غياهب ايهم 1310

بارت 52

صــوتـــو
عــلـــقـــو

السلام عليكم بنوتاتي اعذروني بس حيل مريضه وجهي كلش منفوخ جان بسبب رحاتي بحيث حتى

عيني طفت صرت بالون بس نص منفوخ 🤣💔 تعالجت وهسه زينه الْحٍمَدٍ للـّہ وخف الورم وعيني

فتحت وصارت زينه وهذا البارت ان شاء الله يعجبكم وكل عام وانتو بخير. ان شاء الله

ينعاد عليكم بالصحه والسلامه وتحقيق الاماني كون السنه لتجي بنفس الوقت كلكم محققين الي تردو

وطبعا سويت الكم البارت طويل تعويض واكو مفاجأه هم راح بس مو هسه بعد شوي ❤️ احبكم

كيكات 🎀🐍

مرسل; انجبي لج شني مرسولي لَآ اجيج

سارة; دنجب بس كلي منو هو عليك الله

مرسل; اكلج بس اذا سمعتج حاجيه اكسر راسج

سارة; والله ما احجي بس كلي سكت شوي واني حبست انفاسي اريد اعرف منو هو

مرسل; حكيم اخو ابتسام

سارة; شهكت بصوت عالي واردفت شنووووو حكيييم خالييي عاط بيه مرسل

مرسل; ومرض طرشتي اذني صوتج والله لو سمعج احد اتبره منج واكلهم هي خطفتني وخلتني احجي

سارة; بس اوكف مرسل بس اوكف خل افتهم شنو اخو امي شنو خالي شجاي تحجي والله مجا افتهم

فهمني وحدة وحدة ..

مرسل; مو هسه أبهر يدك عليه بس لا حس هذا عده رادار باي باي

سارة; بس اوكف مرسل عافني وسد الاتصال بوجهي ضربت جبيني ما مصدكه كلام مرسل احسه يجذب

عليه ويحجي هيج حتى يسكتني ويسكت اسألتي خليت اصابعي بفمي اقرض بيهن ما مصدكه بكلام

مرسل خاف يجذب عليه امي ما عدها اخوان منين اجه حكيم شلون اخوها شلون بس فهموني شجاي

يصير فهموني باوعت لميامين وضربت نفسي بس لا سمعتني صرت اتفحصها بنصري شفتها بسابع نومه

تنهدت براحه الحمد لله ما اريدها تسمعني ل6 الصبح واني احوس بفراشي عيني ما شافت نوم وفكري

كله بكلام مرسل لطاني صدمه وراح ما فهمني صدك لو جذب كلامه حاولت ادك عليه هواي بس جان

جهازة مغلق لو مشغول وي منو ديحجي وي منو وعايفني بصدمتي يارب ما جاي اتحمل هواي

صدمات ليوم اخذتها من امي ومن ميامين ومن أبهر ومرتضى السكط هسه شنو اسوي وين اروح منو

يحجي ويكلي الحقيقة اخاف اسأل ابويه اخاف اصلا اطلع من لغرفه بعد لي شفته من امي لبارحه

اخاف اطلع وتهجم عليه لحد هل لحضه من تغمض عيني اتذكر شكلها وشلون تضحك وتصيحلي

ومن رفعت لسجين بوجهه ابويه وتهدد بنور بالقتل
اخخخخ تعبتت ما ادري شلون كدرت تغمض عيني