على هيج تربية
بيوم قيامة هناك عود نتشاوف هسه ما اكدر احجي لهم هل الكلام ، لان هم يحسسون يسوون صح ما يدرون هم غلط خلوني هم التهي عن حياة واروح لها مو مشكلتي حبيته ما تحكمت بمشاعري ولا مشكلتي كانت ثقتهم طبهم مرض ان شاء الله كل واحد يربى بنته هيج وجع فوق وجع اكتبسوا اطفالكم لتخلوهم يصيرون مثلي اني او يمروني بفتره من مريتها ( هذا قليل من كلام ماعدا جانت اشكك ايدي بالموس اشرب حبوب جانت اي دواء أشربه ما يدرون هم لان
مراقبة اكيد ما يعرفون شسوي حتى من عرفوا عندي واتباد وتراسل عبالك اهتموا لو حاولوا ينسوني اللهم اخي كام يجيب لي كتاب بس ، هسه الهسه احاول اطمئن قلبي هو يتذكرني وما ناسيني هي فتره اذا الله كتبها راح نرجع اكيد مو اهلي بس مرات افكر بواقع حال بعدني الله عنه لان هو يحب بنت خالته يمكن ، اني حبيته ، ما اعرف عن شيء بس الاسم ومحافظه وكتاب انطيني تحقق منه هذا هو شخص نفس اذا فد يوم جاء كالي اني هو نفس شخص
اما وين وابن منو شنو هو يشتغل ، او مادري شنو ما اعرف ، جانت علاقة تجنن نفس حب قبل لا صوره ولا صوت بس كتابه تشبه مراسل الورق تجنن بمعنى كلام ، اني راح ابقى أكمل سادس وكلية ،واذا تزوجت راح انسى بس ما راح يروح بالي اكيد راح اسمي ابني على اسمه لان الحب لي احس نفس شعور لهفه من نزلت واتباد ، عبالي لكه دمعتي رجفتي ما يهمني اهلي اذا عرفوا من نزلت يمكن يقتلوني ، ما اهتميت اهتميت بس اسمع خبر عنه يطمئني
اذا تزوج اكيد راح يبقى اخ عزيز وسند بس المهم يبقى فرحان ما اريد شيء حتى هذا الاحتمال فكرت بيه ،ما اريد بس رسالة ، اذا لكيته صدكيني شفت من عنده ولو كلمه ابيع اهلي واشتريها عسا لو 4 يكعدني بغرفه لا بيه ذهب ولا خشب ولا يجيب اطفال ولو معوق ما يكدر يمشي هم راح يبقى بنفس الحب نفس لهفه هي قصتي وياه اتمنى ما ضوجتكم بقصتي بس حبيت احجي بيه لحد ، ما حبيت اموت اني محد يعرف عني هذا سر حتى لو ما عرفوتوني
أتمنى وضحت لعلاقة اطلب بس دعاء اذا ميت بهل 5 سنوات اموت وراه ، اذا أعيش ما يتذكر حتى اسمي ناسيني من راح ارسلها ما يعرفني حتى قبل ليصير هذا موقف آموت اهون ، لان اذا كالتلها اسمي وكالي ما عرفتج راح انهار واني بنيت 5 سنوات كل تخيلات بكل اغنية هو وبشكل صلاة وبكل حزن بكل فرح هو موجود بنهايه خيبة على اقل اموت اني قلبي ما مكسور والهسه يحس هو يتذكرني كل ما يكول بنيتي حبقى اني مو بنت أبوي ولا بنت امي
بنتها هو ذاك شخص لي احتواني وما خليني انسى بل 5 سنوات! اهلي لو بيدي اصلا اعتراف ما اعتراف بيهم ، اما ذاك بس اسمها خليني امشي واني افتخر بثانيه حجيت وياه مو دقيقة!
الجواب
👇
بس انتي عشتي خيال واسع الحقيقة مو مثل التواصل هواي ناس حقيقتهم تختلف بالحياة الواقعية
وهاي سالفة حبيت حنيته ما تصرف بالتواصل الاجتماعي كلنا بدايتنا نكون سلسين وطيبين حتى نوصل لمغزانا
نفترض اني الشخص الي تحبيه مستحيل اقدم الج مشاعر بدون ماشوفج يمكن ماحب شكلج
متعجب على شباب تعبر بمشاعرها لشخص مجرد بيناتهم احرف هسة لو صداقة عادي نكول والله مجرد صداقة سطحية واحد يفضفض لثاني بس حب ماقتنع
وانتي شلون تحبي شخص ماشايفته ولاتعرفي عنه شي وآلله مجرد باعث الج صورة عجيب امرج عزيزتي حب مال قبل اصلا بدايته نظرة وعشك ويتعنا ويتانيها يم أهلها حتى بلكي تطلع حتى يشوف حبيبته اخذهيا من عايش هيج قصة 😄
وثاني شي لا تصوري انتي مظلومة بحياتج من اهلج ترى اغلب مجتمعاتنا هي طابعه محافظ يعني البنية تزوج يلا
يصير عندها شويه حرية بلبسه أو طلعتها وهم تعتمد على زوجها طبعا
بس على فكرة اهلج يحبوج مايكرهوج لو مايحبوج جان خلوج تمشي بطريق اعوج أو يزوجوج من صغرج أو حتى مدرسة يبطلوج بس هم كلش زيننين وياج والدليل جاي يخلوك تكملي دراستج حتى توصلي مكانة بالمجتمع هواي بنات غيرج تخلص ما مكملات ابتدائي خطية احمدي الله على هاي النعمة
ترى ماكو احد يضوج من ضناه بس يمكن ما يعرفون يوصولن الج
المهم اتمنى تكوني مهتمة بحياتج ومستقبلج وسلامي
حبايب لاتنسون المشاركة الي عنده إضافة
