طماح السبع

8♡

طيـبه گلوبنـه ومانحجـِي وجهيـن
وطبع بينـه ألنحبـه نشيلهـِه بلعيـن

ابو علي : الف مبروك ابني الحمدلله على نعمت رب العالمين............

جنار : دخلت للصالة وهوا يحجي سألهم شوكت يجون وسد الخط...... ها بابا شبيهم وينهم ليش تأخرو

ابو علي : هسه يجون بوية مرت اخوج حامل

جنار : يعمرييي الحمدلله كلش فرحت
معرف شنو شعورهم بهل لحضه وهمة نالو الشي الي صارلهم 3 سنين ينتضرونة

فاتت نص ساعه وهمة دخلو للبيت
امي تهلهل وعمر ورفل الدنيا ماسايعتهم من الفرح كعدو بل صالة وديتلهم مي

ورحت حضنت عمر وباركتلة

جنار : الف مبروك يروحي انت يتربة بعزكم انشالله

عمر : الله يبارك بيج يعمري

ادم: رفرف شتردين يجيكم ولد لو بنيه

رفل: ماكو فرق والله اهم شي الخلقة التامة

ادم: يلة لعد انشالله يجي ولد حتى اطلع تعبي هذا من عيونة

عمر : هههههه تروحلة فدوة وفداوي

ادم: اخخخ بس خلي يجي اطلع ضيمك مال الطفولة بي

جنار: بقو يشاقون شوية وصعد ادم لغرفتة
يرتاح وعمر اخذ رفل لغرفتهة
وامي وابوي هم راحو متعشين برا

اني هم صعدت لغرفتي فتت سبحت ونضفت جسمي وبديت اختار ملابس لباجر لان مالحك الصبح حتاريت شلبس عندي كومة ملابس.

بقيت اكدر بيهن اخير شي اختاريت فستان اسود مفتوح من جوا وملموم من الصدر ورداناتة تول خفيف والبس جوا بلوز خفيف لان محب جسمي يطلع وحذا كعب ناصي شوية
واكسسوارات احب الفضة خاتم ناعم وقلادة هم على شكل فراشة واسوار وتراچي كنونيات
وشعري كلت من كدام ارفعة واطلع كذلة خفيفة
ومن ورا ابقي مفتوح شعري طويل واحبة من ينفتح يجنن حضرت كلشي احتاجة وخليتهن على صفحة

صارت ساعة 11 ونص كمت طفيت الاضوية بقيت اضائة خفيفة
ونمت ...

فزيت مرعوبة على نفس الحلم الي صار مايفارق منامي وكل فترة اشوفة اني بغرفة ضلمة والشخص ضخم لابس اسود كامل ملامحة ماتبين بس ينزل من عيونة دم وادية همات كلهة دم استغفرت وكمت توضيت وصليت حتى ابعد الافكار المخيفة من راسي باوعت الساعة بعدهة 3 الاثلث رجعت غفيت وكل شويه افز وارجع انام احقر نومة من كل شوية افز معرف شكد مر من الوقت كعدت على صوت التلفون رن اكثر من مرة صرعني بصوتة

شفتة حور متصلة 22 مكالمة خلتني احجي ويا نفسي

جنار: طاح حضج حور شعندج من صباحيات الله بعدهة بل 4 الفجررررر

رجعت اتصلت جاوبتهة اول مافتحت الخط عاطت بية

حور: ولجججججججج جنار اذا اجيج افصمج نصين