ربي بلاك يازين في حب قحطاني ❤️.

7

في اليوم الثاني وهو ملكة غند ورغد كانت الساعه 12:00 الظهر قامو الكل وراحو الحريم يجهزون الغدا وعقبها بيدون يجهزون لملكة غند ورغد
ام سعود:والله ماهوب عشانهم التجهيز والاستقبال ذولا الصايعات مير عشان مايقولون العرب ي عيباه على ال هايل ملكة بناتهم ولاوقفو فيها
ام فهد:والله انتس صادقه يختس
وكملو يجهزون الغدا اما عند نايف الي كان رابط اخر طرف من ثوبه على خصره(مشمره) وشماغه على كتفه وشكله مبعثر جا يركض وزحلق وقال:هلاوالله هلاوالله بريحه الي تجيب راسي
وكان قصده الاكل
ام سعود بضحك:صاحي انت تتغزل ب اكل؟
نايف وهو يكش على نفسه:هه على نفسي ي حافظ ماعندي مزيونه اتغزل فيها خلني اتغزل ب الاكل
ام لمى بغمزه:متاكد
نايف توتر بخصوص انها هي امها وخاف انها علمتها
ام فهد بضحك:شقومك تصمنت ي نايف شكل الموضوع صدق
ام سعود الي ضحكت:شكلها جابتك من اقصاك ي نويف؟
نايف الي مثل انه عادي وقام يسوي نفسسه يطقطق:اي ععلى الحرام انها مزيونه نععبنوها والزيننن
انصدمو وضحكو كلهم من نايف وجرائها وكيف واقف قدامهم ويقولها
بس ضحكو لما قال:وطبعاً هاذي النايله حبيبة روحي
ام سعود وهي تحذف عليه الملعقه وقالت بضحك:انقلع انقلع وتعال شل الاكل ووده
نايف:الحين انقلع ولااجي ب الظبط؟
ام سعود:تعال وخذه وانقلع
نايف:سميي بس مامداه يجي ياخذ الصحن الا درعمو فهد ونواف وقالت ام لمى بضحك:اجتمعو الثلاثه الخبلان
فطسو ضحكك على ام لمى الي كانت تقول كلشي في خاطرها وعاديي
نواف بضحك:افا ي عمتي
ام نايف:الا والله انها صادقهه ماكذبت
فهد:يمه دافعي عني شي منا منا
ام فهدد:فارقني في السعه يولد
ضحكو كلهم على فهد الي تفشل وحط شماغه على وجهه وطلع وهو يقول:يفضحي فضحاههه شلللو الغدا وراحو حطوه وتغدو الحريم والرجال وخخلصو وشلو الاكل وراحو يجهزون الاستقبال والترتيبات وكان الاستقبال موفيي
اما عند البنات وكانو يتجهزون ويتكشخون وطلعو وجهزو فساتينهم
نجد بتقزز:يع لو ماجدي قال انزلو وارقصو وسو نفسكم طبيعين وماكنه صار شي كان ماحظرت ملكتها السوسه
رافا:والله انتس ماكذبتيييي ي نجد يع
الين:معليكم منها اهمشي ردح ووناسه وناس
ضحكت ميار:يوهههه ليونيييي تفهميييين صدق وربي
ضحكو وكملو يلبسون وبعد مده خلصو كلشي ونزلو تحت يستعدون لاستقبال المعازيم وبعد مده وصلو المعازيم ورحبو فيهممم وهللو وجلسو يقهونهم ووصل المملك وجلسو وخلصصصو وجت وقت الشوفه الشرعيه وكان اول واحد صالح يتدخل على غند
غند الي كان لابسه فستان موفي علاق لين فوق الركبه وشعرها فاكته وهي متعمده تلبس كذا وتغريه
صالح الي تقدر بدون مايحس وباس فمه استانست وبادلته استغرب من جرائتها ووخر وجلس وقال:صح بدايتنا شينه وماتوقعتها كذا لاكن وعد والرجال يصون وعده ماضرتس بشي كان مانفعتس ماني ضارتس وانتي ذلحين صرتي حرمتي وعلى ذمتي
غند ابتسمت بدلع وقالت بهداوه:شكراً طمنتني وانا اوعدك اكون وافيه لك طول حياتي
ابتسم صالح وهز راسه وقام وطلع
وجا وقت رغد وحامد دخل حامد بهيبته وطوله ورزته
ودخلت غند الي مايجحد انها كانت حلوه بفستانها الوردي الماسك ومن عند الصدر V جلست رغد ب سحى كامل وانعجب فيها حامد وصار يتأمل فيها مره
