طماح السبع

11♡

لشيب الطلع بالراس غصة اعله غصة.
لو تحسب الشيبات كل واحدة قصة.

ـــــــــــــــ
<حور>

راحو عمو  وعمر هم  واحنة  هم  تعبانين كلمن راح لغرفتة نام..........

حور  : كعدت على صوت تلفوني  اجى مسج وبعدين  اتصال   كمت اشوف منو يتصل لكت فاطمة كاعدة  سحبت التلفون جنار مراسلتني ورقم غريب مراسلني راسائل فارغة  ويتصل  رفضت

فاطمه  : ها منو يتصل  صار ساعة تلفونج كل شويه   يجي مسج 

حور  : هاي جنار   تكلي  اذا داومتي اخذيلي اجازة اني  ماداوم مو على اساس اني  راح  اداوم

فاطمه  :  ليش  مو ثنينجن اعفاء بعد شكو داومن

حور:  غير هاي  البطرانة  عفتهة ودخلت للحمام غسلت وجهي   اريد اطلع وهم  تلفوني يتصل طلعت بسرعة رفضت وحظرت الرقم بدون ما رد ومانطيتة اهمية. نزلت ساعة 7  رحت للمطبخ احضر وياهن العشة  صبينة وخلصنة اجو بابا  والولد كعدنة نتعشى اني  من انام الضهر اكعد مسطورة ومالي خلك  اكلنة واحنة ساكتين

باسم  :  شعجب حور ساكتة اليوم 

حور  : باوعتلة بطرف عيني  حرت وياكم احجي  تكلولي سكتي اسكت  تتعجبون ليش  ساكتة بس حاليا اني  هستوة كاعده من النوم  لذالك مالي خلك  والا اني  بحياتي ماسكت

باسم  : يبووو صوجي حجيت عمي  ابقي ساكتة احسن 

حور:  بعدنة نحجي  سمعت صوت تلفوني فوك  استغفر وكمت  رحت اشوف هم رقم غريب  يتصل دخلت للحمام وفتحت خط 

حور  :  الو   الووو محد جاوب  تنرفزت  الوووو شبيكم شهل مسلتة وقلت الذوق اذا متحجون شكو تتصلون  وسبيتو التلفون سبي ولد الحيوانات ردت اسد الخط سمعت صوت ضحكة صوت خشننن مبين ولد  شنو هاي ناس  بدون ذوق

:  هههههه على كيفج  ست حور اعصابج

حور  :  حسيت سامعة هذا الصوت  بس ماذكر وين    نعم  منو  وياي

: ههههه ماتعرفيني

حور  :  وخفت لهل صوت القذر معرفك شكو تتصل حيوان ادبسز

: جؤ جؤ جؤ   بل هداوة بوية  شمالج كلتيني حاصل فاصل

حور  : الضاهر انت مو مال عيني واغاتي ف امشي روح منا ولاتتصل مرة ثانية لا وحق الحسين  اندمك امشي ولي

: ههههههه  ام لسان

حور  : سديت بوجهة وحظرتة مرة ثانية شنو سالفة منو هذا وشيريد معرف  نزلت جاي يشربون جاي   وبابا كال  باجر  عمكم سالم هوا والعائلة يوصلون للعراق  

ـ شبسرعةةةة يالله 

ابو باسم  :  كولي يالله بنيتي خلي  يوصلون بسلامة  باجر من الصبح نروح  نستقبلهم بل مطار