U
_
အသေးစိတ်မှတ်ထားသောအချိန်ဇယားတစ်ခုကို ရှကျစ်ကွမ်းအပေါ်ယံမျှသာကြည့်သော်လည်း နာမည်တစ်ခုကိုထင်ရှားစွာတွေ့လိုက်လေ၏။
"ချန်ယဲ့စားသောက်ဆိုင် "
"ဟုတ်ပါတယ်ဆရာ ရှောင်းလဲ့ဟူ အဲ့ဆိုင်ကိုသွားလေ့ရှိပါတယ် တစ်ပါတ်ကို သုံးလေးခါလောက် "
"သူက အဲ့ဆိုင်ဖောက်သည်လား "
"ရှောင်းလဲ့ဟူအဲ့ဆိုင်ကို အမြဲဝင်ထွက်သွားလာနေတာက စားသောက်ဖို့မဟုတ်ပါဘူး ၊ အဲ့ဆိုင်ပိုင်ရှင်ဟွမ်ကျွင့်ကျယ်ဆီသွားတွေ့တာပါ "
ရှကျစ်ကွမ်းကိုအတွေးတချို့က ရှုပ်ထွေးသွားစေသည်။
[သူနဲ့ ရှောင်းလဲ့ဟူက ဘယ်လိုဆက်ဆံရေးများလဲ တအားရင်းနှီးနေတာလား]
ချီလျန့်က ဆက်ပြောလေသည်။
"အစကတော့ကျွန်တော်က သူတို့ကြားဆက်ဆံရေးကို စုံစမ်းခဲ့သေးတယ် ဒါပေမယ့် ဟွမ်ကျွင့်ကျယ်က နောက်ကြောင်းရှင်းတယ် .."
ချီလျန့်က သူ့စားပွဲပေါ်က စာအိတ်တစ်ခုကို ရှာလိုက်ပြီး
"ဒါက ဟွမ်ကျွင့်ကျယ်ရဲ့ ကိုယ်ရေးတွေပါ "
ရှကျစ်ကွမ်းထိုစာအိတ်ကိုသေချာယူပြီး ဖွင့်မကြည့်သေး။ ဒါကို သူသိချင်ရင်ဘယ်ချိန်ဖြစ်ဖြစ်ကြည့်လို့ရပါတယ်၊ သူတို့နှစ်ယောက်ဆက်ဆံရေးကို သိချင်စိတ်ကသာပိုမိ၏။
ချီလျန့်ဆက်ပြော၏။
"ပြောရမှာထူးဆန်းနေပေမယ့် ရှောင်းလဲ့ဟူ အဲ့ကိုသွားသွားနေတာက ..."
"ဆက်ပြောလေ "
"သူက .. ဟွမ်ကျွင့်ကျယ်ကို သဘောကျနေလို့ပါတဲ့ "
ရှကျစ်ကွမ်း၏ မှင်တံကိုင်ထားသော လက်များကတင်းကြပ်သွားသည်မှာ ကျိုးကြေကုန်တော့မည့်အလား။
"ရှောင်းလဲ့ဟူကို ကြည့်လိုက်ရင်ဘယ်လိုမှ အဲ့သလိုလူမျိုးလို့မထင်ရပါဘူး ဒါပေမယ့် သူက ဟွမ်ကျွင့်ကျယ်ကိုသဘောကျကြောင်း တစ်မြို့လုံးသိအောင်ဖွင့်ဆိုထားတာ အလွန်ကြာပြီပြောပါတယ် "
အလွန်ကြာပြီဆိုသောကြောင့် ရှကျစ်ကွမ်းမျက်မှောင်ပိုကြုတ်လာတယ်။ ဒီအတိုင်းဝင်ထွက်သွားလာနေပုံရရင် ဟွမ်ကျွင့်ကျယ်က သူ့ကိုလက်ခံထားတာလား။
သူတို့နှစ်ယောက်က အပြန်အလှန်သဘောကျနေကြပြီးသားလား။
YOU ARE READING
ꜱᴛᴏʀʏ [ZhiJun]
Fanfiction~လေပြေတွေကိုခံစားလို့သာရခဲ့တယ်မဖမ်းဆုပ်နိုင်ခဲ့ဘူး~ Fanfiction တစ်ပုဒ်သာဖြစ်လို့ မည်သူကိုမျှထိခိုက်စေလိုခြင်းမရှိပါ။ main role- Xia Zhi Guang ; Huang JunJie start in - end in -
![ꜱᴛᴏʀʏ [ZhiJun]](https://img.wattpad.com/cover/368781270-64-k398643.jpg)