حامد:كيف حالتس؟
رغد ب سحى طبيبعي:تمام وانت؟
حامد:بخير اسمعي
رفعت رغد عيونها وصار مقابله لعيون حامد الي تاههه في عيونها حيل استحت وقالت:هلا؟
حامد:اسمعي بنعيش حياتنا طبيعي ولاكننا انكبنا من اختس وخويي الله ينكبهم
ضحكت رغد بخفه:صدق
حامد بضحك:بس طلعتي حليوه النكبه فيتس حلوه
ضحكت رغد على حامد وضحك معها وعقبها قام وقال:يالله بستأذنتس ي الحليوه
رغد قامت بضحك:اذنك معك
حط حامد يده على اذنه:اي معي ليه؟
ضحكت رغد على حامد بقوهه وضحك حامد منها وقال:انقلعي انقلعي
رغد بضحك:تكفى وشذا الغباء الي فيك؟
حامد:تلايطي بس(انطمي)
رغد طلعت وهي تضحك وطلع حامد اما عندي رغد الي طلعت وصادفت نجد ورافا والين وجفول والمها وجلست عندهم تضحك وتشرح لهم عن حامد وضحكو معهم ونسو انهم متهاوشين معها
الين:تكفين وشذا الغبي الي جابوه عماني يتزوجتس
المها:اهخخ احتاج واحد دلخ مثله
وكملو سوالفهم ونسو انهم متهاوشين معها وانهم مايكرهونها وعدى الوقت وجا وقت النوم وكانت ام سعود وام نايف جالسين هم وعيالهم سوا وقالت نجد :يمه تدرين جفول حلوه يعني لو نخطبها لسالم اخوي وكذا
سالم بسرعه:لالا مابيها ولاابي احد
زفر سعود براحه ولاحظته امجاد ونجد وامه وقال بضحك:بعض الناس بغى يموت ضحكو بس مايعرفون من تقصد سعود توتر يوم شاف امه عرفت وركزت فيه
نايف قام ينط عند امه:يمه انا انا بعرس تكفين
سعود:يورع تراك بزر وينك ووين العرس
نايف رفس سعود بعدم انتباه ونسى انه اخوه الكبير :اسكت اسكت مانبي نسمع رايك
سعود اشر على مكان رفسة نايف :قدها يورع؟
نايف انخرش وانحاش ورا امه:انا مب قدها
ضحكو على نايف وبعد مده من السوالف والضحك قام كل واحد ينام وهدى البيت ودرت نجد ان كل البيت نامو قامت نجد وطلعت من الغرفه ودخلت المطبخ وصادفت فهد الي كان داخل يبي ياكل لانه مااكل وشافها وشاف كياتتها بفستانها الازرق الي باقي ماغيرته الي ماسك من عند الخصر والباقي لا فهد قال:
هو طبيعي إنتس كل يوم تزيني؟
ولا عيوني من عشقها لتس تزيّنتس !
استحت نجد وقال بغرورها المعتاد :انا مزيونه من يومي اسمع جيعان صح؟
فهد الي رقى(طلع) على الدولاب
وقال:اي والله
نجد:نفسي حتى انا جيعانه اسمع فهود انا بروح ابدل لبسي وانت طلع الاندومي وحطه ب القدر لين اجيك
فهد ركزت بمسمعه كلمة(فهود)وهي دايم تناديه الفهد
فهد:على ذا الخشم
نجد ببتسامه:عليه الشحم
وطلعت تبدل لبسها ولبست بجامه حرير بيضاء وعليها شالها الاسود ورفعت شعرها بشكل عشوائي ودخلت لف فهد عليها وصد عض فمه :تبي تذبحني ذي الورعه
نجد جت وطلت ب القدر وكانت قريبه من فهد وطالع فيها قالت:شكل بيجينا تسمم على كيف كيفك
ضحك فهد منها وعلى حركاتها وهي تقوله كذا وسوت خلطة الاندومي وحطت البهارات ب صحن صغير وحطت معها بهارات زايده بعد وحطتها على الاندومي حقهم وخلص وجلسو على الارض وبدو ياكلون
نجد:فهد انت شاعر؟
فهد:شاعر نجد
ضحكت منها:اما عاد انا عندي شاعر
فهد بضحك:اي انا
نجد:طيب قول فيني قصيده ترضي غروري
فهد :طالع فيها وقال في قصيده كتبتها فيتس قبل
نجد:قولها اسمعك
فهد:
ابتسمي لي انا محتاجتس وضايق
ابتسامت وجهتس الطاهر مببره