رقيه
....
شوي واجو خواني وسألو ليش هيج الجو متكهرب وكتلهم معليكم انتم كالعاده صارت مشكلهه انتم اريدكم تركزون ع دراستكم ولا تهتمون لشي ثاني
ضلينه كاعدين بالغرفه محد تجرأ يصيح لمي تنضف
صار اليل وصيت اكل من بره ونزل حيدوري اخذ الاكل اكلو و واحد راح نام واحد راح يكمل دراسته ماما،نامت وانه ضليت افكر بكلامهه
وفكرت بالي صار اليوم ممكن باي لحضه يطردونه من البيت وين اروح و وين اودي اهلي طلعت رقمهه وراسلته وكتلهه "موافقه اشتغل وياج"
ماطولت دقيقتين وردت علي ودزتلي عنوان وكالت
"تمام باجر تعالي ع هذا العنوان حتى نتفاهم ع كلشي ساعه 8"
سديت النقال وانه ادعي يطلع شغل بي خير واكدر امن مستقبلي ومستقبل اهلي عفت النقال ونمت
كعدت الساعه 6 لان الموقع شوي بعيد كعدت امي وكالت.... شيماءء... وين رايحه يمه
رقيه... ماما كالعاده ادور ع شغل ان شاءلله الكه
شيماء.. ان شاءلله يمه روحي وديري بالج ع نفسج
رقيه... تامرين امر
عفتهه ورحت سبحت وبدلت وطلعت من باب البيت لكيت سياره منتضرتني بره البيت بس طلعت نزل علي واحد وكال تعالي وياي الاستاذه دازتني
صعدت ويا وانه ما اخفي عليكم كلش خايفه وصلت المكان كانو بيتت جبيير بمعنى الكلمه نزلت من السياره ونزل وياي السايق ولحكته دخلت للبيت جان بكد بيت جدي الخابصينه بي يمكن بعشر مرات قصر
دخلني لمكتب جانت كاعده بي ام محمد سلمت عليه وكعدتني يمهه وجابت الي عصير بدينه نحجي ع الشغل
رقيه... من فضلج اشرحيلي شنو شغلي بتفصيل
ام محمد... قبل ما ابدي شنو الي غير رأيج
رقيه... صارت امس مشكله تغير كل تفكيري
ام محمد... اممم يله راح اشرحلج وانتي ستمعيلي
انه هنا مديره كل الشغل احنه كدام العالم نشتغل كشركه عاديه تشتغل بالعقارات بس احنه تكدرين تكولين عصابه لتوعيه الناس شغلج راح تمثلين دور ممثلة الشركه بس انتي كجاسوسه بين الشركات شغلنه نروح ع الشركات والأشخاص الي عدهم فساد وننصحهم بطريقتنه مشو بالنصيحه خير ع خير مامشو نستخدم شي ثاني
رقيه... شنو هذا الشي
ام محمد... القتل طبعا شنسويلهم لعد نشجعهم
رقيه... هااا وتردين مني اشارك بقتل الناس
ام محمد... مو اي واحد بس الفاسد وطبعا يستاهل القتل وهذا الشي ضمن شغلتنه يعني القانون موافق علي انتي راح يكون وياج هم ممثل الشركه ثنيناتكم
راح تكملون مهامكم سويه بعدين تلتقين بي وهاي مو بس انتي هيج منو يشتغل وياي يكون ماراغب الشغله وتكون صعبه عليج بس بعدين تتعودين وماراح تكدرين تعوفين هاي الشغله اذا موافقه هسه
