لو حبها مرض؟ الله لايشفيني🤎

عنوان الجزء

واليوم يصادف يوم ميلاد ريماس ولا تدري انهم راح يسوون لها حفلة او لا
وجاها وليد مستانس فيها وقال:هاه كيف كبيرتنا اليوم؟
ريماس:هلا عيوني تمام بخير
وليد:اليوم عيد عندي
ريماس:احس صرت اكبر منك وانا اصغر
وليد:مهما صرتي كبيره او صغيره بتضلين شبر ونص
ريماس:لا عاد الا ذي الكلمه عشان ماقلب عليك وانا مستانسه
وليد:خلاص خلاص
وطلع وليد من الغرفه وراح عند للمجلس الخارجي ولقى العيال كلهم مجتمعين وكانو يطقطقون على البنات ووليد قرر يجلس معهم ويطقطق لكن ماطقطق على ريماس
وقال:سلامات تطقطقون على البنات بعدين مارضى على نوف ومي
عبدالله:غريبه ماقلت من ضمنهم ريماس؟
وليد:هاه اكيد ريماس اولهم
باسل:ياعيال شرايكم الليله نكشت مدام الجو حلو وفاضيين
محمد:والله فكره وفوقها اسوي الكبسه البنيه للعشاء
سعود:اجل انا بروح اجهز العزبه واجيكم
وليد:اسرع لا تتاخر علينا الا ياعيال وين خالد وحامد؟؟
محمد:تعرف خالد ماهو فاضي مداوم وحامد مشغول مع ابوه
وليد:اها اجل في كشته ثانيه وبتكون هم معنا
وجهزوا العيال كل شي ووليد نسى ان اليوم يوم ميلاد ريماس وقال:ياعيال شرايكم نخليها بكره؟
عبدالله:ليه؟
وليد:اليوم ميلاد ريماس وانا ابي اجلس معها
وردوا العيال برد جمهوري وقالوا: يلا ومنها نجيب لها هدايا
وليد:هين انا جايب لها هديتها
باسل:اها ذيك السوده
وليد:ايه وتستاهل اكثر
ومره الوقت لين وصل الساعه المنتظره وهي ساعه ولاده ريماس وجابو شمعات وكيكه وبالونات ونادوها وليد قال بصوت عالي: ريماس تعالي ابيك تسوين لي مساج
ريماس:يلا جايه
وقالو بصوت جمهوري:Happy Birthday To REEMAS
ويكررون نفس الكلمه وقال وليد:كل عام وافضل ريماس بخير
سعود:كل عام واحلى اخت بخير
محمد:سنه حلوه ياجميله
وبدوا يسولفون ويطقطقون وقال وليد:والله ان عندي ذبات كثير
سعود:يلا قولنا ذبه منهم
وليد:يقولك فيه سفينه تبكي قول ليش؟
سعود:ليش؟
وليد:غاسلين شراعها
وضحك وليد ضحكه قويه وبصوت عالي وريماس تقول من داخلها:ماصدق ذا يحبني ويبيني وضحكته تاخذ العقل؟
محمد:بالله سعود قوم بنقلدهم
سعود:ايه والله
وسعود بدا يقلد وليد بالكلام:انتي ياريماس كل شي بالدنيا.وبصوت مضحكه
محمد بتقليده لـ اخته ريماس:انت كل شي بالنسبه لي يا دودي بصوت مضحك
و سعود بدا يجلس على ركبه وحده ومعه شمعه على اساس ورده حمراء وقال:ذي لك يابعد كلي
ورد محمد يقلد ضحكتها وقال:ايهي ايهي استحيت بيبي
ووقفهم وليد يقول:خير خير من قالكم ان احنا كذا؟
وسعود يغمز ويقول:مي
ووليد ابتسم لكن من داخله نار تشتعل بسبب ان مي قالت لهم
ووو...