هلا بنات ومثل كل مره نشر
بين يوم ساعه1:1ليلاً
احبكم ستمتعو لؤلؤاتي
↓_↓
ه
هلي. ماكاتل بشر انه بيا ثار مطلوب..
__________________
جنار : خلص الدوام وطلعت اتمشى وحدي للبيت مشيت شويه وفتت بفرع حسيت صوت دراجة وراي كلبي نخزني وحيل خفت بس ما لتفت وسرعت مشيتي اني اخاف من كلشي يصير وياي بسبب الاحلام الي احلمهة الدراجة صارت قريبة مني وماحس غير نكفخت على راسي اني شهكت ويا الكفخة باوعت هذا ادم زفرت نفس براحة وكتلة وثولل بجاه الله وكفتتت كلبي يمعودة
ادم: هههههه اوي صمالله على كلبج بنيتي يلة صعدي
جنار : لا بداعت الله والله تعبانه مبية حيل
ادم : هوا انتي مو مال عيني واغاتي تحبين النعل مو بالله صعدي اخفف السرعة لاتخافين
جنار : كول والعباس
ادم.: وداعتج اخفف صعدي
جنار : لا كول والعباس
ادم : عمي والعباس اخفف صعدي خلصينييي
جنار : تمام يلة بس اذا ما خففت العباس يصطرك دير بالك
ادم: اي بس ناقص يصطرني العباس حتى صدك يطيح حضي
جنار : هههههه مشى وصلنة للبيت فتت لكيت امي ورفل مرت اخوي بل مطبخ سلمت وكعدت بدون ما اغسل لان حيل تعبانه
جنار : سلام عليكممم
ام علي رفل: وعليكم السلام
ام علي : يلة كومي غسلي وتعالي تغدي
جنار : ماشتهي نفسي مسدودة
ام علي : شبلاج ولج يمة حتى ريوك هم ما متريكة امشي تغدي راح تفطسين من الجوع
جنار : مكدر نهائياً نفسي حيل لعبانة اني من اجوع اسوي واكل عفتهن وصعدت لغرف لان مكو لا ابوي ولا الولد صعدت بدلت وسبحت طلعت صليت ضهر وطيكيتهة بنومة
حور.
ــــــــــــــــــــــــــــــــــــــ
طلعت من المدرسه بسرعة رحت لتكسي حتى اكعد من يم الشباك احنة اربعة بل تكسي بنت السايق تكعد كدام وبنات ثنين خوات واني نبقى نتعارك منو يكعد يم الشباك ف كلمن تجي قبل تلزم مكان الهة اني صعدت وسديت الباب اجن هنا وحده صعدت من الباب الثاني وحدة اجت من يمي تريد تصعد اني قفلت الباب واشرتلهة بمعنى روحي مناك وبنت السايق حبابة مو مثلهن نحسات حجت
زينه : ههههه شون بيكم احنة يومية عركة على شباك
حور : اعذريني والله زينو اني اختنق بل نص شوفيهن يجعصني اذا اكعد بيناتهن
أنت تقرأ
طماح السبع
Adventureفرح وحزن وألتخلي عني بسبب غلطه ليست ذنبي فصليه وحزن وتمسك وخوف واأعجاب وحب وزواج قوي لا يفرقهه الموت
