ربي بلاك يازين في حب قحطاني ❤️.

8

شافو ال متعب الي كان واضح الشر بعيونهم ويطالعون ب ال هايل
الجد متعب:مشاء الله ينعزمون اهل الديره كلهم وحن لا؟ماحن ب اهلها مثل ذولا الي انت عازمهم؟
الشامخ بعصبيه:فارقق ومثلك مانتشرف يدخل بيتنا
فهد بنفس عصبية الشامخ:ورجلك ان عاد شفتها ترفس باب بيتنا نذرً على رقبتي لاكسرها واحطها على رقبتك
اربع من احفاد متعب قالو بصوت واحد:تعقب
تفلتو عليهم فهد والشامخ ونايف ونواف يبون يضربونهم ويبتلون فيهم والباقين يمسكونهم لاكن ماقدرو وفلتو وطاحو في بعض ضرب وحاول الحل يفك احفاد ال متعب من احفاد ال هايل لاكن مافي فايده وبعد مده فككوهم وبعدوهم وكان ثيابهم كلها دم واحفاد متعب كان طايحين ب الارض من الضرب الي جاهم من ال هايل لاكن اسندوهم اخوانها وعيال عمهم ورفعوهم
فهد وهو يفور عصبيه:فارقق لا ابتلييي فييك
الشامخ وهو الي كان سعود ماسكه ويحاول يبعده عشان مايبتلون فيهم
الجد متعب:هه ماهيب غريبه تتكلمون على رجال واقفين على باب بيتكم وتطردونهم طلعت المرجله صعيبه على الجد واحفاده وعياله؟
تقدمو احفاد ال هايل كلهم بوقت واحد ونطقو:تخسي صعيبه عليك انت وعيالك
لاكن ردتهم يده جدهم الي مدها قادمهم يمنع تقدمهم
الجد:اسمع ي متعب حنا  مانعرف مانرد الباب دون ضيفانا لاكن نعرف نربي ضيفنا لو كان عديم تربيه والحين من غير مطرود انت واحفادك وعيالك بيتي يتعذركم روحو وفكو احفادي من شركم وللمعلوميه احفادي لافارو ماني قادر اردهم افتك عيالك واجفل يولد
الجد متعب الي كان يعرف قوة احفاد ال هايل وقش عياله واحفاده وراح وعقبها راحو كل الضيفان بيتوهم وفضى بيت ال هايل من ضيفانه
جلس الجد وحط يده على وجه وهو يقول:لاحول ولاقوة الا بالله
فهد بعقدة حاجب:لايكون رفعو ظغطك ي جد ؟
الشامخ:لو رفعوه والله ماخلي واحد من عيال متعب عايش ووعلى راسهم هو ان انحره واطشه للكلاب
الجد:لايعيالي تعوذو من ابليس مافيني شي بس يالله روحو غيرو ثيابكم وادخلو نامو سمعو كلام جدهم وراحو دخل فهد المطبخ يشرب ما لاكن شافته نجد بثوبه الي كله دم
نجد بخوف وشهقه قربت من فهد من غير ماتنتيه وهي تتفحصه:فهود شفييك من سوا فيك كذا ووالصراخ الي كان برا وش ؟
فهد ابتسم من قربها منه وقعد يشرح لها السالفه وقال:بس كذا مافيه شي كايد
نجد بنرفزه:ال متعب ذا يبي لهم من يدعس على ارقابهم
فهد سحبها من خصرها وحطها على الدولاب ووصار قدامها نزل جبهته على جبهته :لو تبيني ادعس على رقبتهم واحد واحد بدعسها عشانتس
نجد استحت وتوترت منه وقال:طيب ابعد حرام
فهد باس خدها ببكل قوته لاكن دفته وانحاشت قعد يضحك وقال:اخيراً قدرت بس اتقرب منها اهخخخخ متى اتخرج واتوظف واتزوجها
نايف الي كان يكلم بجواله ولاغير ثوبه وكان يصور ل اخوياه ويطقطق ويقول:شفت جمال حبيبي وتفجر قلبي وتطشر دمي وهو يضحك ويطقطق شافته رافا الي جت تركض ومسكته:نايفي شفيك ليه ثوبك فيه دام حبيبي شفيك؟
نايف دخل جواله بثوبه وسحبها يجلس وقال بحماس:بعلمتس السالفه وبدا يشرحها ورافا الدموع بعيونها وكانت خايفه عليه لابعد حد وخلص ومسح على شنبه بغرور:شفتي كيف انا بطل فقعت وجه تفقيع
لاكن صدمته رافا الي ارتمت بحضنه وضمته ابتسم وشدها اكثر له وهو يمسح على شعرها وظهرها باس راسها وبعدت ضربته بخفه على كتفه:يويلك عاد تدخل ب مضاربات نايفي
نايف ابتسم من كلمة(نايفي):عيون نايفتس وقلبه وحياته بس؟من عيوني يعيوني
استحت رافا وباست خد نايف وانحاشت ضحك على حركتها وقام يبدل ويدخل ينام وهدى البيت ومعناته ان الكل رقد وماعاد باقي احد صاحي غير الشامخ الي يلعب ب سبحته وكان عند البل ولابس عصبته الحمرا وثوبه الابيض ويمسح عليها ويلعب معها
جت نوف بشيلتها وجاهله وجود الشامخ الي راح وتكى ب الدكه ويطالع فيها جلست نوف عند الناقه وقالت بتحلطم:الحين ودي افهم ليه مايطلعونا نكشت ودي ب مخيم ودبابات كل ماقول لهم وضخمت صوتها يقولون لا لا ضحكت الشامخ بخفه منها وكان يتأملها وهي تتحلطم وتشكي على الناقه
نوف:الحين ي ناقه ودي اقولتس شي الحين انتي تفهمين على لو افضفض لتس واقولتس كلشي بخاطري
جا الشامخ ووقف على يمين الناقه ونوف على يسارها شهقت نوف بخوف وعدلت شيلتها
الشامخ:معليتس ماني مسوي لتس شي بس حتى انا طفشان مثلتس وودي نكشت وبعدين غبيه تشكين ل الناقه؟
نوف مدت لسانها له:مالك دخل انشغل بنفسك بعدين كنك جني ماتنشاف من متى وانت هنا
ضحكت من حركتها ومسح على الناقه:من يوم جيتي تتحلطمين
نوف بشهقه:وجع وطول ذا الوقت ماتنحنحت ماتكلمت
الشامخ:اسمع وش تقوللين ووش شكاويتس بعدين لو تبين تشكين تعالي عندي واشكي ي الورعه
نوف ضربته وقالت:انت الورع فاهم بعدين انقلع مالك دخل كيفي اشكي للي ابي بعدين الناقه احسن منتس
الشامخ وهو يكتم ضحكته:كنت بكلم جدي عشانتس ونطلع نكشت لاكن لسانتس طويل كنسلت
نطت عليه نوف بعدم استيعاب وتمسكت بذراعه :تكفى اعتذر لك ي ولد عمي العزيز بس كلم جدي طلبتك
ابتسم الشامخ على حركتها ونزلت لمستواها واشر على خشمها:على ذا الخشم
نوف بخجل لما استوعبت:عليه الشحم انا بروح قبل يشوفونا ويفهمونا غلط وينكبونا ببعض
ضحك الشامخ:ودعتس ربي
نوف بضحكه:وودعتك ربي ي المحزم المليان
ضحك الشامخ بقوه:احتزمي بي
ابتسمت نوف ولفت تمشي وشافها لين دخلت  وراح وقال بينه وبين نفسه:ورعه
وضحك وراح ينام ويكمل نومه