هلو شلونكم وعدتكم قبل مده كلش طويله اكمل هاي القصه بس بعد بدت المدرسه وماكدرت الحمدلله كملنه هذيج القصه وبقت بس هاي راح اتفرغ الهه يله بدون مقدمات نبدي ......
......... بسم الله الرحمن الرحيم..........
ـــــــــــــــــــــــــــــــــــــــــــــــــــــــــــــ
رقيه
......
هلو اكيد امي عرفت علي شوي بس راح اعرفكم علي بتفصيل راح ابدي بشكلي.. انه طويله وحنطاويه
جسمي حلو عيوني كبار ورموشي كثيفه حلكي صغير وشعري طووويييل طبعا راح اكلكم شعري نقطة ضعفي لان ماما كلش تحبه
فما اقصه المهم اني البنيه الوحيده الامي وكلشش قريبه منهه عندي ثلاث اخوان بس واحد توفه الله يرحمه وخواني الثنين اصغر مني بسنتين وره الضيم
الي شفنا بيت جدي خواني كلهم شخصيتهم ضعيفه
عداي لان انه ماحب واحد يفرض كلمته علي وهمه كلش يكرهوني ع كره امي وزاد كرهم الي من كملت دراسه لان همه عدهم خط احمر البنيه تكمل دراسه
وبنات عمامي وعماتي كلهن لحد سادس بتدائي ويبطلن انه بطبعي مااحب اعاند ولا احب واحد يعاندني بس احب اسوي عكسه تكدرون تكولون خباثه 🙂
كالو ماكو تكملين دراسه وكلهه وكفت بوجهي بحيث جانو يضربوني وصلت حتى يودوني الى المستشفى من الضرب وحتى امي جانت تكلي بطلي لا يسون بيج شي بس انتي وخوانج بقيتولي
بس انه ردت اكسر القاعده حتى وصلت عندي اشرد من البيت واروح للمدرسه وكل يوم على هل حال
وجانو يوميه يضربوني واتحمل وضلو يحركون
ملابسي مال المدرسه
رغم المعاناة الا ان انه كملت دراسه والحمدالله صرت محاميه دورت ع شغل مالكيت هواي محاكم وهواي مكاتب مال محامين رحت الهم بس ماصارت
مره كالعاده جنت طالعه من احد المحاكم الي رفضوني جان سنه 2019 طبكت يمي سياره سوده مبينه فخمه نزلت منهه بنيه تبين تقريبا اصغر من امي اول ماتعرفت علييه ماقبلت تكول اسمهه مع الوقت عرفت اسمهه
ساميه بس احنه نصيحلهه ام محمد صاحتلي حتى اصعد وياهه بالسياره..
ام محمد... انتي اسمج رقيه؟ وجاي تدورين ع شغل؟
رقيه.. نعم انه. بس منو وياي؟
ام محمد.. انه تكدرين تكولين اجيتج رحمه من الله
رقيه.. عفوآ بس منو انتي وشنو رحمه من الله؟
ام محمد... انه عندي شغل ورايده محاميه وسمعت عليج نفس المواصفات الي اريده
رقيه... وشلون عرفتيني؟
ام محمد.. تعالي نصعد بسياره ونسولف الشمس كتلتني
صعدت وياهه لسياره ورجعت عدت السؤال عليهه...
رقيه... تفضل احجيلي شلون تعرفيني وشنو هنه المواصفات
